1 Go Imulungu, unitaguse,

nigombele mbuli ya iwanhu wa isi hawamdumba Imulungu,

unikombole na iwanhu wavizi na wehile.

2 Gweye kwa Imulungu ngome yangu.

Habali kunilema?

Habali nigendelele kuiyalala nahoneligwa na iwanhu onihila?

3 Nitumile mulenge wako na kweli yako vinilongoze,

vinigale mbaka kulugongo lwako lung'ala,

mbaka hanhu houkala.

4 Abaho nochola kuupango wa nhosa wa Imulungu,

heyo konigwaa deng'ho na konitenda niseke.

Nokushukulu kwa bango gweye Imulungu, Imulungu wangu.

5 Loho yangu habali konyuluka,

Habali kuhomba mgati yangu?

Mtamanile Imulungu,

kwavija niye nomtogola kabili,

heyo ayo mkombola wangu na Imulungu wangu.