Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
አይስ ጊኮ፥ ታኒ ኮሻትን ሙዝደታ፥ ሳሞትን ኡሽደታ፥ ኤረቶና እማ አስ ግዳዳ ብን ሞክደታ፥ ካሎትን ማይዝደታ፥ ሀርገትን ሀርግስደታ፥ ቃሸትን ታና ኦይችደታ’ ያጋና።
"ሄሳፈ ጉየ፥ ፅሎት ዛሪድ፥ ‘ጎዳዉ፥ ኔኒ ኮሻትን አዉደ በእድ ሙዝዶ? ዎይኮ ኔኒ ሳሞትን አዉደ በእድ ኡሽዶ? ኔኒ እማ ግዳዳ ይን አዉደ በእድ ሞክዶ? ዎይኮ ኔኒ ካሎትን አዉደ ማይዝዶ? ኔኒ ሀርግን ዎይኮ ቃሸትን ኔኮ ብድ ነና አዉደ ኦይችዶ?’ ያጋና። ካዎይ ዛሪድ፥ ‘ታኒ ህንተዉ ቱማ ኦዳይስ፤ ህንተ ታና ካልያ ሀ ኡባፈ ጉፀይሳስ ኦዳይሳ ታዉ ኦደታ’ ያጋና።
ዎስያ ኦደስካ እማ፤ ኔፐ ታልአናዉ ኮይያ ኦናካ ድጎፋ።
ሄሳ መላ አሳይ ህንተ ሎኦ ኦሱዋ በእድ፥ ሳሎን ደእያ ህንተ አዋ ቦንቻና መላ ህንተ ፖኦይ አሳ ስንን ፖኦ።
እምተ፤ ህንተዉ እመታና። ህንተ ማክዳባን ህንተዉ ዛር ማከታና፥ ኡባራካ ሎኦ ማክያባን ባቅድ፥ ሱድ ኩንድ፥ ላለታና ጋካናዉ ህንተዉ ማከት እመታና" ያግስ።
አሳይ፥ "ያትን ኑኒ አይ ኦኖ?" ያግድ ኦይችዶሶና።
ዮሃንስ ዛሪድ፥ "ናምኡ አፍል ደእያ አስ ባይናይሳስ እሞ። ካ ደኤይስ ባይናይሳስ እሞ" ያግስ።
ህንተዉ ደእያባ ባይዝድ ማንቆታስ እምተ። ካይሶይ ኤኮናሶን፥ ብል ሞናሶን፥ ጭሞና ካርፂታን፥ ዉሮና ሻሎ ሳሎን ሺሽተ። ህንተ ዎዛናይ ህንተ ሻሎይ ደእያ በሳን ግዳና።
ታ ኪታይ ሀይሳ፤ ታኒ ህንተና ዶስዳይሳዳ ህንተካ እሶይ እሱዋ ዶስተ።
ባ ሸምፑዋ ባ ላግያስ አድ እመይሳፈ አያ ግታ ሲቆይ ባዋ።
ህንተ ሀይሳዳ ዳቡርድ ኦሸ ዳቡራንቾታ ማዳናይሳነ ጎዳ የሱሲ፥ ‘ኤከይሳፈ እመይስ አንጀትዳይሳ’ ግዳ ቃላ ህንተ ቆፓናዉ በሰይሳ ታኒ ህንተና ኡባባን በሳስ" ያግስ።
ጳዉሎስ ሄሳ ኦድ ኦንግድ ኤንታ ኡባራ ጉልባትድ ፆሳ ዎስስ። ኤንቲ ኡባይካ ጳዉሎሳ እድምድ ዬክድ ዬርዶሶና። እ ዛሪድ፥ "ታና በኤከታ" ያግዳ ቃላይ ኤንታ ዳሮ አዛንስ። ኤንቲ ማርካብያ ጋካናዉ እያ ሞይዝዶሶና።
አማንያ ጌሻታ ኮሽያባን ማድተ፤ እማታ ሞክተ።
ኑኒ አማኖን ምንዳይሳት ዳቡራንቾታ ቶሁዋ ቶካናዉ በሴስ። ኑኒ ኑና ኡፋይሳናዉ በሰና።
እሶይ እሱዋ ዴፆ ቶሁዋ ቶክተ። ያትኮ ክርስቶሳ ህግያ ፖሌታ።
ካይሶትያ ኡራይ ህዛፐ ጉየ ካይሶቶፖ። ሽን ማንቆታ ማድያባይ እያዉ ዳና መላ ባ ኩሸን ሎኦባ ኦ።
ህንተ እሶይ እሶይ፥ ሀራ አስ ማድያባ ኮይተፐ አትሽን፥ ህንተና ማድያባ ፃላላ ኮዮፕተ።
ታ እሻቶ፥ ህንተፈ እስ አስ ታዉ አማኖይ ደኤስ ግድ፥ ባ አማኑዋ ኦሶን በሶና እፅኮ እያ አይ ማዳኔ? እያ አማኖይ እያ አሻናዉ ዳንዳኢ? ሌምሶስ እስ እሻይ ዎይኮ እስ ምችያ ካሎትኮነ ኤንታዉ ምያባይ ይኮ፥ ህንተፈ እስ አስ ኤንታኮ፥ "ሳሮ ቢተ! ታማ ካይተ! ካልድ ሚተ!" ግድ፥ ኮሽያባ ኤንታዉ እሞና እፅኮ ኤንታ አይ ማዲ? ሄሳ ግሾ፥ ኦሶይ ባይና አማኖይ ባርካ ሀይቅዳይሳ።
ሽን ዱረ ግድዳ ኦንካ መቶታንቹዋ በእሸ፥ እያዉ ቃቶና እፅኮ ባ ዎዛናን ፆሳ ሲቆይ ደኤስ ጋናዉ ዋንድ ዳንዳኢ?
ማንቆስ ኬህያ አስ ጎዳስ ታልኤስ፤
ጎዳይ ሄ ሎኦ ኦሱዋ ግሾ ዎይቴስ።
አዉደካ ግድን፥ ቢታ ቦላፈ ማንቆይ ዮና ግሾ፥ ነ እስራኤለታስ፥ ማንቆታስነ መቶታንቾታስ ህንተ ኬሀ ግዳና መላ ኪታይስ።