Ajuda ao próximo

35 चिचालानाना ङा टोपा ततबा होतो, खि ङाला ङ्योप्पा पिनसोङ। ङा खा कोकोमा होतो, खि ङाला थुङयापयि चाला छ्यु पिन्सोङ। ङा फि देशयि मिना, खि ङाला ढोम्बोला पोरसोङ। 36 चेपटाका होतो, खि ङाला कोहिला कापसोङ। नाप्पा होतो, खे ङाला तारु लेप्सोङ। झ्यालला होतो, खे ङाहि तेहा लेप्सोङ।’" 37 "तेहि केवाकिङानतेबे खोला जवाक नाइसोङ, ‘हे प्रभु, जब ङि ख्योएला टोपा ततबा थोङदे, राङ सायाप पिन्दे? अर्थात खा कोकोमा थोङदे, राङ थुङयापयि चाका छ्यु थुङयापयि चाला पिन्दे? 38 जब ङि ख्योएला फियि मि थोङदे, राङ ख्योएला खिमला ढोम्बोला पोरते? अर्थात चेपटाका थोङदे राङ कोहिला कापते? 39 राङ जब ङि ख्योएला नाप्पा राङ झ्यालला थोङदे, राङ ख्युइ तेहा तारु लेप्ते?’" 40 "तेहि क्यालबुइ हतिबाला जवाक पिन्दे नाङान ना, ‘तेम्बारे, ङा खेला नाज्याइ, खि धि ङाहि भाइबे नाङने पोरोले छ्युवा च्यिला चोम क्याइ, हति खि ङाला राङ क्याक्याइबा ना।’"

42 ख्योएला लोङानला पिन, राङ ख्योएने पुलेन खेर सोम किङानला मितेर माना।

16 हति च्वरा क्याइरे खि होए मितेबे धुनला होए भाभारा होङ वार सह, राङ हतिबे खि किप्पोयि मिजे थोङोङ, राङ तेङलाला होएता खि आकेयि छे तेयोङ।✝

12 "ङाहि आदेश धि राङ ना, कि ङाहि खेला च्हिरु क्याइरे करि क्याइरे, खि याङ चिकि चिला हति च्वरा क्याइरे करि कि।"✝

13 रेँ रुवायि चाला रेँ उ तेरच्याइले छेया करि स्यान सुवाङ मिहा।

35 ङाहि ताम पोरोला ख्योएला उदारण पिपिना होए, कि ख्युइ याङ धि च्वरा तुका क्याइरे सोरे मेतातेबाला रुवा किकोइ हुन। प्रभु येशुयि वचन टाम्बाला पोर, च्हिरु क्याइरे खो कुँरि नानाइबा धुइ, कि ख्योङयापले याङ तेरयाप चोम ल ना।" 36 होचोम नाइरे ख्युइ पुइमु चुसोङ राङ हतिबा पोरो ङ्याबो मोनलाम क्यापसोङ। 37 हतिबा पोरो ङुइसोङ, राङ पावलला क्यालच्यामु क्यापते पा च्यारसोङ। 38 हतिबे याङ नामयाङ ख्युइ च्ये थोङान मानाना नाइरे पावलयि नानाइबि तामला हतिबे लेइराङ बैरा क्याइसोङ। तेहि हतिबे खोला डुङगा थु क्यालसोङ।