Agradecimento
O agradecimento é a linguagem natural do cristão. Em tudo dai graças! A gratidão a Deus transforma a perspectiva, fortalece a fé e produz alegria em todos os tempos.
Dar graças sempre
Em tudo dai graças, porque esta é a vontade de Deus em Cristo Jesus para convosco. A gratidão é atitude fundamental.
ege kide mo ege wakai yenabuka igne ama God di wakai yei te pai molo. I siragl pre ene Krais Jisas yobama meglkwa i, God ene mabuno yegl eraiglmedi prukwa.
Te, nono Yaglno Kade Jisas, God Kere Yugwa Yagl i kogon erumara i pre ene God Nem ege ege di wakai yei teo. Jisas kogon erumara i mina God ene taragl wakai kane kane ere togwa pre ene ege ege ye taragl mudu erukwa i poglo di prisre, ye di wakai yei teo.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
Te, Krais kamo ene nomano ya deno muduno mina kau sinan, ene mogl pai eraiglmara u ta enabuka. Tebi, nomane wakai tenabara i mina ene ikne ikne God kamo duglo boramnedi si gi dio. Ene yegl ersre, te, giglage kane kane mina ene deno muduno bogl God di wakai yei teo. Giglage tau Buk Giglage mina paugwa i ene didre, kaima tau okna digwa i, didre, te, giglage tau Mudu Murubuglo ene nomane tenabere ama ene bekidre, dio.
Te, ene ka siragl mere dinaiglkwa mo kogon siragl mere ta eraiglkwa i, ene Yaglno Kade Jisas yobama munedi prisre, yomere pamere keme mudu erio. Te, Krais kogon erumara i mina ene Neno Kade God di wakai yei te molo.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
Te, Krais kamo ene nomano ya deno muduno mina kau sinan, ene mogl pai eraiglmara u ta enabuka. Tebi, nomane wakai tenabara i mina ene ikne ikne God kamo duglo boramnedi si gi dio. Ene yegl ersre, te, giglage kane kane mina ene deno muduno bogl God di wakai yei teo. Giglage tau Buk Giglage mina paugwa i ene didre, kaima tau okna digwa i, didre, te, giglage tau Mudu Murubuglo ene nomane tenabere ama ene bekidre, dio.
Te, ene ka siragl mere dinaiglkwa mo kogon siragl mere ta eraiglkwa i, ene Yaglno Kade Jisas yobama munedi prisre, yomere pamere keme mudu erio. Te, Krais kogon erumara i mina ene Neno Kade God di wakai yei te molo.
Nono yoba God kamo praiglmedi kamage eramga
Ene ege ege God di wakai yei tedre, ye kamage ere teo. Te, ene kamage siragl mere eraiglkwa i, wakai ere kinano gudu prisre, kamage erio.
Ana ene taragl kane kane pre kamage ersre, taragl swara ta pre nomane sikrio. Ene kamage eraiglkwa i, taragl kane kane pre God agle di prisre, ye ama di wakai ye teo.
Louvor e gratidão
Entrai pelas portas com ação de graças. Rendei graças ao Senhor porque Ele é bom e a sua bondade dura para sempre.
Expressões de gratidão
Graças a Deus pelo seu dom inefável! A gratidão se expressa em oração, louvor e generosidade para com os outros.
Ana God taragl wakai wakai norukwa i, nono erme drano mina mudu ta dinamga i, kuno ta erekrabuka. Ba ye taragl mere kide kaima norumara i pre nono ye di wakai yei tenamga paugwa.
God ene taragl tau mere i pi yoba pere tenaiglmedi taragl kane kane ene tenan, ene taragl i, tau i makai sidre, no i pi tenaiglmedi noribi, no i pi yoba pere tomun, ye idre, God di wakai yei tenaiglkwa.
Yegl paugwa ba nono God di wakai yei tenamga paugwa. I siragl pre nono Yaglno Kade Jisas Krais kogon erumara i mina God ye nono aimadi kamin kor moraiglmedi norsre, geglkwa mabuno nono ta si atne edekrabedi ere noro kodugwa.
Pol ye God di wakai yei togwa
Na ene Korin yoba ege ege poglo di pre, God di wakai yei teiga. I siragl pre God ere mogl, ye Krais Jisas kogon erumara i mina ene ere wakai kaima ere togwa.
Pol dumo Rom kanagledi prukwa
Na ka komono kana dinaglka i, yegl paugwa, Jisas Krais konbo yauro norumara na Godna di wakai yei teiga. I siragl pre yoba uglo koglo koglo ene Jisas pre mediglmedi ka podo di meglkwa.
Yoba i God pre kan erikwa ba ye God moglmedi kagie kade tekre, ye ama di wakai yei tekrikwa. Ta tekriko, ye nomano u kide ogo, ye nomano mina pre pogl sikre, du mere yegl erikwa.
God swara taragl mudu ere yedre, te taragl mudu ama erme sugl mogl pai moglkwa. Yegl pre ye taragl mudu ere yomara i mina kagie kade inabuka paugwa. Nono munga i ama aimadi kamun God kagie kade te pai moramga. Kaima.
Ba na we, na ene wakai we di tenagledi giglage didre, ene tawa tenaglka. Na yegl eragledi ene ka giglede di te padiglka i, na dimere eragle dugwa. Ene swara yoba ere inga motniwe di, Jona yegl dugwa.
Tesalonaika yoba yubun idre, adigl gigledi meglkwa
Agrama abarama wagle, no ege ege ene pre God di wakai yei tenamga paugwa. I siragl pre ene pre mediglkwa i, u gigle kaima dugo, te, ene deno muduno ikne ikne teigwa mabuno i ama ede u podo ogwa.
Timoti kudugl goglkre, God kogonmo ere pai morabuka
Ana na God kogonmo ere moglmara i, na etne ya eduer, ene pre ege ege poglo di prisre, God di wakai yei te, kamage ere moglka. Na kowanoma awanoma okna ibo God kogonmo ersre, aglau ta erekrumnedi primere mere yegl, na ama God kogonmo erika i, aglau ta erekriedi prika.
Na ene Efesus yoba kano digo, prika i, ene Yaglno Kade Jisas pre medigl pai moglsre, God yobama mudu deno muduno tedre, erimiwe digo, prika. Yegl pre na ege ege God di wakai yei tedre, ene pre ege ege kamage ere moglka.
Ana nono ede suna umgo, God nono kingno moglsre, suglno moglmara dumo i, ta piga dinan, kuno erekrabuka. Dumo i aimadi kamin yei pai morabuka pre nono God di wakai yei tenamga paugwa. Te, nono ye kuduglmo goglsre, ye pre i mitna ede, yene wakai ta kanabere mere ye kogonmo ere tenamga paugwa.
Yegl pre no ege ege aglo mere wan munga i, ene no bitno motnga i no wakai prisre ene wakai pre tomga.
Yegl digo, Jisas yagl 10-pela i kandre, ye di te, yegl dugwa, Ene pi tawa teigwa yoba meglmara pidre, ogono nagino obuno di teo dugwa. Yegl dugo, ye ede eigo, ye konbauna eimara i, ogono nagino tabre u wakai ogwa. U wakai ogo, yagl swara ta ogona nagna u wakai omedi kandre, God kagie kade tenagledi ka podo didre, ede Jisas moglmara ogwa. Ye u Jisas kagle mina yage kobragai padre, ye di wakai yei togwa. Te, yagl i, Samaria yagl ta moglkwa. Ana Jisas yagl i kandre, yegl dugwa, Na prika i, yagl 10-pela ogono nagino u wakai omedi prika. Yagl 9-pela meglkwa i, tau ede aglo eime? Juda yoba moglkrukwa i keme ede ikne udre, God di wakai yei togwa i, kuno erekrumedi prie dugwa. Jisas yagl i yegl di togwa, Ene adigl, ede po. Ene na pre mediglnga pre ene ogon nagn erme u wakai omiwe dugwa.
Ye ede suna pidre, yugu togl yeimara ede suna ogo, yagl 10-pela kide leprosi paugwa i, eglke iro mogl, Jisas kandre, ye ka podo di te, yegl digwa, Yagl Kade Jisas yo, ene no mitno goglo digwa. Yegl digo, Jisas yagl 10-pela i kandre, ye di te, yegl dugwa, Ene pi tawa teigwa yoba meglmara pidre, ogono nagino obuno di teo dugwa. Yegl dugo, ye ede eigo, ye konbauna eimara i, ogono nagino tabre u wakai ogwa. U wakai ogo, yagl swara ta ogona nagna u wakai omedi kandre, God kagie kade tenagledi ka podo didre, ede Jisas moglmara ogwa. Ye u Jisas kagle mina yage kobragai padre, ye di wakai yei togwa. Te, yagl i, Samaria yagl ta moglkwa. Ana Jisas yagl i kandre, yegl dugwa, Na prika i, yagl 10-pela ogono nagino u wakai omedi prika. Yagl 9-pela meglkwa i, tau ede aglo eime? Juda yoba moglkrukwa i keme ede ikne udre, God di wakai yei togwa i, kuno erekrumedi prie dugwa. Jisas yagl i yegl di togwa, Ene adigl, ede po. Ene na pre mediglnga pre ene ogon nagn erme u wakai omiwe dugwa.
Filipai yoba pre Pol God di wakai yei togwa
Ana na ene Filipai yoba pre poglo di prika igne, na Godna ege ege di wakai yei teiga.