35 Ngobe ndaka ndinahhala mukandipa zodliwa, ndaka ndinanyota mukandipa vula, ndaka ndilimwezi mukandiwamutjila mumizi yenyu, 36 ndakandiyenda mbudlo mukandimbadza, ndakandigwala mukandikumba, ndaka ndili mujele mukahha kundili.’ 37 Bakalulama banowhohandula beti, ‘He, kati takamubona lini munahhala tikamupa zodliwa, kene munanyota tikamupa vula? 38 Takamubona lini mulimwezi tikamuwamutjila mumizi yedu, kene mulimbudlo tikamumbadza? 39 Takamubona lini mugwala, kene muli mujele timukumba?’ 40 Mambo unowhohandula eti, ‘Lebeswa, ndoti kumuli, sekwamakayeta kuwumwe untukunu wemakamu angu iyawa, makakuyeta kundili.’ "

42 Ipa kene yani unokumbila kukuli, kakale usiwunlambile unohaka adzima kukuli, uwumpe."

16 Netjedza tjenyu ngatjipenye kubanhu, kuyetila kuti babone mihingo yenyu yakanaka kakale bape Tate benyu bakudzimu gudzo."

38 Ipani, namwi mowhopiwa bo; tjiyelo tjakanaka, tjakatshambidzigwa, tjikazunguziwa, tjitebukana, tjowhosiwa pamakumbo enyu. Ngobe tjiyelo tjamunowhopa natjo mowhoyelegwa bo natjo hha mobgwiliziwa."

10 Banhu bakawumbhuzwa ke beti, "Ngono titetjini."

11 Iye wakahandula eti, "Una zwiyambalo zwibili ngaape tjimwe kuna usina, unazodliwa ngathame bo ejalo."

33 Tengesani zwinhu zwenyu, mupe bahayi; muzwiwanile whomo dzisingahakale, dzefumwa yekudzimu isingame, kusina mbava ingasedzela, kene ntjenje ungapaladza. 34 Ngobe pana fumwa iyo, ndipo moyo uwo pawunowhogala uliko bo."

12 Iwhoyu ndiwo nlayo wangu, kuti mudane sekwandakamuda imi.

13 Akuna ludo gukulu kupinda igogu, kuti nhu apile butjilo gugwe ngentha yebakwinya babe.

35 Muna iko kose ndakamulakidza kuti ngehinga zwakasima wakafanila bhatsha ibabo banohaka bhatsho, ukumbula matama aHe Yesu, kuti wakati, ‘Pa kwakakombolegwa kupinda wamutjila.’ "

36 Wakati apedza lebeleka, akapfigama akatembezela kan’ompela nabo bose. 37 Bakalila bose bakagumbatila Phawuli bakawumputa, 38 bena buyendasi kwazo ngentha yetjaaleba, kuti abatjowhopamha bakawumbona kakale. Bakawumpelekedza bakanoswika kukepe.

13 Wahhani bayengemali; muzwipile tjengeta bezi.

1 Iswi bakasima takafanila sengela banyolonyolo mitolo yabo, kakale tisitongozwihanhisa.

2 Sengesanani bulemo, nethama mujalo mobamuhhadzisa nlayo waKhirisitu.

28 Mbava ngayisitjakwibe, koga ngayihinge, ihinge n’hingo wakanaka ngemaboko ayo, kuyetila kuti itubule bhatsha banohaya.

4 Umwe newumwe wenyu asigale akathaabalila zwinhu zwizwe koga, koga athaabalile zwinhu zwebamwe bo.

14 Kobhatshani ke, makamu angu, hapa nhu eti una bugalimoyo koga asina mihingo? Galamoyo kukwe kungawuntjidza? 15 Hapa limwe gamu lakapalukigwa kakale lisina zodliwa hhuba nehhuba, 16 umwe pakati kwenyu ekoti kulili, "Uyende zwakanaka, umbale udziyigwe kakale udle ugute," asawumpa zwinohakiwa nembili, kobhatshani? 17 Ndizo galamoyo tjekwako, hapa kusina mihingo, kwakafa.

17 Koga hapa umwe nhu akafuma muhango ebona gamu lile lidziyila, koga esingaliwhile ngoni, ludo gweNdzimu gungaba munhu iwhoyo tjini?