Zabuli 114

ZABULI YA 114

1 Wanhu wa Izilaeli viwasegele Misili,

iwanhu wa ulelo wa Yakobo viwasegele mwiisi ya ugeni,

2 Yuda iwa kae ing’ala ya Imulungu,

Izilaeli iwa hanhu hake mwenyego.

3 Bahali igona gago ikimbila,

lwanda lwa Yolidani luleka kukilima!

4 Vigongo vizumha kamba ng’hondolo mbigalo,

visugulu vizumha kamba wana ng’hondolo.

5 Gweye bahali iwaze mbaka kokimbila?

Na gweye Yolidani habali koleka kukilima?

6 Mweye vigongo, habali muzumha kamba ng’hondolo mbigalo?

Na mweye visugulu, habali muzumha kamba wana ng’hondolo?

7 Gwaya gweye isi yose kuulongozi wa Mndewa,

gwaya kuulongozi wa Imulungu wa Yakobo,

8 heyo kadikwasa dibwe diwa lamba da mazi,

na dibwe dala diwa mbwibwi ya mazi!