Agradecimento pela vida

6 ሼምፖራ ፓጻ ዲዛ ኡባይ

ጎዳ ጋላቲቴ!

ጎዳይ ጋላቴቶ!

ኣሺዛ ጾሳስ ሺቂዳ ጋላታ

1 ጎዳይ ጋላቴቶ!

ታ ሼምፖዬ፥

ጎዳ ጋላታ!

2 ታ ዴኦ ላይ ኡባን

ታኒ ጎዳ ጋላታና፤

ታኒ ሼምፖራ ፓጻ ዲዛ ዎዴ

ኡባን ታ ጾሳ ሳባና።

13 ኔኒ ታ ኣሳቴ

ኡባ ሜዳሳ፤

ታ ኣዬይ ኡሎንካ

ታና ቲላ ሜዳሳ።

14 ኔኒ ታና ኬሂ ዬጋልኔ

ማላሊሲዛዝ ሂስታ

ሜዳ ጊሻስ

ታ ኔና ጋላታይስ፤

ኔ ኦሶቲ ማላሊሲዛይታ!

ታ ሼምፖያ

ሄሳ ኡባ ኤራዉስ።

15 ታኒ ጌማሶን ሜቲዳ ዎዴ

ታ ሜቄቲ

ኔፔ ጌሚቤቴና፤

ታኒ ታ ኣዬይ ኡሎን ጪማ ጊዶን

ሂላን ኦሴቲዛ ዎዴ፥

16 ታ ኣዪ ኡሎን ቡሮ ሱ ጊዳ

ታ ዲሺን ኔ ኣይፌቲ ቤኢዳ፤

ታ ላይታፔ ኢሶይኔ

ዶሜቶንታ ዲሺን

ታስ ኔኒ ባሪዳ ጋላሳቲ ኡባይ

ኔ ማዝጋባን ጻፌቲዳ።

33 ታኒ ዴኢዛ ላይ ኡባን

ጎዳስ ዬጻና፤

ታኒ ሼምፖራ ፓጻ

ዴኢዳ ዎዴ ኡባን

ታ ጾሳስ ዬጻና።

34 ታኒ ጎዳን ኡፋዬቲዛ ጊሻስ

ታ ዎዚና ቆፋይ ኢዛ ኡፋይሶ።

3 ጎዳይ ጾሳ ጊዲዳይሳ ኤሪቴ፤

ኑና ሜዳይ ኢዛ፤

ኑኒ ኢዛይታ፤

ኑኒ ኢዛ ኣሳቲ

ኢዚ ሄሚዛ ዶርሳ ዉዴታ።

4 ኢዛ ፔንጌ ጋላታራ፥

ኢዛ ዛጎ ሳባራ ጌሊቴ፤

ኢዛ ጋላቲቴ፤

ኢዛ ሱንካ ኣንጂቴ።

7 ኣቤት ጾሳዉ!

ኔ ሜርና ሲቆይ

ኣይ ኬና ኣልኦ!

ኣሳይ ኔ ቄፌ ጊዶን

ጌሚ ኣቴስ።

8 ኢስቲ ኔሶን ኩሚዳ ማዳፌ

ሚዲ ካሌቴስ፤

ኔኒ ኔ ኣንጆ ሻፋፔ

ኢስታ ኡሻሳ።

9 ኣይስ ጊኮ ዴኦ ፑልቶይ

ኔ ኣቻን ዴስ፤

ኔ ፖኦን ኑኒ ፖኦ ቤኦስ።

ኬ ኣንጂሶስ ዬጼቲዳ ዳዊቴ ማዛሙሬ

1 ኣቤት ጎዳዉ!

ኔኒ ታና ጪማፌ ኬሳዳሳ፤

ታ ሞርኬቲ ታ ቦላ

ኡፋዬቶንታ ማላ ኦዳሳ፤

ሄሳስ ታ ኔና

ቁ ቁ ሂስታይስ።

2 ኣቤት ታ ጎዳዉ!

ኔኒ ታና ማዳና ማላ

ታ ኔኮ ዋሳዲስ፤

ኔካ ታና ፓዳሳ።

3 ኣቤት ጎዳዉ!

ታና ዱፎን ቦንታ ማላ

ናጋዳሳ፤

ዱጌ ጪማ ኦላን ጌሎንታ ማላ

ኔኒ ታና ኣሻዳሳ።

ና ሃይቆ ጊጊሶ ጌቴቲዛ ዬን ዳዊቲ ዛማሬታ ካቦስ ዬጺዳ ማዛሙሬ

1 ኣቤት ጎዳዉ!

ታኒ ኔና ኩሜ

ዎዚናፔ ጋላታና፤

ማላሊሲዛ ኔ ኦሶዛ

ኡባካ ታ ዮታና።

2 ታኒ ኔናን ኡፋዬታናኔ

ሃሹ ጋና።

ኡባፌ ቃ ጾሳዉ!

ታኒ ኔ ሱንስ

ጋላታ ማዛሙሬ ዬጻና።

20 ሄሳን ጾሳ ኣዋ፥ ጎዳ ዬሱስ ኪርስቶሳ ሱን ኡባ ሚሻስ ኡባ ዎዴ ጋላቲቴ።

ኪርስቶሳፔ ቤቲዛ ኣያና ኣንጆ

3 ኑ ጎዳ ዬሱስ ኪርስቶሳ ባጋራ ሳሎን ኣያና ኣንጆ ኡባን ኑና ኣንጂዳ ጎዳ ዬሱስ ኪርስቶሳ ኣዋይ ጾሲ ኣንጄቶ።

15 ኣሳ ቃላን ቆንጪሴፌ ቦላ ጊዲዳ ጾሳ ኢሞቴ ጊሻስ ጾሲ ጋላቴቶ።

12 ኣማኒዛይቲ ላቲዛሶ ፖኦ ካዎቴ ላቲዛይታ ኑ ጊዳና ማላ ኑና ጋዳ ኑ ኣዋ ኢንቴ ጋላታናሳ። 13 ኢዚ ኑና ማን ሃሬቴፌ ኣሺዲ ጌዴ ባ ዶሲዛ ናዛ ካዎቴን ፒንዴስ። 14 ኑ ኢዛን ዎዜቲዲ ናጋራፔ ማሬቲዶስ።✝

ኪርስቶሲ ኡባፌ ቦላ

15 ኪርስቶሲ ኣይፌን ቤቶንታ ጾሳስ ቱሙ ሌሚሶ፤ ሜቴ ኡባፌ ጊታኔ ባይራ። 16 ሜቴ ዉሪ ኢዛን ሜቲዴስ። ሳሎኒኔ ሳኣን ዲዛይቲ፥ ኣይፌን ቤቲዛይቲኔ ቤቶንታይቲ ጊዲንካ፥ ዎልቃማታ ጊዲንካ፥ ሃሪዛይቲ ጊዲንካ ዎይኮ ጎዳቴ ዲዛይቲ ሃኒዳይ ዉሪካ ኢዛን ኢዛስ ሜቲዳ። 17 ኢዚ ኡባፌ ካሴ ዴስ፤ ዉሪካ ኢሲ ቦላ ኦይኬቲ ሚኒዳይ ኢዛና።

10 ኢንቴ ሚዲ ካላና፤ ሂስቲዲ ኢዚ ኢንቴስ ኢሚዳ ሎኦ ቢታይ ጊሻስ ጎዳ ኢንቴ ጾሳ ኢንቴ ጋላታና።

58 ጎዶ! ኔ ታስ ሞቴታዳ

ታና ኣሻዳሳ።

6 ታኒ ዙማታ ጋርስ ዱጌ ዎዲስ፤ ሄን ቢታ ጋርሳን ሜርናስ ጎርዳን ኡታዲስ፤ ጊዲኮካ ኣቤት ታ ጎዳዉ! ኔኒ ታ ሼምፖ ጪማ ኦላፌ ኬሳዳሳ።

7 «ታኒ ሃይቃና ማቲዳ ዎዴ ኔና ጎዳ ቆፓዲስ። ታ ዎሳይካ ኔኮ ፑዴ ጌሻ ኬ ጋኪዴስ።