Zabuli 110

ZABULI YA 110

(Zabuli ya Daudi.)

1 Mndewa Imulungu komulongela Mndewa wangu,

"Kala umwambu wa mkono wangu wa ukudila

mbaka niwatende iwanhu okwihila kigoda cha kwikila magulu gako."

2 Mndewa Imulungu koweneza undewa wako kulawa Sayuni,

uwatawale hagati ya wose okwihila gweye.

3 Wanhu zako okwizila kwa kulonda wenyego siku yako ya ng’hondo.

Kuno kuvala viwalo ving’ala,

wabwanga zako okwizila kamba tungwe da imitondo.

4 Mndewa Imulungu kaiduwila na hagimbula bule,

"Gweye kwa mulava nhosa milele,

muulava nhosa wa Melikizedeki."

5 Mndewa ka umwambu wa mkono wako wa ukudila.

Kowahonda wandewa siku ya kugevuzika kwake.

6 Kowatagusa wanhu wa isi zose,

isi yose yomema mitufi ya wanhu wadanganike,

kowahonda iwakulu kila hanhu mwiisi.

7 Mndewa kong’wa mazi ga lwanda mnzila,

na kokwinula pala jake kwa mhumo.