2 E an boroghɨra mangɨ a mɨnabɨva,

pamten dɨm ighiabar amu

an ziam fɨ bar akuegham.

4 E an Dɨpenimɨn aven mangɨ

an ziam fɨva a mɨnamam.

E a mɨnabagh

an ziar ekiam bar a pɨrafam.

1 ✝E Ikiavɨra Itir Godɨn ziam fam!

An araziba bar dera,

ezɨ a zurara en apangkuva ikia mamaghɨra iti.

Kamaghɨn amizɨ, e bizir kam bagh a mɨnabagham.

28 O God, nɨ nan God,

ezɨ kɨ nɨ mɨnabaghasa.

Nɨ nan God,

kɨ ziar ekiam nɨ danɨngam.

7 Ia Ikiavɨra Itir God bagh ighiaba bangɨ egh a mɨnamang.

E uan God bagh gitabav soghtɨ,

dar ararer aghuiba a bagh mangɨ.

30 Kɨ Godɨn ziam fɨ egh onger akabar amuam.

Egh a mɨnabɨva an ziar ekiamɨn gun mɨkɨmam.

7 ✝Ikiavɨra Itir God uabɨ gavgavim isa na ganɨga,

nan oramɨn mɨn ikia na modi.

Ezɨ kɨ nɨghnɨzir gavgavim an iti.

A nan akurvagha na gamima,

kɨ uan navir averiamɨn, a bagha bar akuegha

onger akabagh amua a mɨnabi.

13 "En God, e datɨrɨghɨn nɨ mɨnabava

nɨn ziar bar ekiam fe.

6 ✝Ia bizitam bagh nɨghnɨgh osɨman markɨ. Ia zurara uan osɨmtɨziba bagh God ko mɨkɨm. Ia God ko mɨkɨm a mɨnabɨ, egh a ian akurvaghsɨ ia an azang.

3 ✝Dughiabar kɨ ia gɨnɨghnɨgha, ia bagha uan God mɨnabi.

17 ✝Ezɨ bizir manaba ia dagh ami, mɨgɨrɨgɨaba o ingangariba, ia bizir kaba bar Ekiam Iesusɨn ziamɨn dar amu. Egh an ziamɨn ia God Afeziam mɨnabɨ.

2 ✝E zurazurara God mɨnabava ia bagha God ko mɨgei. 3 ✝E ian arazibagh nɨghnɨgha e fo, ia nɨghnɨzir gavgavim Godɨn itima, bizir kam ia gamima ia ingangarir aghuibagh ami. Egha ia igharazibagh ifuegha, bizir kam ia gamima, ia pamtem ingari. Egha ia en Ekiam Krais Iesusɨn mɨzua ikia, uan naviba gavgavim dagh anɨgavɨra iti. E ian arazir kaba Godɨn damazimɨn dagh nɨghnɨsi. Kamaghɨn, e bizir kaba bagha God mɨnabavɨra iti.

4 God, Krais Iesusɨn ingangarimɨn tuavimɨn, ian apangkuvigha, deragha ia gami. Kamaghɨn kɨ zurara ia gɨnɨghnɨgha uan God mɨnabi.

57 ✝En Ekiam Krais Iesusɨn ingangarimɨn, God gavgavim e ganɨdima, e ovevem ko mɨsogha a dɨkabɨri. Kamaghɨn, e God mɨnabi!

14 Ezɨ God, Krais ko porogha en faragha zuima, e an gɨn ghua kalabuziar gumazamizibar mɨn ghua bar akuegha mɨgɨa ghaze, Krais modorozim gafiragha apaniba dɨkabɨragha gɨfa! Ezɨ arazir kamɨn gumazamiziba bar God gɨfoghamin fofozim ini. A mati mughuriar aghuimɨn mɨn otozɨ, amɨnim a bɨrazɨ a tintinibar ghu. Bizir kam bagha kɨ God mɨnabi.*

10 ✝God dagher ovɨziba gumazamizibagh anɨdima me uan azenibar da opari. Egha dagher guar bar avɨriba isa gumazamiziba bar me ganɨdima, me da api. Kamaghɨra God biziba uaghan ia danɨngtɨ, ia bar izɨvagham. Kamaghɨra ia Godɨn gumazamizir igharaziba men akurvagham. Eghtɨ ian arazir aghuiba otiv mangɨvɨra ikɨ, mati gumazim dagher ovɨziba oparizɨ dar dagheba otiva ghuavɨra iti. 11 ✝God zurara bizir bar avɨriba ia danɨngtɨ, ia bizir avɨriba igharaz darazi danɨngamin tuavim ikiam. Eghtɨ en ingangarimɨn, ia me danɨngamin bizir kaba, me damightɨ, me God bar a mɨnabagham.

19 ✝✝Egh ia uariv kɨmsɨ, Onger Akabar Akɨnafarimɨn aven itir ighiaba ko, Godɨn ziam fer ighiaba ko, Godɨn Duam ian navir averiabagh atɨzir ighiaba, ia uariv kɨm. Egh ia ighiabar amuva, Ekiamɨn ziam fɨva, uan navir averiabar aven, ziar ekiam a danɨng. 20 ✝Egh ia zurara, en Ekiam Krais Iesusɨn ziamɨn, bizir otiviba bar, da bagh God Afeziam mɨnabɨ.

21 ✝Ia Kraisɨn apengan ikia an ziam fe, kamaghɨn ia uarira uarir apengan ikɨva uari baghɨvɨra ikɨ.

41 Me apiaghav itima, Iesus bretɨn 5pla inigha, osirir pumuning inigha, pɨn overiamɨn gara God mɨnabagha bretba abɨagharɨki. Egha uan suren gumazibav geima, me da isa, gumazamizibagh anɨdi. A uaghan osirimning sara abɨagharɨghizɨ, me da isa, me ganɨdi. 42 Ezɨ gumazamizir kaba bar amegha, naviba bar izefe. 43 Men naviba bar izevezɨma Iesusɨn suren gumaziba, dagher nar me ataghiziba inigha, akɨrar 12pla gaghuizɨma, da bar izɨfa.