Agradecimento pela vida

20 Ni sibere ie murasa ma la tau-taunu ra Ma Jou’ongu Madutu, nanga Ḇaḇa, di’a 'ori i’a mo-moini, sababu ngini ni marimoi rananga Jou Yesus Kristus.✝

Barakati ma repe sababu marimoi ra Kristus

3 Ngene wo puji re silamo’o Ma Jou’ongu Madutu, Unanga gena-ge nanga Jou Yesus Kristus 'ai Ḇaḇa. Unanga ro pula’a barakati mo-moini toma soroga ra ngene, sababu ngene rewo marimoi ra Kristus.

15 Ino, ngene wo sibere ie murasa ma la ra Ma Jou’ongu Madutu, sababu Unanga 'ai bu-bula’a ma pari cua ra ngene.

12 re ni sibere ie murasa ma la ra Ma Jou’ongu Madutu ḏi’i. Sababu Unanga gena-ge ga’a 'o sidadi ngini ni patasa di’a ni dawongo 'oru ga’a Unanga 'a sidodahe pasala ḏua di’a 'Ai 'umata Tai pareta ma dara ga’a 'i tarangi. 13 Unanga ro sibebasa ngini toma kuasa hafu-hafu, kara 'O sigasa re 'O singosama ngini tai Ngowa’a Nau’u 'Ai pareta ma dara. Unanga gena-ge, Ma Jou’ongu Madutu 'U dadalara. 14 'Ai Ngowa’a Nau’u gena-ge ro tuusu ngene, re Ma Jou’ongu Madutu ro singi-ngiranga nanga ḏosa-ḏosa.✝

Kristus re 'Ai munara

15 Ngene wo oḏi’i yoḏu’u Ma Jou’ongu Madutu mada’a 'a Kristus unanga gena-ge Ma Jou’ongu Madutu 'ai gabara mode-mode’e. Kristus 'o parenta Ma Jou’ongu Madutu 'ai do-dadi mo-moini, ma tero sa’olo ngowa’a nau’u ma jomolo ga’a 'o parenta 'ai nongoḏu, 16 sababu Ma Jou’ongu Madutu 'U 'utusu Unanga gena-ge 'o sidadi 'ori i’a mo-moini: bae toma soroga, bae toma dungia: bae 'ori i’a i’a ga’a wa oḏi’i, bae 'ori i’a i’a ga’a wa oḏi’i ua. So’o gena ḏi’i bae roh, bae mala’ekata ga’a 'i parenta rema kuasa. Mo-moini gena-ge Kristus 'a sidadi, la mo-moini gena-ge 'i simulia Unanga. 17 'Ori i’a mo-moini toma dungia nena-ne 'i cua moju, Kristus 'age rema enanga ḏua. Re Unanga 'a siḏe-ḏegoro 'ori i’a mo-moini ma ngi’i, re ḏi’i Unanga 'a parenta.

10 Ngini ḏuanga i’a ni oromo singadolo ḏugala re ngini ni puji re silamo’o Ma JOU Ma Jou’ongu Madutu ga’a ngini silamo’o re siḏubuso sababu tana’a gena-ge lai rousu ga’a Unanga ra pula’a ra ngini.>>