Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Nɔ́ fɛɛ nɔ nɛ ngɛ mumi woe ɔ, e je Yehowa yi! Nyɛ je Neneene Tsɛ ɔ yi.
Mawu yi jemi
Mo je Tsaatsɛ Mawu yi! Mo je Tsaatsɛ Mawu yi, ye susuma! Be abɔ nɛ i ngɛ wami mi nɛ ɔ, i ma je Tsaatsɛ Mawu yi. I ma la yi jemi la kɛ ha Neneene Tsɛ ɔ, be abɔ nɛ i ngɛ mumi woe ɔ.
Ejakaa mo nɛ o bɔ ye mi níhi tsuo; mo nɛ o bɔ mi ngɛ ye nyɛ muklii mi. I ngɛ o yi jee, ejakaa o bɔ mi ngɛ gbeye kɛ nyakpɛ blɔ nɔ. O ni tsumi ɔmɛ ngɛ nyakpɛ. I le enɛ ɔ saminya. O ngɛ lejɛ ɔ be mi nɛ a ngɛ mi bɔe ngɛ laami mi ɔ. O hɛ ngmɛ na mi be mi nɛ a bɔɛ mi gbi nya tete po; nɛ o to ye wami Ligbi ɔmɛ kulaa a he blɔ nya momo loko ji i bɔni mumi womi. A ngma ye ligbi ɔmɛ eko fɛɛ eko ngɛ o Womi ɔ mi.
I ma la ha Tsaatsɛ Mawu be abɔ nɛ i ngɛ je mi ɔ. I ma la kɛ je Neneene Tsɛ ɔ yi be abɔ nɛ i ngɛ wami mi ɔ. I na nɛ ye yi mi susumi nɛ ɔmɛ sa e hɛ mi, ejakaa Tsaatsɛ Mawu pɛ ji nɔ nɛ haa mi bua jɔmi.
Mo na nɛ o le kaa Neneene Tsɛ ɔ ji Mawu! Lɛ ji nɔ nɛ bɔ wɔ. E nihi ji wɔ nɛ wa peeɔ e tohi nɛ e lɛɛ.
Moo sɛ e agbo ɔmɛ a mi kɛ sina; nɛ o sɛ e kpe he ɔmɛ kɛ yi jemi. Moo na lɛ si nɛ o je e biɛ ɔ yi.
Oo Neneene Tsɛ, hyɛ bɔ nɛ o suɔmi he jua wa ha, e ngɛ daa nɛ e tsakee we; o pɛlihi a sisi hɔ ɔ ji a laami he. O dlooɔ mɛ kɛ mo nitsɛ o niye ni nɛ a yeɔ, nɛ o haa mɛ nyu kɛ jee o bua jɔmi pa amɛ a mi nɛ a nuu.
Ejakaa o mi a naa wami kɛ jee, nɛ o La a mi wa naa wa la ngɛ.
Oslaa mi jemi he sina
Tsaatsɛ Mawu, i ngɛ o yi jee, ejakaa o he ye yi wami kɛ je ye he nyɛli ɔmɛ a dɛ mi. O ha we nɛ a ye ye nɔ kunimi. Oo Tsaatsɛ, ye Mawu, i kpa mo pɛɛ ke o tsa mi, nɛ o ha i na he wami ekohu. O kpale mi kɛ je gbenɔ muɔ nya, kɛ je gbenɔ nitsɛ dɛ mi, nɛ o ha mi wami ekohu.
Mawu, Kpɔ̃lɔ Ngua a
Oo Nutsɔ, i ma je o yi kɛ ye tsui kulaa. I ma fiɛ o nyakpɛ ni slɔɔto ɔmɛ nɛ o pee ɔ kɛ tsɔɔ. I ma na bua jɔmi, nɛ ye mi ma hyi tɔ kɛ nyami ngɛ o he je. Nutsɔ, mo o yi ma la ma je, mo Mawu Ope.
Nyɛɛ na wa Mawu kɛ wa Tsɛ ɔ si daa ngɛ nɔ́ tsuaa nɔ he be fɛɛ be ngɛ wa Nutsɔ Yesu Kristo biɛ mi.
Yi jemi ha Mawu, wa Nutsɔ Yesu Kristo Tsɛ ɔ, nɔ nɛ kɛ hiɔwe jɔɔmi babauu jɔɔ wɔ, ejakaa Kristo nihi ji wɔ ɔ.
Nyɛ ha nɛ waa na Mawu si ngɛ e Bi nɛ ji e nike ni nɛ he jua wa a he.
nɛ nyɛɛ na Tsɛ ɔ si, nɔ nɛ ha nɛ wa sa nihi nɛ yeɔ Mawu bimɛ a gbosi ni ɔ eko ngɛ e matsɛ yemi nɛ ji la a mi. Ejakaa e kpɔ wɔ kɛ je diblii kɛ abosiami matsɛ yemi ɔ mi, nɛ e kɛ wɔ ba e suɔmi Bi ɔ matsɛ yemi ɔ mi, nɔ nɛ kɛ e muɔ kpɔ wɔ nɛ e kɛ wa he yayami ɔmɛ tsuo ke wɔ ɔ.
Kristo ni tsumi ɔ he sane
Kristo hɛɛ Mawu nɛ a nɛ ɔ subai pɛpɛɛpɛ, nɛ lɛ ji bɔ nihi tsuo a Tɛte; nɛ anɔkuale ɔ ji kaa Kristo nitsɛ ji nɔ nɛ bɔ nɔ tsuaa nɔ nɛ ngɛ hiɔwe kɛ zugba a nɔ, níhi nɛ a naa kɛ nihi nɛ a nɛ, mumi je ɔ kɛ e mi matsɛ yemihi, nɔ yemihi kɛ he blɔhi; Kristo nɛ bɔ ni nɛ ɔmɛ kulaa kɛ ha lɛ nitsɛ e he kɛ e hɛ mi nyami womi. E ngɛ loko ji níhi kulaa ba, nɛ e he wami nya nɛ a ngɛ ngɛ.