Agradecimento pela família
Agradecer pela família é reconhecer a bênção mais preciosa que Deus nos concede. Os filhos são herança do Senhor — cada membro da família é presente divino a ser celebrado.
Ol pikinini ya blong yumi,
hemia wan presen
we Hae God i givim long yumi,
wan gudfala samting
we hem i givim blong leftemap yumi.
Ol pikinini we man i bonem taem i yang yet,
be taem hem i kam olfala,
olgeta oli olsem ol ara long han blong soldia.
Man we i gat plante pikinini olsem,
bambae i save harem gud.
Sipos ol enemi blong hem oli tekem
hem i go long kot,
be neva bambae oli save winim hem.
Hae God i lavem yumi tumas
!Oltaem mi mi mas presem Hae God!
!Long olgeta laef blong mi,
mi mas presem tabu nem blong hem!
Mi mi mas presem hem,
mo mi no save fogetem
we hem i kaen tumas long mi.
Hae God i gat paoa,
mo hem i stap mekem ol merikel
mo ol bigbigfala wok.
Bambae yumi no haedem ol samting ya
long ol pikinini blong yumi,
oltaem yumi mas talemaot long olgeta.
Ol olfala oli glad tumas long ol smol bubu blong olgeta, olsem nomo we pikinini i glad tumas long papa blong hem.
Mi mi askem wan pikinini long hem, mo hem i ansa long prea blong mi.
Pol i stap prea from olgeta long Filipae
Oltaem, taem mi mi stap tingbaot yufala evriwan, mi stap talem tangkiu long God from yufala.
Mifala i stap talem tangkiu long God from yufala, be mifala i harem olsem we hemia i no naf yet, from we yufala nao i stap mekem mifala i harem gud tumas long fes blong hem.
!Olgeta man long wol!
!Yumi presem Hae God!
Yumi leftemap nem blong hem
from ol gudgudfala samting blong hem
mo from paoa blong hem.
Evri samting we oli gud mo evri presen we oli nambawan we yumi kasem, oli kamaot long heven nomo. God i mekem olgeta laet blong skae, mo hem i stap givim ol gudgudfala samting ya long yumi. Fasin blong hem i no save jenis, mo hem i no save tanem baksaed long yumi blong livim yumi long tudak.
Mo from we hem i stap lavem yumi tumas, oltaem hem i stap mekem i gud tumas long yumi, i stap blesem yumi evriwan.
Nao ol woman oli talem long Nomi se, "!Nomi! !Yumi presem Hae God! Tede hem i givim wan smol bubu blong yu long Rut, blong bambae i lukaot long yu. Pikinini ya bambae i kam wan haeman blong yumi ol laen* blong Isrel.* Hem bambae i mekem laef blong yu i kam niuwan bakegen, mo taem yu kam olfala, hem bambae i lukaot long yu. Woman ya we i bonem hem, hem i lavem yu tumas. Sipos yu gat seven pikinini boe blong yu blong givhan long yu, be bambae oli no save givhan gud long yu, olsem we woman ya i mekem."
Mifala ya we i stap laef,
mifala i prapa man blong presem yu,
olsem we mi mi stap mekem naoia.
Ol papa oli stap talemaot
long ol pikinini blong olgeta,
we oltaem,
yu yu stap holem promes* blong yu.