Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Na’ankure nagama’netegeta Nagrira ne’za namizage’na ne’noe. Tinku nave’nesigeta Nagrira tina namizage’na ne’noe. Nantu vahe Nagra neogetma nontamifi navrente’naze. Navufa navapa mani’nogetma Nagrira kukena hunante’naze. Kri eri’nogeta Nagrira kegava hunante’naze, Kina nompi mani’nogeta, Nagrira eme nage’naze hanige’za, anante fatgo vahe’mo’za ke nona hunte’za, Ramoke, nazumepaga kagakura nehanketa ne’zana kami’none? Inazupa tinkura kave’nesigeta, kamunkenka ne’nane? Nazumepaga kagonkenka Kagra nantu vahera neanketa kavare nontifina kante’none? Nazupa Kagra kavufa kavapara mani’nanketa, kukena hugante’none? Nazumepaga kagonkenka, Kagra kria eri’nane, nazupa Kagra kina nompina mani’nanketa, ome kagenone? Kini ne’mo kenona huzmanteno amanage hugahie, tamage hu’na neramasamue, amama zamagima omane nafuhe’impinti mago zmimofoma nankna avu’ava huzmante’nazana, Nagri hunante’naze.
Mago zanku kantahige simofona amne amio, erite’na kamisue huno kantahigena, i’o osuo.
Anahu kante tavika’a atregeno, vahe’mokizmirera remsa hanige’za, knare kavu kvara nege’za, monafi mani’nea Negafana ra agi amigahaze.
Vahe’ma tamagrama zaminageno’a tamagri’enena anazanke huno Anumzamo’a neramino, knare’za huno rentrako traku huno tamamina, aviteno herafiramino evugahie. Na’ankure tamagrama vahe’ma zamisnaza avamente, tamagri’enena anazanke huno tamigahie.
Hige’za ana vahe kevumo’za Jonina anage hu’za antahige’naze. Hagi tagra na’a hugahu’ne? Hu’za antahigageno, Joni’a, zamagari kenona anage huno zamasmi’ne, azagama tare kenama ante’nesamoka, magora onte’nesimofo ome fako humio, hagi azagama ne’zama ante’nesamoka, anazanke hunka fako huzamio.
Afufenontamia zagore atretma, zago erita amunte omane vahe nezminkeno monafi fenozantamimo’a meno, anazamo’a monafina havizana nosanageno, kumzafa nosesageno, havi kafamo’za eri havizana osu kumapi antegahaze. Na’ankure feno zanka’ama me’nenirega, anantegage kagu’a antegahane.
Ama’i Nagri kasege, tamararunku ovesinte, avesinte hiho. Nagrama, tamagri’ma navesi tamante’noa kna hiho.
Mago’mo’ma rone’agu avesinteno, agra asimuma atreno frisimo’a, tusi’a ugota hu’nea avesiza huzmerigahie.
Ana mika zampina nagra ko hurameri’noe, anahu’ma huta hanavetita eri’zama erisazana, hanave’a omane vahera aza nehuta, Ramofo Jisasinkere tamagesa antahiho. Agra’a anage hu’ne, Ami’zamofo asomumo’a, eri’zamofona agatere’ne hu’ne.
Poli’ma ana nanekema huvama nereno’a, agra renareno zamagrane nunamu hu’ne. Anampina zamagra tusi zavi’ate’za Polina anankempi azeri anuki’za antako hu’naze. Kema huno mago’ene onagegahaze hu’nea kegura, tusi zamasunku hu’naze. Nehu’za ventema me’nerega avare’za vu’naze.
Anumzamofo vahe’mo’zama mago’a zankuma atupa hanagetama, zamazama hanagura tro huta maniho. Onkenesnaza vahe’ma esnageta nontamifi kehuta zamavarenteho.
Ru vaheku antahizmisuna naneke
Hagi tamentinti zampima hanavema tinomota, hanavema oti’nesamokizmia zamaza hanune. Hagi tagra’ama taza huzankukera ontahisune.
Knazama oza aza hutma erinutma, Kraisi kasegea eri knare hugahaze.
Musufa ne’ma mani nesuno’a musufa oseno. Hianagi agra azampinti eri’za erino knare’zana erifore nehuno, zamagrazmi zamaza huga osu’nesaza nagara zamaza hugahie.
Tamagra zankera kegava osiho, hagi ru vahe zanena kegava hiho.
Amentinti nehuno, knare avu’ava osaniana, ana amentintimo amnezankna hu’zamofo nanake
Hagi nafuhetma, mago ne’mo’ma namentinti nehue nehuno, ana amentintima avu’avapima erinteno osaniana nankna azahu’za erigahie? E’inahu amentintimo’a aguvazigahifi? I’o. Magoke magoke knazupa mago negafu’o, negasaro’ma kukenaguro, ne’zankuma atupa hu’nenigenka, knareki vuo nagesa antahuana Anumzamo’a knare hugantegahie nehunka, knare kukena nehunka ne’zana negamu huo hunka hunentenka, atupama hunesiazama azama osnanana, e’i kemo’a inankna huno aza hugahie? Amentinti hu’zamo’enena e’inahu kna hu’ne, tamentinti nehune nehuta, avu’avapima erinteta osanunana, tamentintimo’a amne’zankna hugahie.
Hianagi iza’o ama mopafi afu feno ante’nesimo, amentinti nehia nefu’ma atupama hu’nenigeno negeno asuragi anteno azama osanigeno’a, nankna huno Anumzamofo avesi’zamo’a, e’inahu vahepina megahie?
Iza’o amunte omane vahe’ma knare avu’ava’ma hunentemo’a, Ra Anumzamofo anara hunente. Hagi agrama hania avu’avamofo avamente, mizana amigahie.
Na’ankure ana mopafina zamunte omne vahera manigahaze. E’ina hu’negu nagra ama nanekea hu’na, tamazana reonamagitma, rusuteta mopatamifima mani’nesaza zamunte omne vahera zamaza hiho.