Agradecimento pela vida

Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.

6 Shemppora paxa diza ubbay

GODAA galatite!

GODAY galatetto!

Salmos 150:6

Ashshiza Xoossas Shiiqida Galata

1 GODAY galatetto!

Ta shemppoyee,

GODAA galata!

2 Ta de7o layththa ubbaan

tani GODAA galatana;

tani shemppora paxa diza wode

ubbaan ta Xoossa sabbana.

Salmos 146:1,2

13 Neni ta asateththa

ubbaa medhdhadasa;

ta aayey ulonkka

tana tila medhdhadasa.

14 Neni tana keehi yegalththinne

malalisizaaz histta

medhdhida gishshas

ta nena galatays;

ne oosoti malalisizayta!

Ta shemppoya

hessa ubbaa erawus.

15 Tani geemason medhettida wode

ta meqeththati

neeppe geemmibeettenna;

tani ta aayey ulon ciimma giddon

hiillan oosettiza wode,

16 ta aayi ulon buro suuth gida

ta dishin ne ayfeti be7ida;

ta layththatappe issoynne

doomettontta dishin

taas neni barida gallassati ubbay

ne mazgaban xaafettida.

Salmos 139:13-16

33 Tani de7iza layth ubbaan

GODAAS yexxana;

tani shemppora paxa

de7ida wode ubbaan

ta Xoossas yexxana.

34 Tani GODAAN ufayettiza gishshas

ta wozina qofay iza ufaysso.

Salmos 104:33,34

3 GODAY Xoossa gididayssa erite;

nuna medhdhiday iza;

nuni izayta;

nuni iza asati

izi heemmiza dorsa wudeta.

4 Iza penge galatara,

iza zago sabara gelite;

iza galatite;

iza sunththaaka anjjite.

Salmos 100:3,4

7 Abeet Xoossawu!

Ne mernaa siiqoy

ay keena al7o!

Asay ne qefe giddon

geemmi attees.

8 Istti neson kumida maaddafe

miidi kaalleettes;

neni ne anjjo shaafappe

istta ushshaasa.

9 Ays giikko de7o pulttoy

ne achchan dees;

ne poo7on nuni poo7o be7oos.

Salmos 36:7-9

Keeththa Anjjisos Yexettida Dawite Mazamure

1 Abeet GODAWU!

Neni tana ciimmafe kessadasa;

ta morkketi ta bolla

ufayettontta mala ooththadasa;

hessas ta nena

dhoqqu dhoqqu histtays.

2 Abeet ta GODAWU!

Neni tana maaddana mala

ta neekko waassadis;

nekka tana paththadasa.

3 Abeet GODAWU!

Tana duufon bontta mala

naagadasa;

duge ciimma ollan gelontta mala

neni tana ashshadasa.

Salmos 30:1-3

Naa Hayqo Giigiso Geetettiza Yeththan Dawiti Zammareta Kaabbos Yexxida Mazamure

1 Abeet GODAWU!

Tani nena kumeththa

wozinappe galatana;

malalisiza ne oosoza

ubbaaka ta yootana.

2 Tani nenan ufayettananne

hashshu gaana.

Ubbaafe Dhoqqa Xoossawu!

Tani ne sunththas

galata mazamure yexxana.

Salmos 9:1,2

20 Hessan Xoossa Aawaa, Godaa Yesus Kirstoosa sunththaa ubba miishshas ubba wode galatite.

Efésios 5:20

Kirstoosappe Beettiza Ayana Anjjo

3 Nu Godaa Yesus Kirstoosa baggara salon Ayana anjjo ubbaan nuna anjjida Godaa Yesus Kirstoosa Aaway Xoossi anjjetto.

Efésios 1:3

15 Asa qaalan qoncciseththafe bolla gidida Xoossa imoteththaa gishshas Xoossi galatetto.

2 Coríntios 9:15

12 Ammanizayti laattizaso poo7o kawoteth laattizayta nu gidana mala nuna gaththida nu Aawaa intte galatanaassa. 13 Izi nuna dhuman haareteththafe ashshidi gede ba dosiza naaza kawoteththan pinththides. 14 Nu izan wozzettidi nagarappe maarettidos.

Kirstoosi Ubbaafe Bolla

15 Kirstoosi ayfen beettontta Xoossas tumu leemiso; medheteththa ubbaafe gitanne bayra. 16 Medheteththi wuri izan medhettides. Saloninne sa7an dizayti, ayfen beettizaytinne beettonttayti gidiinkka, wolqqamata gidiinkka, haarizayti gidiinkka woykko godateththi dizayti haniday wurikka izan izas medhettida. 17 Izi ubbaafe kase dees; wurikka issi bolla oyketti minniday izanna.