Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Niimaseene birin xa Alatala tantun!
Tantunna Ala xa!
Ala nan sɛnbɛtarene kantanma
Tantunna Ala xa!
N xa Alatala tantun n niini fefe!
Fanni n na n nii ra,
n na Alatala tantunma nɛn.
Fanni n daxi,
n na n ma Ala tantunma nɛn bɛtini.
I tan nan n sɔndɔmɛn daxi,
i tan nan n saxi nga fatini.
Ala, n ni i tantunma,
amasɔtɔ n da kiin magaxu,
i kɛwanle magaxu.
N na a kolon n niini ki faɲi.
N fati bɛndɛn mi yi luxunxi i tan ma,
i to yi n nafalama suturani
i yi n dama nga kui waxatin naxan yi.
I yi n toma benun n fatin xa yelin nafalɛ.
I bata yi n ma siimayaan xasabin sɛbɛ i ya kitabun kui,
benun a xa fɔlɔ waxatin naxan yi.
Fanni n nan n nii ra,
n bɛtin bama nɛn Alatala xa.
N tantun bɛtin bama n ma Ala xa nɛn n siin birin yi.
N ma bɛtin xa a kɛnɛn.
Amasɔtɔ n ma sɛwan kelima Alatala nin.
Ɛ a kolon a Alatala nan Ala ra.
A tan nan en daxi.
A tan nan gbee en na.
A yamaan nan en tan na,
alo a xuruseen naxanye rabama.
Ɛ nɛma soma a Batu Banxini,
ɛ barikan bira a xa!
Ɛ a tantun a tanden ma!
Ɛ a tantun,
ɛ barikan bira a xa.
I ya tinxinna gbo alo geyane.
I ya kiti sa kiin tilin alo fɔxɔ igena.
Daɲɔxɔne nun subene i tan nan yii, Alatala.
Ala, i ya hinanna kɛndɛ han!
Adamadiine birin luxunden sɔtɔma nɛn i yi
alo tɔxɛ diine e nga gabutɛne bun kii naxan yi.
E lugoma i ya donse gbeen nan na.
E e min i ya fanni alo xudena.
Barika birana Ala xa
Dawudaa bɛtina. Sigi sariɲanxina. Batu Banxin nasariɲan bɛtina.
Alatala, n ni i batuma,
amasɔtɔ i bata n yite.
I mi tin
n yaxune yi e xunnayeren n xun na.
Alatala n ma Ala,
n ni i mafan nɛn malina fe ra,
i yi n nakɛndɛya.
Barika birana Ala xa
Dawudaa bɛtina, bɛti baane kuntigin xa. A xa ba alo "Dii Xɛmɛ Faxan" bɛtina.
Alatala, n ni i tantunma nɛn n bɔɲɛn ma feu!
N ni i ya kabanako feene yɛbama nɛn.
Ɛ barikan bira Fafe Ala xa seen birin ma fe yi waxatin birin en Marigi Yesu Alaa Muxu Sugandixin xinli.
En barakan naxan sɔtɔma
En barikan bira en Marigi Yesu Alaa Muxu Sugandixin Fafe Ala xa naxan niin duban birin nagidixi en ma ariyanna yi a Muxu Sugandixini.
En barikan bira Ala xa a kisena fe ra naxan ɲɔxɔn mi na.
Ɛ xa barikan bira Fafe Ala xa sɛwani bayo a tan nan a ligaxi ɛ yi ɛ gbee kɛɛn sɔtɔ naxan kɛnɛnna mangayani yama sariɲanxin xa. A tan bata en xunba dimin nɔɔn bun ma, a en xali a rafan dii xɛmɛna mangayani naxan en xunba, a yi en yulubine xafari.
Alaa Muxu Sugandixina
Ala totaren maligan nan a Muxu Sugandixin na. A tan nan dii singen na daala birin yɛ. Amasɔtɔ Ala bata seen birin da a tan barakani kore xɔnna nun bɔxɔn ma, seen naxanye toma e nun naxanye mi toma, mangayane, kuntigine, nɔ kanne, e nun sɛnbɛ kanne. Seen birin daxi a tan nan baraka yi a tan xa. A yi na benun seen birin xa da. Sena ngaan masuxi a tan nan xɔn.
Ɛ na ɛ dɛge han ɛ yi lugo, ɛ xa barika bira Alatala ɛ Ala xa bɔxɔ faɲini ito a fe ra.
Marigina, i bata n xun mayɛngɛ kitini,
i yi n niin xunba.
Igen bata te han n kɔɛna.
N bata lu tilinna ma.
Fɔxɔ igen sɛxɛne yi filin n xunna ma.
N bata yi godo igeni
han geyane bun.
Bɔxɔn bata yi raxutu n ma
han habadan.
Koni i tan Alatala, n ma Ala,
i bata n kɛndɛn ba faxan dɛ."