2 हम धन्यवाद करदे होये उसकै स्याम्ही आवां,

अर भजन गान्दे होए उसका जयजयकार करां।

4 उसके फाटकां म्ह धन्यवाद,

अर उसके आँगणां म्ह स्तुति करदे होये बड़या करो,

उसका धन्यवाद करो, अर उसके नाम नै धन्य कहो!

1 यहोवा की स्तुति करो! यहोवा का धन्यवाद करो, क्यूँके वो भला सै

अर उसकी करुणा सदा की सै!

28 हे यहोवा, तू मेरा परमेसवर सै, मै तेरा धन्यवाद करुँगा;

तू मेरा परमेसवर सै, मै तेरी स्तुति करुँगा।

7 धन्यवाद करदे होए यहोवा का गीत गाओ;

वीणा बजान्दे होए म्हारे परमेसवर का भजन गाओ।

30 मै गीत गाकै तेरे नाम की स्तुति करुँगा,

अर धन्यवाद करदा होया तेरी बड़ाई करुँगा।

7 यहोवा मेरी ताकत अर मेरी ढाल सै;

उसपै भरोस्सा राक्खण तै मेरे मन नै मदद मिलै सै;

इस करकै मेरा मन फुल्या न्ही समान्दा;

अर मै गीत गाकै उसका धन्यवाद करुँगा।

13 इस करकै इब हे म्हारे परमेसवर! हम तेरा धन्यवाद अर तेरे महिमायुक्‍त नाम की स्तुति करां सां।"

6 किसे भी बात की चिंता ना करो, पर हर हालात म्ह थारे निवेदन, प्रार्थना, बिनती अर धन्यवाद कै गैल परमेसवर कै आग्गै पेश करै जावै।

3 मै जिब-जिब थमनै याद करुँ सूं, तब-तब अपणे परमेसवर का धन्यवाद करुँ सूं,

17 वचन म्ह या काम म्ह जो किमे भी करो, सारा प्रभु यीशु मसीह कै नाम तै करो, अर उसकै जरिये परमेसवर पिता का धन्यवाद करो।

2 हम अपणी प्रार्थनायां म्ह थारे ताहीं याद करदे अर सारी हाण थम सारया कै बारै म्ह परमेसवर का धन्यवाद करा सां। 3 अर अपणे परमेसवर अर पिता कै स्याम्ही जो काम बिश्वास तै करे, अर बिश्वासियाँ खात्तर इतणे प्यार तै मेहनत करी, अर प्रभु यीशु मसीह के बोहड़ण की आस के कारण बड़ी धीरजता तै दुखां नै सहन्दे होए, सारी हाण थमनै याद करा सां।

4 मै थारे बारै म्ह अपणे परमेसवर का सारी हाण धन्यवाद करुँ सूं, क्यूँके मसीह यीशु म्ह परमेसवर का अनुग्रह जो थारे पै होया सै, उसके कारण उसनै थारे ताहीं भोत सी आशीष दी सै।

57 पर परमेसवर का धन्यवाद हो, जो म्हारै प्रभु यीशु मसीह कै जरिये हमनै पाप अर मौत पै जयवन्त करै सै।

14 पर परमेसवर का धन्यवाद हो, जो मसीह कै साथ म्हारी संगति होण के कारण हमनै जीत कै उत्सव म्ह लिये फिरै सै, इब परमेसवर म्हारे ताहीं खसबूदार इत्र की ढाळ मसीह का ज्ञान फैलाण खात्तर हरेक जगहां इस्तमाल करै सै।

10 परमेसवर ए सै जो किसानां नै बीज अर खाण खात्तर रोट्टी देवै सै। इस तरियां परमेसवर हमेशा थारे खात्तर धन देवैगा, ताके थम उन माणसां की मदद कर सकों जिन ताहीं धन की जरूरत सै। 11 थम हरेक तरियां तै आशीष पाओ, ताके थम खुल्‍ले दिल तै दे सकों, अर जिब थारा दान गरीब माणसां म्ह बाट्या जावै तो वे सारे परमेसवर का धन्यवाद करै।

19 जिब थम पवित्र आत्मा के कहे म्ह चाल्‍लोगे तो ये काम करोगे, जिब थम कठ्ठे होओगे तो आप्पस म्ह परमेसवर के भजन, उसकी जै-जै कार अर आत्मिक गीत गाया करोगे, अर अपणे-अपणे मन म्ह प्रभु के आग्गै गान्दे अर कीर्तन करदे रहो। 20 अर सदा सारी बात्तां कै खात्तर म्हारे प्रभु यीशु मसीह कै नाम तै परमेसवर पिता का धन्यवाद करते रहो। 21 मसीह कै प्रति श्रद्धा-भक्ति राक्खण के कारण एक-दुसरे कै अधीन रहो।

41 यीशु नै उन पाँच रोट्टी अर दो मच्छियाँ ताहीं लिया, अर सुर्ग कै कान्ही लखाकै परमेसवर का धन्यवाद करया, अर रोट्टी तोड़-तोड़कै चेल्यां ताहीं देन्दा गया के वे माणसां ताहीं बांडै, अर वे दो मच्छियाँ भी उन सारया म्ह बांड दी।

42 सारे खाकै धापगे, 43 अर उननै टुकड्या अर मच्छियाँ तै भरी होई बारहा टोकरियाँ ठाई।