Zabuli 53

ZABULI YA 53

(Zabuli ya Daudi. Kwa kilanja, yatumie modeli wa Mahalati.)

1 Mbozi kolonga mmoyo wake,

"Kuduhu Imulungu."

Wose wanangika,

otenda gaja gogevuza,

haduhu hata imoja yotenda ganogile.

2 Imulungu kowasungulila iwanhu hasi kulawa kuulanga,

kolola kamba hana munhu kana nzewele,

na komzahila Imulungu.

3 Kila munhu kahindukila kutali,

wabanangika wose hamoja,

haduhu hata imoja yotenda ganogile,

ona! hata imoja haduhu.

4 Vino, iwanhu otenda gehile hawajuwa bule?

Owaja iwanhu zangu kamba munhu yoja gate,

na hawamgesa Imulungu.

5 Avo ogwaya kwa bwembwe,

hata kamba haduhu kinhu cha kudumba.

Imulungu kaipwililisa imizege ya iwanhu wakuvamile,

gweye kowatenda wakone kinyala,

kwavija Imulungu kawabezeli.

6 Maza ukombola wa Izilaeli wize kulawa Sayuni.

Imulungu vonda yawabweze iwafungwa wa wanhu zake,

Yakobo yadeng’helele,

Izilaeli yasekelele.