1 "Wandununza ng'hani toka muubwanga wangu,"

Waizilaeli walonge sambi,

2 "Wandununza ng'hani toka muubwanga wangu,

lakini hawanihumile bule.

3 Wanilumiza mumgongo wangu,

kamba walimaji ohimba miloka mitali.

4 Lakini Mndewa Imulungu mwene haki,

kanilekesa kulawa muutumwa."

5 Wageligwe kinyala na wabwezigwe kuchugu,

wose odihila buga da Sayuni.

6 Wawe kamba usoti uchanha ya ng'anda,

onyala bila kukangala,

7 imunhu youkanha hamemeza ganza jake,

na heyo youkuba hamemeza mkono wake.

8 Waja obita behi hawalonga,

"Imulungu yakutende umwede.

Tokutambikila kwa twaga da Mndewa Imulungu."