Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Nàbemka ba nɛ dhiiti sonok, ye nakoozodi dáa. É mɛwala djas, waabka nɛ Zɛɛb esonok djas bi di nɛ gwyes nɛ yɛ ɛ tɔ mendjaala. Saka yɛ nɛ lyem duu tɔ ɛbulal ɛ́ bhɔɔ nɛ Zɛɛb.
Mɛ nɛ bulal bhɔɔ nɛ Zɛɛb’am é mɛwala djas mɛ di etaala bin ɛ.
Mɛsa mɛ bi aadi esa djas ɛ, nɛ mɛkpa aadi ewyis tɔ enuub’en ɛ, saka yɛ nɛ din ɛ Ghɛŋ Yezu tɔ ɛbulal ɛ́ bhɔɔ nɛ Zɛɛb Sɛɛg kɔ ɛsu ɛ lɛ.
Bis nɛ bulal bhɔɔ nɛ Zɛɛb mɛlu djas kɔ ɛsu ɛ len. É ghɛŋ bis di edjaala ɛ, bis nɛ baadjaala kɔ ɛsu ɛ biyɔ djas. Sok bhwoob Zɛɛb Sɛɛg’enaka bis nɛ taala mɛlu djas dáa bi di ghiŋ tɔ ɛdum ɛ koŋ nɛ Zɛɛb, nɛ mɛsa mɛ kwyɛl, zɛnɔɔ ɛbwaalel bi di nɛ yɛ nɛ Ghɛŋ’enaka Yezu Klisto ɛ.
Deenek, mɛ ɛpebulal bhɔɔ nɛ Zɛɛb’am mɛlu djas étɛp enɛm nɛ embɛɛ ee nyɛ nasa bin dum nɛ Yezu Klisto ɛ.
Deenek, bhɔɔ nɛ Zɛɛb, mot di edjɛ mena ghwyil ɛkwak ɛsyee kɔ ɛsu ɛ Ghɛŋ’enaka Yezu Klisto ɔ!
Duu nɛ Zɛɛb, etɛɛ náá nyɛ ɛ́ di edjɛ mena ghwyil ɛkwak etɛp é mɛwala djas kɔ ɛsu ɛ Klisto. Deenek, kɔ ɛsu ɛ lena, nyɛ eesa náá, bot gu Klisto dáa mɛnuub mɛ mbɛɛ mɛmanas zesoaa é edi djas ɛ.
Zɛɛb ɛ di djɛ bhek nɛ mbɛel pyeeb, nyɛ ɛ baadi edjɛ nyɛ edee nyɛ di edɛ ɛ, deenek, nyɛ waadjɛ bin membi mɛ mɛbhek djas bi di nɛ gwyes tak ɛ. Nyɛ waasa náá, ye wyee ɛnyɔɛpe etɛɛ náá, bi neegó bɛtɛ nɛ edee tɔ epyeeb. Yɛ ɛ́ deenek ɛ́, enɛm esa ee bi di esa ɛ, yɛ aabu. Zɛɛb ɛ́ waasa náá, bi gheedidi nɛ kɔkɔ mbi ekum djas, etɛɛ náá, bi neegheesesa enɛm esa. Deenek, bɛtɛ nɛ bot ɛ́ waaghaapɛɛ Zɛɛb, étɛp esa ee bi di edhis nɛ nes náá, bis djɛ bɛ ɛ.
Djɛelka mɛghaaz pak’en tɔ mɛdjeeb mɛ di edjɛ ɛbwaalel, nɛ mɛdjeeb mɛ di edjɛ duu nɛ Zɛɛb, nɛ mɛdjeeb mɛ Sisim na Dɛɛ di etel ɛ. Tiika, myaalaka nɛ Ghɛŋ’en nɛ lyem wat. Bulalka bhɔɔ nɛ Zɛɛb Sɛɛg’enaka é mɛwala djas, é edi djas, nɛ din ɛ Ghɛŋ’enaka Yezu Klisto.
Biyɔ bot ɛ di elooba nɛ Klisto ɔ, dika nɛ mɛsila pak’en.
Bhii tak, Yezu eezɛnɔɔ emapa nɛ bɛsu binek, nyɛ eezɛben mis pɛ ɛko, zɛghaapɛɛ Zɛɛb. Nyɛ eezɛpyak mapa, nɔɔ, djɛ bɛdjekel bɛ etɛɛ náá, bɛ needjɛ bot ɛ bɛ nanɛɛg mendiindil ɔ, dɔɔ nɛ bɛsu ɛbá bɛ nadi nɛ yɛ ɛ. Mot nɛ mot naadɛ, djil. Bɛdjekel bula nɛ mɛbhubhwak mɛ ebil e emapa nɛ bɛsu ɛ́ nalik ɛ, sa yɛ aalwoodal mɛbhwaa kam nɛ ebá.