Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Nu sia nu si me gbɔgbɔ le la, nekafu Yehowa.
Mikafu Yehowa!
Mikafu Yehowa.
O! luʋɔnye, kafu Yehowa.
Makafu Yehowa le nye agbemeŋkekewo katã me.
Madzi kafukafuha na nye Mawu la, zi ale si mele agbe.
Elabena wòe wɔ nye ememe ke;
eye nèlém ƒo ƒu ɖe danye ƒe dɔ me.
Mekafu wò, elabena èwɔm ŋɔdzitɔe kple nukutɔe.
Wò dɔwɔwɔwo nye nukunu,
menya esia nyuie.
Nye ameti blibo la, mele ɣaɣla ɖe wò o,
esi nèwɔm le ɣaɣlaƒe.
Esi wolɔ̃m ɖe wo nɔewo me
le anyigba ƒe gogloƒe la,
wò ŋkuwo kpɔ ale si menye ʋukɔe.
Ŋkeke siwo katã woɖo nam la,
woŋlɔ wo ɖe wò agbalẽ me
hafi ŋkeke gbãtɔ dze egɔme.
Madzi ha na Yehowa le nye agbemeŋkekewo katã me,
eye zi ale si mele agbe la,
madzi kafukafuha na nye Mawu la.
Nye ŋugbledede nedze eŋu,
esi mele dzidzɔ kpɔm le Yehowa me.
Minyae be Yehowae nye Mawu.
Eyae wɔ mí, eye míenye etɔ,
eƒe amewo kple alẽwo le eƒe lãnyiƒe míenye.
Mige ɖe eƒe agbowo me kple akpedada,
eƒe xɔxɔnuwo kple kafukafu;
mida akpe nɛ, eye mikafu eƒe eŋkɔ.
Wò lɔlɔ̃ si meʋãna o la xɔ asi loo!
Ame siwo ŋuti bubu le
kple ame siwo ŋuti mele o,
le amegbetɔviwo dome siaa kpɔa sitsoƒe
le wò aʋala ƒe vɔvɔli te.
Wò aƒemenu gbogboawo nye nuɖuɖu na wo,
eye nènaa tsi wo wonona tso wò dzidzɔtɔsisi la me.
Elabena gbɔwòe agbe ƒe tsitsetse la le,
eye wò kekeli mee míekpɔa kekeli le.
O! Yehowa, mado wò ɖe dzi,
elabena wòe hem do goe tso ʋe globo me,
eye mèna mezu nu ɖikokoe na nye futɔwo o.
O! Yehowa, nye Mawu,
mebia kpekpeɖeŋu tso gbɔwò, eye nèyɔ dɔm.
O! Yehowa, wòe ɖem tso tsiẽƒe,
eye mèna meyi aʋlime o.
Makafu wò, O! Yehowa,
kple nye dzi blibo,
maɖe wò nukunuwɔwɔwo katã afia.
Dzi adzɔm, eye matso aseye le mewò;
O Dziƒoʋĩtɔ, madzi kafukafuhawo na wò ŋkɔ.
Mida akpe na Mawu Fofo la ɖaa le nu sia nu ta le míaƒe Aƒetɔ Yesu Kristo ƒe ŋkɔ me.
Gbɔgbɔmeyayrawo le Kristo Yesu me
Míetsɔ kafukafu na Mawu, míaƒe Aƒetɔ Yesu Kristo Fofo, ame si tsɔ gbɔgbɔmeyayra ɖe sia ɖe si le dziƒonutowo me la kɔ ɖe mía dzi le Kristo me.
Akpedada woatsɔ ana Mawu le eƒe nunana manyagblɔ la ta.
Eye be miada akpe na Fofo la, ame si wɔ mí be míedze na gomekpɔkpɔ le nu siwo kekeli la ƒe fiaɖuƒemetɔwo akpɔ gome le la me. Elabena eyae ɖe mí tso viviti ƒe ŋusẽ kple Satana ƒe fiaɖuƒe la me, eye wòkplɔ mí va Via lɔlɔ̃ la ƒe fiaɖuƒe mee; eyae wɔ mi ablɔɖeviwo, eye wòtsɔ míaƒe nu vɔ̃wo katã ke mí.
Kristoe nye ta na nuwo katã
Kristoe nye Mawu si míekpɔna o la ƒe nɔnɔme tututu. Eli hafi Mawu wɔ nu sia nu, eye le nyateƒe me la, Kristo ŋutɔe nye nu sia nu si le dziƒo kple anyigba dzi, nu siwo míekpɔna kple nu siwo míekpɔna o la siaa wɔla. Eya kee wɔ gbɔgbɔwo ƒe xexeme si míekpɔna o la, eƒe fiawo, fiaɖuƒewo, amegãwo kple woƒe ŋusẽwo. Kristo wɔ esiawo katã na eya ŋutɔ ƒe ŋu dɔ wɔwɔ kple ŋutikɔkɔe. Eli xoxoxo hafi nu sia nu va dzɔ, eye eƒe ŋusẽ lé xexemenuwo katã ƒo ƒu.
Ne mieɖu nu ɖi ƒo la, mikafu Yehowa, mia Mawu la le anyigba nyui si wòna mi la ta.
O, Aƒetɔ, èxɔ nye nya ɖe akɔ
eye nèɖe nye agbe.
Meyi to ɖe to kɔkɔ siwo
le ƒua me la ƒe agu nu ke.
Wotu agbe ƒe mɔ ɖe nunye
eye wode gam ɖe ku ƒe anyigba dzi.
Gake wò Yehowa, nye Mawu,
èɖem tso ku ƒe asi me!
"Esi nye agbe nu le tsotsom la,
meda nye susuwo ɖe dziwò,
Yehowa, eye nye gbedodoɖa ɖo gbɔwò
le wò gbedoxɔ kɔkɔe la me.