Agradecimento pela vida

Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.

6 Sun katei le awaraguabei, alawahalei Aburemei!

Alawaha huméi Aburemei!

Salmos 150:6

Lalawahóuniwa le ladügübei Bungiu

1 Alawaha huméi Aburemei!

Nalawahabei Nabureme tau sun nuani.

2 Nalawahabei Nabureme sunme gabagari nan;

neremuhaba uremu lun Nubungiute sunme wínwangidina lan.

Salmos 146:1,2

13 Buguya adügübalin sun núgubu;

buguya adügübalina turageirugu núguchu.

14 Alawaha numutibu, ladüga wéiritu nanigi,

ladüga wéiriguti katei le badügübei.

Chouru numuti lira!

15 Maramudagunti lafaragadagun núgubu buéi

sun meha nadügǘnbei aramudaguarügü,

sun meha nadügǘnbei lidan lilulin-agei múa.

16 Ariha lumuti bagu ladügǘn núgubu;

bürüwañu liña meha sun le tidan biliburun.

Arufuda baali meha átiribei lan dan nabagaridun

dan meha le miábingubeigidina ubouagun.

Salmos 139:13-16

33 Neremuhaba lun Nabureme sun wínwangidina lan,

neremuhaba lun Nubungiute lidan sun nibagari.

34 Labusenradügü hamuga Nabureme lagundaarun lau nisaminan

ladüga lídanrügüñein nadarirei nugundan.

Salmos 104:33,34

3 Subudi huméi luagu Aburemei lan Búngiubei;

ligía adügübaliwa, lani wagía;

lumutuniña wagía, lilügüniña mudún!

4 Higougu luagun lubenari,

belú humá lúbiñoun Bungiu

eremuheina uremu lánina eteingiruni.

Ru humá eteingiruni lun, alawaha huméi Bungiu!

Salmos 100:3,4

7 Lubuidun san bínsiñehabu Bungiu!

Aramudaguatiña gürigia lábugiñe barüna!

8 Gufurumatiña le tímatimaati lau éigini gíbeti,

le tídangiñebei buban;

guragüda bumutiña lídangiñe aban duna semeeti.

9 Ladüga bídanñein lubuñe ibagari,

gayaraati warihini larugounga lidan bigemeri.

Salmos 36:7-9

Alawahani le lánina eteingiruni lun Aburemei

1 Nabureme alawaha numutibu,

ladüga sefu bumutina,

lugundun mígiruntibu lun héherahan náganiñu nau.

2 Nabureme, Nubungiute,

amuriahatina buma lun bíderagunina,

aba bareidaguagüdünina;

3 sefu bumutina lídangiñe óunweni;

rútibu ibagari nun,

sefu bumutina luéi nounwen.

Salmos 30:1-3

Lalawahóuniwa lúaragun Bungiu

1 Nabureme,

busentina nalawahanibu tau sun nanigi,

abahüdagua aume luagu burí ubuiduni le badügübei.

2 Bungiu Íñuguti le ligibuagubei sun katei,

busentina nagúaragun buagu, buin lau ugundani;

busentina neremuhan uremu burí lidan biri!

Salmos 9:1,2

20 Ru humá eteingiruni lun Bungiu Úguchili súnwandan luagu sun katei lidan liri Wabureme Hesukrístu.

Efésios 5:20

Abiniruni lidan Hesukrístu

3 Ru wamá uéiriguni lun Bungiu, Lúguchi Wabureme Hesukrístu, lugundun lau lidan wamá aban luma Wabureme Hesukrístu, biní laadiwa lau sun luwuyeri abiniruni le siélugiñeti.

Efésios 1:3

15 Teinki waña lun Bungiu, luagu rúhali lan aban óunwenbu idewesei woun le siñá wabéi adarira dimurei le buídurügüti ubuidun lun wadimurehan luagu!

2 Coríntios 9:15

12 lun giñe heteingiruni Wáguchi Bungiu luagu aranse láadiwa lan lun weresibiruni wafanran lídangiñe le lunbei líchuguni houn lánigu lidan larugounga. 13 Sefu lumutiwa Bungiu lídangiñe lubafu luburiga, aba líchuguniwa lidoun larúeihan Liráü le hínsiñebei lun, 14 le asalbarubaliwa lau lounwen, chibalei wafigoun.

Arandaruni luma Bungiu lau lounwen Kristu

15 Lidan Kristu larihíwa Bungiu le marihínwabei, ligía ígiramaübei, le lóugiñebei sun katei le adügǘbei. 16 Lídangiñe Kristu ladügei Bungiu sun katei le siélubei luma le ubouagubei, dandu burí katei le marihínbei kei le arihúabei. Lídangiñe Kristu ladügei arúeihani, gumadi, lúrudu burí luma burí ubafu, ani lun giñe Kristu ladügǘwa. 17 Lubaragiñebei sun katei, aniheinhali meha Kristu; ani lau lubafu anihein lubéi sun katei lidan lubara.

Colossenses 1:12-17

10 Hadarirubei lubeiti sun éigini le lunbei hemegeiruni gama lumoun lárigiñeme heigin, kimule huguyame, lunti híchugun uéiriguni lun Wabureme le Hubungiute luagu múa buiti le líchugubei hun.