Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
काहकि हाव भुखलो हुतो, आरू तुमू मेखे खानो दिया; हाव पिसलो हुतो, आरू तुमू मेखे पानी पिवाड़िया, हाव दूर देश क हुतो, तुमू मेखे तुमरा घर मा मेकलु; "हाव नांगरो हुतो, तुमू मेखे छिंदरा पेहराया; हाव बीमार हुतो, तुमू म्हारी खबर लेदो, हाव जेल खाना मा हुतो, तुमू म्हार सी मेळने आया।"
तव न्यायी उको जवाब देसे, "ए पोरबु हामु कोतार तुखे भुखलो देखिया आरू खवाड़िया? आरू पोसलो देखिया, आरू पानी पिवाड़िया?" "हामु कोतार तुखे अनजानो देखिया आरू आपसा हामरा घर मा रूकाया या नांगो देखिया, आरू छिंदरा पेहराया? हामु कोतार तुखे बीमार या जेलखाना मा देखिया आरू थार सी मेळने आया?" तव राजा उन लोगहन क जवाब देसे, हाव तुमरे सी सच कहवो, कि तुमू इनु नाना सी नानला भाईस सी कोय एक क साथ मा करिया, त्या तुमू म्हार सात मा करिया।
जो काही तुखे छे उधार लेने जुवे, उका सी मुय मा फिरावो।
तीनी रीति तुमरो विजात्यो मानुस क सामने चमके कि त्यो तुमरा बास की, जो सोरग मा छे, बढ़ाई कर्या।
आप्या करू, आरू यहोवा–भगवान तुमू भी आपु। मानुस पूरा नाप दाबी–दाबीन आरू हालवी–हालवीन आरू जु भरीन तुमरा खुवा मा नाखछे, काहकि जा नाप करीन तुमू नापता होय, तीनी छे तुमरे करता भी नापाय जाछे।"
तव मानछेने ओका सी पुछ्या, "तो हामु काय करजे?"
त्यो तीनुक जवाब दिया, "ओका साथे दुय सुटर होय, वो ओको साथे ओका साथे नी छे वाट लेय आरू ओका साथे रोटा होय वो भी ओसो ही कर्या।"
आपने संपत्ती वेचीन गरीब क दान कर दियो आरू आपने करता ओसो थैली बनायो जो जुनला नी हुयसे मतलब सोरग क ओसो धन एखठा कर्या जो घटता नी आरू जीसके नीकट चुर नी जाता छे आरू किड़ा नी बिगड़ता। काहकि वा तारो धन छे, चा तारो मन भी लागी रोवसे।
"मार हुकुम यी छे, कि जोसो हाव तुमू पर मोंग राख्या, तोसोज तुमू भी एक दिसरा साथे मोंग राखु।"
एर रईन मोटो मोंग काहनान नी कि कोय आपसा दोस्तन करता आपनु जीव आपदेय।
हावने तुमूक आखो काही करीन देखाड्या, कि इन रीति सी मेहनत करता होया निर्बलोन सम्भालना, आरू पोरबु ईशुन वचन स्मरण राखने पाको सी, कि त्यो आप ही कयो सी "लेने सी आपने धन्य सी।"
यो धरती त्यो मांडा टेकीन आरू तीनुक आखाक साथे प्रार्थना करे। तव वो आखा घण रोड्या आरू पौलुसन गवाम हाववीन ओको गुवा देने लाग्या। वो विशेष करीन इन वातन शोक करता हुता, जो त्यो कयी होती तुमू मारे मुय पछो फिरवीन नी देखसी। आरू चे ओको ढोंड्या तक पुगाड़ीया।
चुखलो मानसो काजे जो काय जरूरी हो, तिनामा उको मदत करसु; पाहंनतराय करनेमा लाग रोवु।
दिसरान बढ़ती करू
शेवली कावा हामु बलवान क काजे जुवछे कि निर्बलोंन निर्बलताओं क सहें, नि क आपने आपसु खुश करे।
तुमू एक दिसरान भार उठावु, आरू एर प्रकारे मसीहान व्यवस्था काजे पूरी करू।
चुरी करने वाळा ओळी पछो चुरी नी करे; बाकीन वारला काम करने मा आपसा हातो छे काठो काम करे; ओको करता कि जिना योजना छे, उको आपने जुगे उका पास काहय होय।
हर एक आपने ही हित की नी, वरना दिसरा न हित की भी चिंता करे।
विश्वास आरू काम
हे मा भाईस यदि काही कये कि मखे विश्वास छे पर वो काम करता होय, तो इनासे काय लाभ? काय ओसो विश्वास कदी ओको उध्दार कर सकता छे? यदि काही भाईस आरू बहिनीस नांगरला उघाड़ला होय आरू हर दाहडु भोजन की घटी होय। आरू तुमू मा छे काही उनछे कये, "कुशल छे जावु, तुमू गरम रवु आरू तृप्त रवु" पर जो समान डील क करता छाची छे वो इनुक नी देय तो काय लाभ? वोसो ही विश्वास भी, यदि काम सहित नी होय तो आपसा स्वभाव मा मरला हुयो छे।
पर जिना काही क साथे संसार क धन होय आरू वो आपसा भाईस क गरीब देखीन ओको पर तरस खाने नी जूवे, तो उनमा यहोवा–भगवान क मोंग क बन्या रया सकता छे?