Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Enketa Agri avuga vuta susu hunenteta, muse zagame huta agi’a ahentesga hamneno.
Agri kumapima ufre kahante’ma nevuta muse hume nevuta, unefreta agi’a ahentesga hiho. Ana nehuta susu huta muse hunenteta, ra agi’a ahentesga hiho.
Anumzamo’ma vahe’ama knare avu’ava’ma hunezmantea zagamere
Ra Anumzamofo agi’a ahentesga nehuta susu huntesune. Na’ankure agra knare hu’ne. Agrama avesi nerantea zamo’a vagaore mevava huno nevie.
Anumzamoka nagri Anumza mani’nanku, susu hu’na humuse hugantegahue. Kagra nagri Anumza mani’nananki’na, kagri kagi’a husga hugahue.
Zgame huta Ra Anumzamofona susu henenteta humuse hunteho. Hapu zavena neheta zagamera huta, Ra Anumzana tagri Anumzamofona agi’a ahentesga hiho.
E’inama hananke’na zagame hu’na kagia ahentesga nehu’na, susu hugante’na husga hugantegahue.
Ra Anumzamo’a hankveni’ane, hankoni’ane mani’ne. Ana hu’negeno nagu’amo’a agripi me’nege’na namentintia nehugeno, agra naza nehie. Ana nehigeno nagu’amo’a tusi muse nehianki’na, muse zagame nehu’na susu huntegahue.
Menina Anumzantimoka susu huneganteta, hihamu masa’ane kagia erisga nehune.
Mago’a zankura tamagesa ontahitma, hakare zankura nunamu nehutma, upama hu’nesaza zanku Anumzamofo nesamitma, hakare zama huramante’nea zankura, Anumzamofona muse hunteho.
Poli’a Filipai mono vahe muse huzmanteno nunamu huzmante’nea naneke
Hagi hakare zupa tamagriku nagesa nentahi’na Anumzamofo muse hunentena,
Kegagama hanafino, eri’zama erisafinena, Rantimofo Jisasi agifi maka’zana hiho. Jisasimpi Anumza Nafatimofona susu huntegahune.
Hagi maka kna tagra, tamagrikura Anumzamofona susu hunenteta, nunamuna huneramantone. Na’ankure tamagrama Anumza Nafatimofonte tamentinti nehuta, eri’zama enerita, vahe avesintezamofo eriza enerita, Rantimo Jisas Kraisi’ma eforema hanigu, kazigazi hutma Anumza Nafatimofo avure e’nerizazankura antahirami vava nehune.
Poli’a musenke Anumzamofo hunte’nea naneke
Hagi tamagrikura Anumzamofontega musenke huvava nehue, na’ankure Anumzamo’a asunkuzana, Krais Jisasimpi tami’ne.
Hu’neanagi Anumzamofo muse huntesune, Rantimofo Jisasimpi Kraisimpi taza higeta hara agatenerone.
Anumzamofo hankavefi Sata agateresanuna naneke
Hianagi Kraisimpima vugoteno tavreno nevigeta ha’ma hugateneronkeno tagripi huvazino eri’zana erigeno Agri’ma ke’za antahi’za hu’zamo’ma maka kaziga knare manamo’ma vuno eno hiazama nehia Anumzamofona humuse huntoe.
Hagi Anumzamo’a hozama kri vahe’mofona avimzana nezamino, bretia ne’zane huno nezamie. Anahukna huno avimzana veva huno erira nehina, fatgo avu’ava zantamimo’a raga’a nerena, rama’a nevasageta mago’ane vahe’mofona zamaza hugahaze. Hakare zampina rama’a asomu hunermantena, vahe’ma zamaza hanazana kankamumpinti rama’a zamaza nehanageno, Anumzamofona ra agi ami’za susu huntegahaze.
atruma nehanutma, Deviti zagame ene (Sam zagamere), mono zagame’ene, avamu’mofo zagame’enena nehutma, Rantmimofona tamagu’areti musena hunenteta, hakare zupa maka zampina Ranti Jisas Kraisi agifi, Anumza Nafatimofona musena hunteho.
Aravemokizmi naneke
Hagi Kraisina antahi’nemitma rumokizmia ovesinte avesinte hiho.
Mani’nageno 5fu’a bretine, tare noza’ene erino kesga huno monafi negeno, Anumzamofontega susu huteno, eri korino amage’ma nentaza disaipol naga’a veva hanazegu nezamino, nozamea anazanke huno refko huno zami’ne. Ana maka’mo’za nazageno zamu hu’ne. Nene’zama atraza bretine, noza enena zogi’za, 12fu’a eka eka kupi eri avite’naze.