1 Mwimbileni Mndewa Imulungu lwila lwa sambi,

kwavija katenda sang'hano za unzonza.

Mkono wake ung'ala umgalila mhumo,

mkono wake mwenyego wene nguvu.

2 Mndewa Imulungu kaugubula ukombola wake,

mgameso ga iwanhu wa isi zose kaigubula haki yake.

3 Kaukumbuka unogelo wake hawishaga na kutamanilwa kwake kwa ng'anda ya Izilaeli.

Kose kuihelela isi wawona ukombola wa Imulungu wetu.

4 Isi yose imdeng'helele Mndewa Imulungu,

inuleni sauti imbeni kwa deng'ho, imbeni lwila.

5 Mtambikileni Mndewa Imulungu lwila kwa bango,

imbeni kwa bango na kwa sauti ya lwila.

6 Kwa mhalati na ng'ombe sugu.

Deng'heleleni kuulongozi wa Mndewa Imulungu yeli Mndewa.

7 Bahali ibume na vose vikalaga mumo,

isi yose na awo okala mgati yake.

8 Vizanda vitowe makofi,

vigongo vimbe hamoja kwa deng'ho,

9 kuulongozi wa Mndewa Imulungu,

yokwiza yaitaguse isi yose.

Koitagusa isi yose kwa haki,

na iwanhu wose wa mwiisi kamba viilondigwa.