2 Yumi kam long fes blong hem,

yumi talem tangkiu long hem.

Yumi presem hem,

yumi sing long hem

long ol singsing blong glad.

4 !Yufala i kam!

Yumi go insaed long yad blong haos* blong hem,

mo yumi wokbaot i go

we yumi stap talem tangkiu long hem.

Yumi go insaed long ples blong wosip,

mo yumi wokbaot i go

we yumi stap presem hem.

Yumi talem tangkiu long hem,

yumi leftemap nem blong hem.

1 ✝!Yumi presem Hae God!

Yumi mas talem tangkiu long hem,

from we hem i gud,

fasin blong hem blong lavem man,

hem i no save finis.

28 Hae God.

Yu yu God blong mi,

oltaem bambae mi talem tangkiu long yu,

oltaem bambae mi talemaot hae nem blong yu.

7 Yumi mas sing long ol singsing

blong presem hem,

yumi mas sing wetem ol gita blong yumi

blong talem tangkiu long hem.

30 Bambae mi stap presem God

long singsing,

bambae mi stap talem tangkiu long hem

blong leftemap hae nem blong hem.

7 Hem i paoa blong mi

mo hem i stap lukaot gud long mi.

Mi mi trastem hem.

Hem i stap givhan long mi,

mo i stap mekem mi mi glad.

Mi mi stap presem hem,

long ol singsing blong glad.

13 God blong mifala,

naoia mifala i talem tangkiu long yu,

mo mifala i presem hae nem blong yu.

6 Sipos yufala i trabol from sam samting, i nogud yufala i stap tingting tumas, i gud yufala i prea long God from evri samting. Yufala i mas askem long hem, mo yufala i mas talem tangkiu tu long hem.

3 Oltaem, taem mi mi stap tingbaot yufala evriwan, mi stap talem tangkiu long God from yufala.

17 Evri samting we yufala i mekem, mo evri tok we yufala i talem, be yufala i mas mekem long nem blong Jisas, Masta blong yumi. Mo oltaem yufala i mas joen long hem, blong talem tangkiu long God ya we i Papa blong yumi.

2 Oltaem mitrifala i stap talem tangkiu long God from yufala evriwan. Mo oltaem mifala i stap tingbaot yufala long ol prea blong mifala. 3 Oltaem, long fes blong God we i Papa blong yumi, mifala i stap tingbaot we fasin blong yufala i soemaotgud bilif blong yufala, mo hadwok blong yufala i soemaot we yufala i lavem God tumas. Mo mifala i stap tingbaot we yufala i stap stanap strong yet from we tingting blong yufala i stap strong long Jisas Kraes, Masta* blong yumi.

4 Oltaem mi mi stap talem tangkiu long God blong mi, from yufala. Long gladhat blong hem, hem i stap givhan long yufala we yufala i joen finis long Jisas Kraes*.

57 Be yumi stap talem tangkiu long God, from we hem i joenem yumi long Jisas Kraes*, Masta blong yumi, nao oltaem hem i stap mekem yumi win.

14 Be yumi talem tangkiu tumas long God, from we Kraes* i olsem wan king we i winim ol enemi blong hem finis, i stap wokbaot blong kamhom. Mo from we yumi joen long hem, oltaem God i stap mekem yumi joen long hae nem ya we Kraes i gat, mo oltaem, hem i stap yusum yumi blong mekem olgeta man long evri ples oli save Kraes. Nao ol man we oli save hem, oli stap harem gud long hem, olsem we oli harem gud long gudfala smel blong senta.

10 ✝God i stap givim kakae blong planem, long man we i wokem garen, mo hem i stap givim kakae blong garen, blong man i kakae. Nao long sem fasin, hem bambae i givim plante samting long yufala, blong yufala i save givhan moa long ol narafala man. Fasin ya i olsem we yufala i kasem plante kakae from gudfala wok ya we yufala i mekem long gladhat blong yufala. 11 Long fasin ya, bambae yufala i gat plante samting, nao bambae oltaem yufala i save givim plante samting i go long ol man blong givhan long olgeta. Nao from ol wok ya blong mifala, bambae plante man oli save talem tangkiu long God from ol samting ya we yufala i stap givim.

19 ✝Taem yufala i stap joen wanples, i gud yufala i stap yusum ol tok blong Ol Sam, mo ol him, mo ol sing blong presem God, blong singsing long hem blong leftemap tingting blong yufala.* i gud yufala i yusum ol tok blong Ol Sam mo ol him mo ol sing we Tabu Spirit i givim long yufala. Mo yufala i mas mekem olsem long tingting blong yufala, blong presem Masta blong yumi. 20 Mo oltaem, yufala i mas talem tangkiu long God, Papa blong yumi, from olgeta samting, long nem blong Jisas Kraes, Masta blong yumi.

21 Yufala ol Kristin man mo woman. Yufala i mas ona long yufala, from we yufala i stap ona gud long Kraes.

41 Nao Jisas i tekem faef bred ya wetem tu fis ya, i lukluk i go antap long heven, i talem tangkiu long God from kakae ya. Nao hem i brekem ol bred ya, i givim long ol man blong hem blong oli givimaot long olgeta man. Mo hem i brekem tufala fis ya tu, i givimaot long olgeta. 42 Nao olgeta man oli kakae gogo oli fulap gud. 43 Mo ol haf bred mo fis we i stap, ol man blong hem oli fulumap olgeta long twelef basket we oli fulap gud.