2 ኣኔ ኢዛ ሲን ጋላታራ ሺቆስ፤

ጋላታ ማዛሙሬ ኡፋይሳን ዬጾስ።

4 ኢዛ ፔንጌ ጋላታራ፥

ኢዛ ዛጎ ሳባራ ጌሊቴ፤

ኢዛ ጋላቲቴ፤

ኢዛ ሱንካ ኣንጂቴ።

1 ጎዳ ጋላቲቴ!

ኢዚ ኪያ ጊዲዳ ጊሻስ፥

ኢዛ ሲቆይካ

ሜርናስ ጊዲዳ ጊሻስ

ጎዳ ጋላቲቴ።✝

28 ኔኒ ታ ጾሳ፤

ታኒ ኔና ጋላታና፤

ኔኒ ታ ጾሳ፤

ታኒ ኔና ጊታሳና።

7 ጎዳስ ጋላታ ማዛሙሬ ዬጺቴ፤

ኑ ጾሳስ ማሲንቆ

ሾጪሼ ጋላቲቴ።

30 ታኒ ጾሳ ሱን

ዬን ጋላታና፤

ጋላታ ዬን

ኢዛ ጊታቴ ቆንጪሳና።

7 ጎዳይ ታስ ዎልቃኔ ጎንዳሌ፤

ታ ዎዚናይ ኢዛን ኣማኔቴስ፤

ሄሳን ታኒ ማዴታዲስ፤

ሄሳ ጊሻስ

ታ ዎዚናይ ኢዛን ኡፋዬቴስ፤

ታኒ ኢዛ ዬን ሳባና።

13 ሃኢካ ኑ ጾሳዉ!

ኑኒ ኔና ጋላቶስ፤

ኔ ቦንቾ ሱንካ ሳቦስ» ጊዲ

ጎዳ ጋላቲዴስ፤

6 ሃኒዛ ዮኦን ኡባን ጋላታን፥ ዎሳኒኔ ጋናቴን ጾሳ ሲን ሺቂቴ ኣቲን ኣይ ሚሻንካ ሂርጎፍቴ።

3 ኢንቴና ቆፒዛ ኡባ ጋላስ ታኒ ታ ጾሳ ጋላታይስ።

17 ኢዛ ባጋራ ጾሳ ኣዋስ ጋላታ ሺሺሼ ቃላን ጊዲን ዎይኮ ኦሶን ኢንቴ ኦዛይሳ ኡባ ጎዳ ዬሱሳ ሱንን ኦቴ።

2 ኑ ኢንቴና ኑ ዎሳን ቆፒሼ ኡባ ዎዴ ጾሳ ኢንቴ ጊሻስ ጋላቶስ። 3 ኣማኖኒኔ ሚኖ ሲቆቴን ኢንቴ ኦዳ ኦሶ ጊሻስ ጎዳ ዬሱስ ኪርስቶሳ ቦላ ዲዛ ኢንቴ ሚኖ ሂዶታን ቤቲዳ ኢንቴ ሚኖቴ ጊሻስ ኑ ጎዳ ጾሳ፥ ኑ ኣዋ ሲንን ኡባ ጋላስ ኢንቴ ጊሻስ ቆፖስ።

4 ጎዳ ዬሱስ ኪርስቶሳ ባጋራ ኢንቴስ ኢሜቲዳ ጾሳ ኪያቴ ጊሻስ ኡባ ዎዴ ኢንቴ ጊሻሲካ ታኒ ጾሳ ጋላታይስ።

57 ጊዶ ኣቲን ጎዳ ዬሱስ ኪርስቶሳ ባጋራ ኑስ ጾኖ ኢሚዛ ጾሳስ ጋላታይ ጊዶ።

14 ጊዶ ኣቲን ኪርስቶሳ ባጋራ ኡባ ዎዴ ኑና ጾኖ ኦጌን ካሌ ዩሺዛኔ ባ ሎኦ ኤራቴ ኑ ባጋራ ኡባሶን ቆንጪሲዛ ጎዳስ ጋላታይ ጋኮ።

10 ዜሪዛዴስ ዜሬ፥ ማናስ ካ ኢሚዛ ጎዳይ ኢንቴ ዜሪዛ ዜሬ ኢዚ ኬሂ ዳርሲ ኢማና፤ ኢዚ ኢንቴ ኪያቴ ኦሶዛ ኣይፌ ኢንቴስ ዳርሳና።✝ 11 ኢንቴ ኪያቴን ኢሞይሲ ኑ ባጋራ ኢስታ ጋኪዛ ኣሳቲ ጾስ ጋላታና ማላ ኢንቴ ኡባ ዎዴ ኪያቴ ኢማና ማላ ጾሲ ኢንቴና ኡባሶራ ዱሬሳና።

19 ኣያና ዬን ጋላታራ ጋ ዬጺሼ ኢንቴ ጊዶን ኢሶይ ኢሳራ ሃሳዬቲቴ፤ ኢንቴ ሳባኒኔ ዬን ኩሜ ዎዚናፔ ጎዳ ጋላቲቴ። 20 ሄሳን ጾሳ ኣዋ፥ ጎዳ ዬሱስ ኪርስቶሳ ሱን ኡባ ሚሻስ ኡባ ዎዴ ጋላቲቴ።

21 ኢንቴ ኪርስቶሳ ቦንቾስ ጊዲ ያሻራ ኢሶይ ኢሳስ ኣዛዜቲቴ።

41 ኢዚካ ኢቻሹ ኡኬታኔ ናምኡ ሞሌታ ባ ኩሼን ኦይኪዲ ፑዴ ሳሎ ጼሊዲ ኣንጂዲኔ ኡኬ ሜን ሜን ኣሳስ ጊሻና ማላ ባና ካሊዛይታስ ኢሚዴስ፤ ናምኡ ሞሌታካ ኡባ ኣሳስ ሻኬሬዴስ። 42 ኣሳይ ዉሪካ ሚዲ ካሊዴስ። 43 ዬሱሳ ካሊዛይቲ ኣሳይ ካሊ ሚን ኣቲዳይሳ ታማኔ ናምኡ ሌማቴ ኩሜ ሺሺዴስ።