Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Yumi olgeta samting we yumi gat laef,
yumi evriwan i mas presem hem.
!Oltaem yumi mas presem Hae God!
Olgeta.
!Yumi mas presem Hae God!
!Mi mi mas presem hem!
Oltaem long laef blong mi,
bambae mi stap presem hem.
Hem i God blong mi,
mo bambae mi stap sing blong presem hem.
Taem mi stap yet long bel blong mama blong mi,
yu yu mekem evri haf blong bodi blong mi,
mo yu mekem olgeta oli joen gud.
Yu yu mekem mi
long fasin we i narafala,
mo i nambawan olgeta.
Mi mi ona long yu,
mo mi presem nem blong yu from.
Olgeta samting we yu yu mekem
oli gud we i gud tumas.
Samting ya,
mi mi save we mi savegud.
Taem mi mi stap long bel blong mama blong mi,
long ples ya we i haed we i haed,
nao ol bun blong mi oli stap joen gud,
mi stap gru,
be yu yu luk mi we mi stap long ples ya.
Taem mi mi no bon yet,
be yu yu luk mi finis,
mo olgeta dei we yu yu makemaot
se oli blong mi,
nating we oli no kamtru yet,
be yu yu raetemdaon olgeta finis
long buk blong yu.
Oltaem long laef blong mi,
bambae mi stap singsing blong presem Hae God,
gogo laef blong mi i finis.
Mi wantem we hem bambae i harem gud
long sing ya blong mi,
from we oltaem,
hem i stap mekem mi mi glad.
Yumi mas tingbaot
we Hae God, hem i God.
Hem nomo i mekem yumi,
mo yumi man blong hem.
Yumi ol man blong hem,
yumi olsem ol sipsip blong hem.
!Yufala i kam!
Yumi go insaed long yad blong haos* blong hem,
mo yumi wokbaot i go
we yumi stap talem tangkiu long hem.
Yumi go insaed long ples blong wosip,
mo yumi wokbaot i go
we yumi stap presem hem.
Yumi talem tangkiu long hem,
yumi leftemap nem blong hem.
God, fasin ya blong yu
we oltaem yu stap lavem man,
hem i gudfala tumas.
Mifala i faenem sefples long yu
olsem we ol pikinini blong faol
oli faenem sefples
aninit long wing blong mama blong olgeta.
Oltaem mifala i stap kakae gud
long ol kakae ya we yu yu stap givim.
Oltaem yu letem mifala i stap dring
long reva ya blong ol gudgudfala fasin blong yu.
Yu yu stamba blong laef blong olgeta samting,
mo from laet blong yu nao,
mifala i stap luk delaet.
Hae God.
Mi mi stap presem yu
from we yu yu sevem mi
nao mi mi no ded,
mo yu no letem ol enemi blong mi
oli daonem mi,
nao oli stap glad from.
Hae God,
yu yu God blong mi.
Mi mi krae long yu
blong yu givhan long mi,
nao yu yu mekem bodi blong mi
i gud bakegen.
Yu yu blokem mi
blong mi no go long Hom* blong ol Dedman,
yu sevem laef blong mi.
Hae God.
Mi bambae mi presem yu
long olgeta tingting blong mi,
mi bambae mi talemaot
olgeta gudgudfala wok blong yu.
God, yu yu hae we yu hae,
yu mekem mi mi glad tumas.
Oltaem bambae mi sing blong presem yu,
bambae mi stap sing
blong leftemap hae nem blong yu.
Mo oltaem, yufala i mas talem tangkiu long God, Papa blong yumi, from olgeta samting, long nem blong Jisas Kraes, Masta blong yumi.
I gud yumi stap talem tangkiu long God ya we i God mo Papa blong Jisas Kraes, Masta* blong yumi, from we hem i mekem i gud tumas long yumi ya we yumi joen long Kraes. Hem i givim evri gudfala samting ya long yumi we yumi mas gat blong laef blong yumi wetem hem long heven.
Yumi mas talem tangkiu long God from presen ya blong hem we i gud tumas, i bitim mak olgeta, yumi no save makem.
yufala i save talem tangkiu long Papa blong yumi, from we hem i mekem yufala i naf blong joen wetem ol narafala man blong hem. i naf blong joen wetem ol narafala man blong hem. Nao bambae yufala i save kasem ol samting ya we hem i putumgud olgeta i stap rere blong ol man blong hem long heven, ples ya we i delaet olwe. God i tekemaot yumi finis long paoa blong tudak, i putum yumi long paoa blong Pikinini ya blong hem we i lavem hem tumas. Nao yumi stap singaot Pikinini ya blong hem se King blong yumi. Yumi ya we yumi joen long Kraes, hem i mekem yumi i fri finis, we hem i fogivim yumi, i tekemaot ol sin blong yumi.
Kraes ya,
yumi save luk hem.
Hem i sem mak long God
we yumi no save luk hem.
Hem nomo i stret Pikinini blong God,
mo hem i stamba blong olgeta samting we God i mekem.
Taem God i mekem olgeta samting
long heven mo long wol,
olgeta samting we yumi save luk
mo olgeta samting we yumi no save luk,
mo taem hem i mekem olgeta enjel
wetem ol devel we oli gat paoa,
ol king mo ol jif mo ol haeman
mo ol lida blong olgeta,
be God i yusum Kraes blong mekem olgeta.
Taem God i mekem olgeta samting long wol ya,
Kraes i wok blong God,
mo God i mekem olgeta samting ya oli blong Kraes.
Fastaem,
taem we God i no mekem ol samting ya yet,
be Kraes i stap finis.
Mo hem nomo i stap holem olgeta samting ya
oli stap joen wanples
blong oli mekem prapa wok blong olgeta.
Olgeta kakae we yufala i wantem, bambae yufala i save kasem, nao taem yufala i stap long ples ya, oltaem bambae yufala i stap talem tangkiu long Hae God from gudfala kantri ya we hem i givim long yufala."
"Masta blong mi, yu yu kam,
nao yu sevem laef blong mi.
Mi godaon olgeta,
long stamba blong ol bigbigfala hil
aninit long solwota.
Mi harem olsem we mi go insaed
long get blong Hom* blong ol Dedman,
blong stap wetem olgeta,
we get ya i no save open bakegen samtaem.
Be yu Hae God, yu God blong mi,
mo yu tekemaot mi bakegen long ples ya,
we mi stap gud nomo.
Hae God.
Taem mi harem
we klosap laef blong mi i lus,
mi tingbaot yu, mi prea long yu.
Nao yu yu harem prea blong mi
we i kam kasem yu
long tabu haos blong yu.