Agradecimento pela família
Agradecer pela família é reconhecer a bênção mais preciosa que Deus nos concede. Os filhos são herança do Senhor — cada membro da família é presente divino a ser celebrado.
Boriba, kar bizir aghuir Ikiavɨra Itir God anɨdiba,
da bar dera.
Gumazir igiamɨn boriba,
mati afuziba mɨdorozir gumazir mamɨn dafarimɨn iti.
Gumazir borir avɨriba itim a bar akongegh.
A uan apaniba ko kotiam damuamim dughiamɨn,
me kotiar danganimɨn an akurvagham.
Eghtɨ an kotiam deragh mangam.
God bar en apangkuvigha bar e gifonge
Kɨ Ikiavɨra Itir Godɨn ziam fam.
Kɨ uan duam ko, navir averiam ko, namnam sara
Ikiavɨra Itir Godɨn ziar aghuim pɨrafam!
Kɨ Ikiavɨra Itir Godɨn ziam fɨva,
bizir aghuir a na gamiba da bakɨnɨghnighan kogham.
E akar kaba uan boribar ghuangsɨghan kogham.
Borir igiar datɨrɨghɨn otivamiba, e kamagh me geghanam,
Ikiavɨra Itir God, a gavgavir ekiam iti.
A ingangarir ekiabagh amua, mirakelɨn arazarazir avɨribagh ami.
Gumazim ghurigha egha igiar boriba iti, a me bagha bar akonge. Kamaghɨn amizɨ, bizir kam gumazamizibagh amima me ziar ekiam a ganɨdi. Ezɨ boriba uan amebaba ko afeziaba bagha bar akonge.
Kɨ otarir kam uabɨ danɨngasa Ikiavɨra Itir God ko mɨgɨa an azangsɨsi, ezɨ a nan azangsɨzim ikara.
Pol God ko mɨgɨava a mɨnabi
Dughiabar kɨ ia gɨnɨghnɨgha, ia bagha uan God mɨnabi.
E ia gɨnɨghnɨgha uan Godɨn damazimɨn guizbangɨra bar akonge. Kamaghɨn amizɨ, e ia bagha God mɨnabavɨra iti.
Ia nguazimɨn itir ikɨzibar gumazamiziba bar,
ia Ikiavɨra Itir Godɨn ziar ekiam ko gavgavim bagh bar akongegh.
Bizir bar aghuir e isiba, ko bizir ikuvir puvatɨziba, da bar Godɨn Nguibamɨn pɨn izaghiri. God Afeziam a biziba bar overiam dar ingari, a bizir aghuir kaba e bagha da amadi da izaghiri. Ezɨ Afeziar kam a uan araziba raghɨrazir puvatɨ. A bizitamɨn nedazimɨn mɨn aruem a gisirazɨ an otevegha ruarazir puvatɨ. A kamaghɨra iti.
Ezɨ apangkuvim bar a gizɨfa, ezɨ a uan apangkuvimɨn a dughiar avɨribar bar deravɨra e gami.
Ezɨ amiziba kamaghɨn Naomi mɨgei, "E Ikiavɨra Itir Godɨn ziam fe! A igavatarim nɨ ganɨngi. Eghtɨ igavatarir kam, a nɨn ikɨzimɨn aven akurvazir gumazimɨn ikɨ, egh nɨn gan deraghvɨra nɨ damuam. A Israelɨn adarazir aven ziar ekiam iniam. Nɨn asamim bar nɨ gifongezɨ, nɨ uaghan bar a gifonge. Nɨn asamim bar nɨ gifongezɨ moghɨn, nɨn otarir 7pla nɨ gifueghan kogham. Kamaghɨn amizɨ otarir kam, a nɨn akurvagh mangɨ nɨ ghurighamin dughiam a nɨn ganam."
Gumazamizir angamɨra ikiavɨra itiba,
guizbangɨra merara, kɨ datɨrɨghɨn nɨn ziam fe moghɨn, me nɨn ziam fa nɨ mɨnabi.
Amebaba ko afeziaba, nɨ zurara amir bizir aghuiba,
me dar gun uan boribav gei.