1 Kulawa mmagazo gangu,

nokulilila go Mndewa Imulungu.

2 Go Mndewa Imulungu, uihulike sauti yangu,

magwiti gako gahulike kupula kwangu.

3 Go Mndewa Imulungu, maza gweye ugapetile gehile getu,

Go Mndewa, nani yahadahile kwima kuulongozi wako?

4 Lakini kumwako kuna kugela kumgongo,

ili gweye udumbigwe.

5 Nombeta Mndewa Imulungu,

loho yangu yombeta heyo,

mna imbuli yake notamanila.

6 Loho yangu yombeta Mndewa,

kubanza wakalizi viwobeta imotondo ivike,

ona, kubanza wakalizi viwobeta usiku uche.

7 Gweye Izilaeli mtamanile Mndewa Imulungu,

kwavija kwa Mndewa Imulungu kuna unogelo hawishaga,

na kumwake kuna ugombola mkulu.

8 Heyo kowagombola wanhu wa Izilaeli,

na nzambi zao zose.