2 Lungtuanaw te amaw malang

tee oh sih lah,

thehoysahnaw hlaw kha lungtuate

sah oh sih!

4 Lungtuabya hote a koikua

lungkhu lang tee oh lah,

thehoysah te a voidu lungkhu lang

tee oh.

A tungvaw lungtuabya ho oh lah,

a min kha thehoysah oh.

1 Bawipaw kha thehoysah oh!

Bawipaw tuh hoy zah,

a sungsahnaw tuh zungzae atyn keiccuze

amaw kalan lungtuabya ho oh.✝

28 Nang tuh ka Pachia na thua zah,

na kalan lungtuabya ka ho cih;

ka Pachia na thua zah, kae thehoysah cih.

7 Bawipaw kalan

lungtuanaw hlawsah oh;

ah Pachia kalan tintang khuakute

roi hoypaw saw oh.

30 Pachia min kha hlaw te

the ka hoysah cih;

lungtuanaw byahote amaw kha

ka thehoysah cih.

7 Bawipaw tuh ka thawzung te

ka khawriaphua nynh thua;

ka thinlung nynh amaw kha a doliaku;

tukeiccuze kae kha yn bawm zah,

ka thinlung tuh a lungtua,

amaw kha ka hlaw te the ka hoysah.

13 Tukeiccuze kae Pachia, nang kha kae luung zah asung-epaw na min kha kae thehoysah.

6 Pawpaw konglang mah nae thinphang nan sah; pawpaw balyn kya lungtuabya hote, sawsangnaw te ngianaw liate na ngia ry oh paw kha Pachia nysah oh.

3 Nanning kae liathui oh takyhte ka Pachia kalan lungtuabya ka ho,

17 Na cyi oh paw miakaw kha bya na ho oh zemah, ryalaw na law oh zemah Bawipaw Jesu min liate pawpaw balyn kha cyih oh lah, amaw liate Paaw Pachia kalan lungtuabya ho oh.

2 Nanning balyn hanlan Pachia kalan lungtuabya palei kae ho zah kae sawsangnaw kya nanning kha palei kae hobia oh. 3 Ah Paaw Pachia malang nae zynnaw te asekuhpaw nae ryalawnaw, sungsakunaw hoite na zuakunaw oh te ah Bawipaw Jesu Khri kya atynpaw nae ngaehoinaw kha tyty kae liathui.

4 Jesu Khri liate nanning pya athuapaw Pachia thawccinaw keiccuze nanning hanlan ka Pachia kha zungzae ka luung.

57 Thuasalama ah Bawipaw Jesu Khri liate aening taenaw oun pyatupaw Pachia kya thehoynaw um sah.

14 Khri kya aening kha taenaw kalan zungzae oun cciakhaepaw te aening kha mangte amaw nynaw mynkhuhpaw kha hmin takyh kya a zeihsakuhpaw Pachia kya thehoynaw um sah.

10 Ccacii a tupaw kha ccacii a pyatu te ae lanpaw sanlou a pyatu Pachia nynh nae ccacii kha ae pya cih oh zah ae pungsahpah cih oh; nae dingnaw athae kha ae lungsahpah cih oh.✝ 11 Hysahnaw te patae na pya nawlan oh nanning tuh pawpaw kya balyn hoirumsah na thua cih oh zah, kae kyate a mue hae paw nae lasung liate Pachia kha a thehoysah cih hae,

19 Sam hlaw hae, thehoysahnaw hlaw hae te muisaw hlaw hae khate lu kheit te lu kheit byahokuh oh lah, nae thinlung kya ahoypaw roisaw biate Bawipaw kalan hlawsah oh.✝ 20 Ah Bawipaw Jesu Khri min te Paaw Pachia kalan pawpaw balyn hanlan lungtuabya zungzae ho oh.

21 Pachia rawri sawtuanaw liate lu kheit te lu kheit nae rynaw zuipakuh oh.

41 Jesu nynh sanlou phe pangaw te ngasaw zaw ning kha lah zah vaawlang dothung zah lungtuabya a ho koute sanlou kha eih zah a zuitu hae kha ccungccaw hae malang nyapya lan a pya hae; ngasaw zaw ning kha mah ccungccaw hae pong a nee hae. 42 Ccungccaw hae balyn tuh ae hae zah phe byn hae. 43 A zuitu hae nynh ngasaw te sanlou a eihpaw kha kee haw lae ning phe beih lan a khuin hae.