Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Ng’hala na nzala mweye mungwaa ndiya, ng’hala na ng’hilu mweye mungwaa mazi, ng’hala mgeni mweye mumbokela mzing’anda zenu. Ng’hala mwazi mweye mumvaza, ng’hala mtamu mweye mwiza kundola, ng’hala ngodekigwe mkifungo mweye mwiza kundola.’
"Wanhu watendile goyolonda Imulungu omwidika, ‘Mndewa, kipindi gani tukona kuna nzala na tukugwaa ndiya, hebu kuna ng’hilu na tukugwaa mazi? Kipindi gani viukalile mgeni na tukubokela mzing’anda zetu, hebu viukalile mwazi na siye tukuvaza? Kipindi gani tukona mtamu hebu kugodekigwa mkifungo, twiza kukulola?’ Mndewa kokwidika, ‘Nowalongela fulu ipile, chochose kimumtendele imoja wa ndugu zangu awo weli wadodo, munhendela niye!’
Munhu yahakupula kinhu mgwee, munhu yahalonda kukukopa sambi umulemele.
Vivo ili kumwenu mweye, mulenge wenu uwamwemwesele wanhu wagone gaja ganogile gomtenda ili wamtogole Tataenu yeli kuulanga.
Muwagwee wayagwe, na Imulungu kowagwaa mweye. Na mweye mobokela kibaba kimemile na kusindiligwa mbaka vokwitika mmakono genu, na vose vonda mudahe kuvigoga. Avo, vija vimuwapimila wayagwe, Imulungu nayo kowapimila vivo."
Lunhu lwa wanhu lumuuza Yohana, "Avo tutende choni?"
Yohana kawedika, "Munhu yoyose yeli na viwalo vibili yamgwee kimoja miyage yelibule, na ija yeli na ndiya yatende vivo."
Chuuzeni vose vimulinavo na muwagwelele wakiwa zisente. Muitendele mikoba hailala, na muikile ngama yenu kuulanga. Ako hondaihunguke, kwavija kuduhu wabavi odaha kuhavika na kuduhu ng’hobo odaha kuibananga. Kwavija kuko kuili ngama yako, vivija kuko kondauwe moyo wako.
Lagizo jangu dijo dino, muinogele, muinogele kamba viniwanogele mweye.
Kuduhu unogelwa mkulu kubanza uno, wa munhu kuulava ugima wake mbuli ya mbwiga zake.
Niwalagusila kamba kwa kusang’hana ng’hani tolondigwa kuwataza wanyolile, kumbukeni mbuli ziyalongile Mndewa Yesu mwenyego, ‘Vinoga ng’hani kulava kubanza kubokela.’ "
Paulo viyamambukize kulonga avo, kafugama hamoja nao, kampula Imulungu. Wanhu wose wakala olila na kumulaga kwa kumuhagatila na kumnonela kwa unogelwa mkulu. Wakala wanyunyuwale kwavija kalonga honda wamone kabili. Avo wachola nayo mbaka kuna imeli.
Wagweleleni vinhu wanhu wa Imulungu walibule, na wabokeleni wageni kwa moyo unogile.
Wanogeze wayagwe siyo gweye mwenyego
Siye tumtamanila Imulungu kwa nguvu tuwataze waetu omtamanila Imulungu kwa kunyolila ili wadahe kufunga umoyo mna ukunyolila kwao. Sikututende gaja gotunogela siye twiiyeka.
Muitaze mna gamagayo, kwa kutenda avo mogagoga malagizo ga Kilisito.
Wanhu wose wakalile okwiba waleke na wasonge kusang’hana kwa makono gao, ili wakale kwa kutamaniligwa na wadahe kuwataza wakiwa.
Kila munhu sikuyalole kiyolonda mwenyego kiiyeka, lakini vivija yalole kiwolonda wanhu wayagwe.
Kutamanila na sang’hano
Ndugu zangu, vino munhu kopata choni yahalonga kana tamanilo lakini halagusa kwa kusang’hana? Vino tamanilo jake dodaha kumkombola? Tulonge mkulu wako hebu lumbu jako kabule viwalo hebu ndiya. Vino chofaya choni mweye kuwalongela, "Gendeni moyo uholile mkote moto na kwiguta," lakini hamuwagwaa vija vilondigwa kwa ugima wao? Vivo ili, tamanilo bila sang’hano difa.
Kamba munhu yoyose kana vinhu va mwiisi ino, abaho kamona ndugu yake kabule kinhu chochose na hamonela bazi bule, vino kodahaze kulonga komnogela Imulungu?
Yomtaza mkiwa komkopesha Mndewa Imulungu,
Imulungu komuliha kwa unogelwa wake unogile.
Kwavija wanhu wakiwa na waja welibule kinhu hawaswela bule mwiisi, avo nowalagiza muwe na moyo unogile kwa ndugu zenu welibule kinhu na waja weli wakiwa mwiisi yenu.