Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
किजोकि अवं नियन्नो थियो, ते तुसेईं मीं रोट्टी खुवाई, अवं ट्लिशोरो थियो, ते तुसेईं मीं पानी पियांव अवं परदेशी थियो, ते तुसेईं अवं अपने घरे मां कुजव। अवं नग्गो थियो, ते तुसेईं मीं लिगड़ां दित्तां, ते अवं बिमार थियो, ते तुसेईं मेरी हेरगेश की अवं कैद थियो, ते तुस मीं मिलने आए।"
तैखन तैना धर्मी मैन्हन ज़ोलो, "हे प्रभु असेईं कैखन तू नियन्नो लाव, ते असेईं तीं रोट्टी खुवाई या तू ट्लिशोरो थियो, ते असेईं तीं पानी पियांव।" असेईं कैखन परदेशी सेमझ़तां तू अपने घरे मां रख्खो, या तू नग्गो थियो, ते असेईं तीं लिगड़ां दित्तां? ते अस कताली तीं बिमार या कैद लेइतां तीं सेइं मिलने आए? तैखन राज़ो यानी अवं जुवाब देलो, "कि अवं तुसन सेइं सच़ ज़ोताईं कि ज़ैखन तुसेईं इन लोकन सेइं ज़ैनेईं मीं पुड़ विश्वास कियो एक्की सेइं भी एरो बर्ताव कियो त एन बुझ़ा कि एन तुसेईं मीं सेइं कियूं।"
ज़ै कोई तीं करां किछ मग्गे, तैस दे। ते ज़ै कोई तीं करां ओधार मग्गे त तुत्तर न फिरेइयां।"
ते एन्च़रे तुश्शी लौ मैन्हु केरे सामने एरी चमके, ताके तैना तुश्शां रोड़ां कम्मां हेरतां तुश्शे सुर्गेरे बाजेरी तारीफ़ केरन।"
तुस होरि किछ देले त तुसन भी किछ दित्तू गालू तुश्शू बरकतरू भांड ज़ेन्च़रे अन्नेरी हाटी हिलेइतां देइतां तैन भी तेन्च़रे ज़ैस हैटी सेइं तुस होरि केरे लेई मिनतथ तैस्से सेइं तुश्शे लेई भी मिनेले।"
लोकेईं तैस पुछ़ू, "फिरी असां परमेशरेरी सज़ाही करां केन्च़रे बच़म?" यूहन्ना तैन सेइं ज़ोवं, "ज़ैस कां दूई कुरतेन त अक कुरतो तैस देथ ज़ैस कां अक भी नईं ते ज़ैस कां रोट्टी आहे त तै भी रोट्टी बन्टे ज़ैन कां नईं।"
अपनु घरबार बेच़तां धर्मरथ देथ, ते एप्पू जो अक बेटवो बनाथ, ज़ै पुरानो न भोए, सुर्गे मां दौलत जम्हां केरा ज़ै कधे न मुक्के, ज़ैड़ी न च़ोर पुज़्ज़े ते न कीड़ो खाए। किजोकि ज़ैड़ी तेरी दौलत भोल्ही, तैड़ी तेरो दिल भी लग्गेलो।
"मेरो हुक्मे ईए ज़ेन्च़रे मीं तुसन सेइं प्यार कियो, तुस भी एक्की होरि सेइं प्यार केरा।
एस करां जादे प्यार केन्चे नईं कियोरो, कि कोई अपने दोस्तां केरे लेई अपनि जान दे।
मीं तुसन सब किछ केरतां हिराव, कि एन्च़रे सेइं कमज़ोरन समैली सकतम, कि प्रभु यीशु मसीहेरी गल्लां याद रखम, "कि देनू नेने करां जादे धने।"
एन गल्लां केरे बाद पौलुसे ज़ैधू केरे भारे बिशतां तैन सेब्भन सेइं साथी प्राथना की। तैना सब गले मिलतां लेरां देने लगे, ते पौलुसे फुम्मड़ी देने लगे। खास केरतां तैना इस गल्ली सेइं दुखी थी, ज़ैना तैनी ज़ोवरी थी, कि तुस मीं फिरी कधी न लाहेले, ते तैनेईं तै ज़िहाज़े तगर पुज़व।
परमेशरेरे लोकन ज़ैन किछ ज़रूरी भोए, तैस मां तैन केरि मद्दत केरा; मेहमानां केरि आदर केरते राथ।
एन्च़रे अस ज़ैना विश्वासे मां मज़बूत आम, असेईं एन कियोरू लोड़े कि ज़ैना विश्वासे मां कमज़ोरन तैन केरि मद्दत केरम; न कि अपनो आप खुशी केरम।
तुस एक्की होरेरी मुशकलन मां मद्दत केरा, ते एन्च़रे मसीहेरो कानून पूरो केरा।
च़ोरी केरनेबालो फिरी च़ोरी न केरे; बल्के ईमानदैरी सेइं अपने हथ्थन सेइं मेहनत केरे; एल्हेरेलेइ ज़ैस ज़रूरत भोए तैस देनेरे लेई तैस कां किछ भोए।
तुसन मरां हर कोई सिर्फ अपने भलैइयरे लेई न सोचे, बल्के होरि केरि भलैइयरे लेई भी सोचे।
हे मेरे ढ्लाव ते बेइनव, अगर कोई ज़ोए कि मीं यीशु मसीह पुड़ विश्वासे, पन होरि केरे लेई रोड़ां कम्मां न केरतो भोए, त तैस सेइं कुन फैइदो? कुन एरो विश्वास तैस मुक्ति देइ बटते? अगर कोई विश्वासी ढ्ला या बेइन भोए ज़ैन लिगड़ा केरि ज़रूरत भोए, ते तैन रोज़ खाने जो न भोए। ते तुसन मरां कोई तैन सेइं ज़ोए, "खुशी सेइं गाथ परमेशर तुसन बरकत दे," तुस गर्म राथ, ते रज़्ज़ा; पन ज़ैना चीज़ां जानरे लेई ज़रूरिन तैना तैन न दे, त कुन फैइदो? तेन्च़रे विश्वास भी, अगर रोड़े कम्मन सेइं न भोए, त अपने स्भावे मां मर्रोए।
पन ज़ैस कां दुनियारी जेइदात भोए, त तै अपने ढ्लाए ज़ैस ज़रूरत भोए, तैस हेरतां तैस पुड़ तरस खानो न चाए, त तैस मां परमेशरेरो प्यार केन्च़रे बनोरो रेइ बटते?
ज़ै गरीबे पुड़ अनुग्रह केरते, तै यहोवा ओधार देते,
ते तैस अपने इस कम्मेरो फल मैल्हेलो।
तेरे मुल्खे मां गरीब त हमेशा मैल्हेले, एल्हेरेलेइ अवं तीं ई हुक्म देताईं कि तू अपने मुल्खे मां अपने गरीब ढ्लाए अपनो हथ ढिल्लो केरतां ज़रूर दान देइयां।