1 Wamweda iwanhu wose omdumba Mndewa Imulungu,

waja okala kwa kukweleleza malagizo gake.

2 Koja matunda ga sang'hano zako

kodeng'helela na kumweda.

3 Mwehe wako kokuwa kamba mzabibu ulela matunda mwiing'anda yako,

wanago okuwa kamba mizukila ya mizeituni oizunguluka meza yako.

4 Ona kuno ako ukumweda kwa munhu yomdumba Mndewa Imulungu.

5 Mndewa Imulungu yakutendele ganogile kulawa Sayuni,

ugone ganogile ga Yelusalemu siku zose za ugima wako.

6 Uwe mgima mbaka wone wazukulu zako.

Tindiwalo dikale na Izilaeli.