Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Maka zagama tamasimu’ma erita nemanisaza zagamota, Ra Anumzamofo agi’a ahentesga hugahaze. Ra Anumzamofo agi’a ahentesga hanune.
Ra Anumzamo’ma zamazama nehia zanku hu’za agi’a ahentesga hu’naza zagamere
Ra Anumzamofona agi’a ahentesga hanune. Nagra maka nagu’areti hu’na Ra Anumzamofona agi’a ahentesga hugahue. Nagrama kasefa’ma hu’na manisanua kna’afina Ra Anumzamofona agi’a ahentesga hugahue. Nasimu’ma eri’na manisanua kna’afina, Anumzanimofontega zagamera hu’na agi’a erintesga hugahue.
Na’ankure maka nagu’a navufga Kagra tro hunante’nane. Ana hutenka antanimofo rimpafima mani’nogenka maka navufga Kagra rehatinante’nane, Kagrama nagrima tro’ma hunanana, so’e' zantfa hunku tro hunante’naku muse hunegantoe. Kagrama eri’nana eri’zamo’a, knare huno so’e zantfa hu’ne. Ana hu’neanki’na e’i ana zana nagra ke’na antahi’na hu’noe. Kagri kavurera frara oki’noanki, maninenka nenagankeno oku’a nenrera arimpafina zaferinani’mo’a eme rekanuhe rekanuhe nehige’na fore hu’noe. Nenrera’a kase onante’negenka, ko nagrira nagenka antahinka hu’nane. Ama mopafima kasefa’ma hu’na manisanua kna’afima tro’ma hanua zana, maka knamo’a ome’negenka maka zana ko avontafepi krente’nane.
Nagrama ofri’ma mani’nesua kna’afina, Ra Anumzamofontega zagamera hugahue. Ana nehu’na zagame hu’na Anumzamofo agi’a ahentesga hunteme nevu’na ome frigahue. Nagrama Ra Anumzamofonku’ma antahintahima nehua zama Agrama keno antahino’ma hanuno’a muse hanie. Na’ankure nagra Ra Anumzamofonte mani’nena musenkasea nehue.
Ra Anumzamo’a Anumza mani’ne huta keta antahita hiho. Agra’a tro hurantegeta agri vahe mani’none. Ana huta agri vahe mani’nonankino, sipisipi kva vahe’mo sipisipi kegava hunteankna huno kegava hurantegeta mani’none. Agri kumapima ufre kahante’ma nevuta muse hume nevuta, unefreta agi’a ahentesga hiho. Ana nehuta susu huta muse hunenteta, ra agi’a ahentesga hiho.
Anumzamoka vagaore kavesizamo’a knare zanfta hu’ne. Maka vahe’mo’za kagri kagekonamofo turunapinka franekize. Zamagra Kagri nompinti ne’zana nezamu nehazagenka, Kagri musezamo’a tinkna hu’neanki’za nene’za muse nehaze. Na’ankure kagra asimu’ma erino mani tigampui mani’nenka, tagri tavi mani’nanketa negone.
Ra Anumzamofoma humusema hunteno’ma hu' nunamu zagamere
Ra Anumzamoka kagra natranke’na fri vahe kumapina mani’noge’za nagri ha' vahe’mo’za ra zamagia e’neri’za nagefenkami otrazanki, kagra anampintira navre atirami’nanku, kagri kagia ahentesga hu’na rankagia kamigahue. Ra Anumzana nagri Anumzamoka, kagrama naza huogu’ma nunamuma hugenka, kagra nazeri kanamr40 'nane. Ra Anumzamoka nagra fri’na matipi uramiza hu’noanagi, anampinti navre atirami’nane. Ana nehunka nazeri kasefa hanke’na, fri’na fri vahe kumapina uorami’na kasefa hu’na mani’noe.
Deviti’a Ra Anumzamofo agi erisaga hu zagame kre’nea zagamere
Ra Anumzamofona mika nagu’areti hu’na susu hunente’na agi’a erisga nehu’na, hentofa zama tro’ma hu’nea zamofo agenkea eri ama hugahue. Marerirfa Anumzamoka, muse nehu’na zagame hu’na kagia erisga hugahue.
hakare zupa maka zampina Ranti Jisas Kraisi agifi, Anumza Nafatimofona musena hunteho.
Kraisimpi huvazino Anumzamo’a monafinti mikozama neramia zamofo naneke
Hagi Anumzamofo ra agi amisune, Ranti Jisas Kraisi Nefa’ma mona kumapinti Kraisimpi, avamupina maka asomura hurante’ne.
Vahe’mota e’inahu kna nehie huta erinteama osuga muse zama neramiazankura, Anumzamofona susu huntesune.
Tamazeri knarema hanigetma Anumzamofo naga’mo’za erisintiharegahaze hu’nea masanentake kumakura, Nafatimofona miko zupa susu hunentone.
Na’ankure hanizamfo hanavefintira taza huno tavreno avesinentea Ne' Mofavre’amofo kumapi tante’ne. Agrama kefozampinti mizaseranteno, kumitima apaserante ne’mofompi tante’ne.
Poli’a Kraisinku Ra manine hu’nea naneke
Hagi Kraisi’a onkenona Anumzamofo amema’agino, ana miko’zama Anumzamo’ma tro hunte’nea zantamimofona Agra ese mofavre mani’ne. Na’ankure Agrake’za anamiko zana tro huntene, monafima me’nea zantamima, mopafima me’nea zantamima, negona zantamima, nonkona zantamima, kini vahe traro, ruzahu ruzahu kumaro, kegavahu vahero ruzahu hankavea, Agrake tro hunte’neakino Agri zantami me’ne. Agra ana miko’zamo’a fore osu’negeno mani’neankino, ana mikozana Agrake’za azeri manumanu hu’ne.
Hagi tamagrama ne’zama neramu’ma nehanuta, Ra Anumzana tamagri Anumzamofo agi’a erisga hiho. Na’ankure Agra knare mopa tami’ne.
Ra Anumzamoka keagani’a refko hunka nentahinka nagu’vazinke’na knare hu’na mani’noe.
Agonamofo agafafi nagra urami’noe.
Ana mopamofo agu’afinka rentrako hunantesige’na kina hu’na manivava hugahue hu’na nagesa antahi’noe.
Hu’neanagi Kagra Ra Anumzamoka, ana kerifintira naza hunka navare atre’nane. Navu evuevu hige’na frinaku nehu’na,
nagra Ra Anumzamoka nagesa antahi kamugeno, nunamuni’amo ruotge ra mono nonka’afine, Kagrite’ene e’ne.