35 Ika nägana käñ aŋ Ika äämgana. Aŋ Ika nägana yeen aŋ Ika määtkana piik. Aŋ Ika agä boorgon aŋ Ika gïmgana äärgic ti. 36 Aŋ Ika yori elaŋ, aŋ Ika iiŋkana. Aŋ Ika yore caraŋ, aŋ Ika waañña. Aŋ Ika cääyä gaŋgar, aŋ Ika ookka.’

37 "Aŋ bi luuku mä wotku ogo, ‘Pïṭo, a tooku ken yoorini näki käñ, aŋ Ïkï äämgini, aŋ näki yeen, aŋ Ïkï määtkini piik? 38 Aŋ a tooku ken yoorini agii boorgon, aŋ gïmgïnï äärgo ti, aŋ yorü elaŋ, aŋ iiŋkini kä? 39 Aŋ a tooku ken agii kä raac aŋ cääyii gaŋgar aŋ Ïkï ookini kä?’

40 "Aŋ bi luuku Yätkä ogo, ‘Ikee kiine a gïtken, bata yaana näŋgene mädgi lïcken ke käwgi lïcken ye, i näŋgana kä Ika.’

42 Aŋ m’ana ñujjin ïkï ti ye, i iñä. Aŋ m’ana ṭäkï kujit mïïngä ïkï ti ye, ŋana ṭïïgä.

16 Cäänna dalä diktäŋ yüünü dïkï me ñomgen ti, nuŋko nääŋkä ŋerkä yüükü yoorge daa me aŋ mäŋene me Wääc yaana ñaalok polloŋ jï ye.

38 Iccede, aŋ ikee bi iñge Jooŋ. Pääynä ŋerconḍe cïge aŋ yoge ke puukce woo, aŋ bi daa puukkene kä me cuukulli yeekic gïtï. Aŋ kä pääynä yaana pääjgede kä me ye, ken daa bi pääjgene kä me."

10 Aŋ taaji ṭoŋ ogo, "Ikoon näŋjon ogoo?"

11 Aŋ ike luukcin iken ti ogo, "M’ana cääygene buruŋgu kä yewwe ye, i pääkä ke m’ana batta cääygene kä ye, aŋ m’ana cääygene ginäämkä ye näŋjï nääŋkä keelkä cäänna."

33 "Waak yeekic yääjje woo aŋ iñe m’aka ṭäkï ye. Aŋ ḍuuggic tutke ḍïïggï tiil yaaka batta daandïdï ye, ke waak ŋerkä ñaalok polloŋ jï yaaka batta baakkïdï ye, nänṭ’a käṭoni batta käṭï aŋ ḍiiḍini batta cüüṭï gïtï ye. 34 Aŋ nänṭä yaana cääyene kä waak ŋerkä yüükü ye, i jonü a wïca cäänna."