1 Go Mndewa Imulungu, Mndewa wetu,

twaga jako kulu mwiisi yose!

Gweye kwika ukulu wako ako uchanha kuulanga.

2 Mmilomo ya wana na ving'hele kuikila ngome kwa awo okwihila,

kuwatenda wanyamale awo okwihila na awo okulema.

3 Nahaulola ulanga wako, ayo isang'hano ya vidole vako,

mbalamwezi na nhondo avo viwikile,

4 munhu ayo nani, mbaka umgelegeze?

Mwana wa munhu ayo nani, mbaka umulole goya?

5 Kumtenda mdodo kubanza iwasenga wa kuulanga,

na kumvaza ukulu na nhogolwa.

6 Kumtenda yaitawale sang'hano ya makono gako,

kuvika hasi ya magulu gake vinhu vose,

7 ng'hondolo na ng'ombe,

na vivija iming'onyo ya kumuhulo,

8 iwandege wa kuulanga na somba wa mbahali,

na vose vikogelela mbahali.

9 Go Mndewa Imulungu, Mndewa wetu,

twaga jako kulu mwiisi yose!