Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
दानाङभन्या ङा ङाकरेऊक, जे ङाजन ज्यान्या जेयाङचिऊ। ङा री ङाओहौक जे ङाजन री ओव जेयाङचिऊ। ङा परदेसी ङाल्ङु, जे ङाजन बाई जेयाङचिऊ। जब बिनाक्वा ङाल्ङु, जे ङाजन क्वा जेक्वाटङचिऊ। नाएबोरस्यु ङाल्ङु, जे ङाजन जेखिमराङचिऊ। कैदल ङालेङु, जे ङाल्योङ जेरांचिऊ।’" "तब धर्मियाङै ओलजन जबाक यांन्या लेरा, ‘औ प्रभु, खक गे नङजन नकरेन्या गेरङसिनु, ओटन ज्यान्या गेया:सिनु? अथाबा नओइन्या गेरङसिनु, ओटन ओव गेया:सिनु? खक गे नङजन परदेसी गेरङसिनु, ओटन नङजन गेझिमल बाई गेया:सिनु? अथाबा बिनाक्वा गेरङसिनु ओटन क्वा गेक्वाएसिनु? ओटन खक गे नङजन ननाएबोरन्या अथाबा कैदी गेरङसिनु, ओटन नल्योङ गेडोएसिरायिउ?’"
"तब रयले नकाङजन जबाक आयोवाङ, ‘ङा मछ्यु, जेजन ऐढाच्या, जे आका ङा भाईयाङ मध्य सोगलैभन्या इङन्याङतन तोलोअजन ज्वाए सम्भार जेढोचिऊ, ना जे ङाजन जै जेढाङन्या हो।’"
जेसकाए नीन्याङजन योंचिरते, ओटन जेसकाए साहूरिन रोअन्याजन अहअ ताढोचिर।
ऐलेस्युजै रुयाङल सामन्दी जे ज्योति ग्याचम्कित्या, ओटन नकाङै स्वर्गल लिज्यान्या जे बौल महिमा ग्याढोरत्या।
ङा आग्या ईकाइ ज्या, कि ङा जेजन जोमनलेस्यु प्रेम ङाढाचिऊ, जे बै तोलोअले-छुट्टैजन नैलेस्युजै प्रेम ढोचिते।
ज्योङ न्हाएयाङल नाल्ट ज्योङ परान अर्पन ढाऔ भन्या प्रेम ढान्या याए घिन्या अपुर नैज माताइदी।
ङा जेजन सोगलै छेनल उदाहरन यांस्युई नाएच्या, कि जे बै ऐलेस्युईज बअ परिस्रम ढास्यु गरिबयाङजन व्एचिर। प्रभु येशुल बचन यांका नाएचिते, कैलेस्यु ओले ओलजै ऐलेऊ, कि ‘होनन्यातन यांन्या अझै बअचान्या हो।’" आवाए ऐलेस्यु नकाले घुन्डा आटिकिउ ओटन नकाङ सोगलैस बोलोङ प्रार्थना आढोव। ओयाङ सोगलै व्रवाङ, ओटन पावलजन हमोअस्यु रांम्वाहौ। ओटन बिदा रांढोव। नकाङै फरि खकै नकाल हां रङन्या मालरदी ऐलेस्यु पावलले आपानन्या छेनल नकाङै भ्याई दुखी ताइवाङ। ओटन नकाङले ओजन रीजाहसल रासटापौ।