Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
काहे का मि भुखो होतो अना तुमी ना, मोला जेवन दियो अना जबा मि तहान होतो, ता तुमी ना मोला पानी पिलायो अना मि परदेसी होत्यो, अना तुमी ना मोला आपरो घर मा रुकवायो। मि नंगा होतो, अना तुमी ना मोला झंगा दियो, अना मि बीमार होतो अना तुमी ना मोरो सुधि लियो अना, मि जेल मा होतो अना तुम मोरो लक भेटन आयो’। "
"तबा नेक मानूसगीन ओला जवाब देहेत, ‘हे पिरभु आमी ना कबा तोला, भूखा चोयो अना जेवन दियो अना कबा, तु तहान होतो अना हमी ना पानी पिलायो। आमी ना कब तोला परदेसी चौयो, अना आपरो घर मा रुकवायो अना कब तु नंगरा होतो, अना हमीना झंगा दियो। आमी ना कब तोला बीमार चोयो अना जेल मा चोयो, अखीन तोरो लक भेटन आयो’।" तबा राजा उनला जवाब देहेत, "मि तुम लक खरो कहुसेउ, का तुमी ना मोरो यो नहान-नहान भाऊ गीन मा लक कोनी, एक को सँग करीसेव उ मोरो सँग, करीसेव"।
जोन कोनी तोरो लक मगे, वोला देजोस। अना जोन कोनी तोरो लक उधार लेनो चाव्हसे वोको लक टोन्ड नोको मोड़जोस।"
वोको च जसो तुमरो भी उजाड़ो मानूस को पुढा चमकेत, काहे का उ तुमरो भलो काम ला देख के तुमरो बाप की सरग मा बड़ाई होहेत"।
देवो तो तुमला भी दियो जाहेत, लोकगीन ठुस-ठुस के गजब, तुमरो आचर मा डाखेत। काहेकि जोन नाप लक तुम नापिसेव, वोच लक तुमरो लाय नापयो जाहेत।
तबा लोग गीन योहन लक पुसयो," तो हमि काजक करबीन?"
तबा वोना जवाब दियो, "जोको कना दोन कुरता से, वोला देदो, जोन को कठा नहाती, अना जोन को कठा जेवन को सेत, वो भी वसोच करयेत।"
सरग म धन
"आपरो धन-सम्पती बिक देव अना दान कर देव, अना आपरो कना असो पियुसी राखो, जोन जूनो नही होवासे, मजे सरग मा असो धन जमा करो जोन कमी नही होवासेत अना जोन को जवर चोर नही जावासेत, अना किड़ा काही बिगाड़ सकत। काहे का जहा तिजोरी मा तुमरो धन से, वहाच तुमरो मन लगो रव्हेत।"
मोरो हुकूम यो से की जसो मीना तुम्हि लक माया राखीसेऊ, वसोच तुम्हि भी एकमेक लक माया राखो।
एको लाई मोठो माया कोनतो से?का कोनी आपरो संगी को लाई आपरो जान देदे?
मी न आपरो हरेक काम लक बतलायो। का महेनत करतो हुयो कमजोर गीन ला सम्भालनो। अना पिरभू यीसु को बचन ला हेत राखनो जरुरी सेत जसो वोना खुदच कहिसेत ‘लेवनो लक देवनो धन्य से।’"
असो सांगके टोंगरा टेकके सब झन पिराथना करीन। तबा वय सब रोईन अना पौलुस को गरो ला धरके वोला भेटन लगीन। वय खासकर यो गोस्टी लक दुखित होतिन का पौलुस ना असो कह्यो होतो का तुमला मी अबा कभीच नही भेटिन। तबा सबा लोकगिन वोला जहाज तकन पहुचाइन।
पवीतर लोकगीन ला काही चीज को जरुरत हो उनला हिस्सादार बनावो, पोहनाई करनो मा लग्यो रव्हो।
हमेसा दुसरो को हित करो
अमी जोन आतमिक रूपमा ताकतवर सेत। उनला कमजोर लोक गिनको सहनो पाहिजे। अमी बस आपरो आपला खुस नोको करो।
असो बोझ लक मोसे को नियम मा एक दुसरो की मदद करबीन अना येने रिती लक मसीह को हुकूम पूरो करबीन।
जो चोरी करनवालो से मंग चोरी नोको करेत, पर आपरो हात लक मेहनत करेत खुदच आपरो हात लक कोनी काम, जेकोलक जरुरत मा पड़यो हुयो ला देवनको लाई ओको कठा काही होहे।
हर एक आपरो हित को नही, पर दुजो को हित को भी चिन्ता करेत।
भरोसा अना भलो काम
अगा मोरो भाऊगीन, अदि कोनी मानूस कव्हसे का उ बिस्वासी से ता एको का नफा? जबा तकन का ओको काम बिस्वास को जसो नहोत। असो बिस्वास का ओको सूटकारा कर सकासे? अदी भाऊहुन या बहिनीहुन ला कपरा को पायजे, उनको जवर खान तकन को नहोत। ता तुमरो ओन्हीसीन कव्हनो यो बेस से, का परमेस्वर तुमला आसीरवाद देहे सांती लक रव्हो! गरम-गरम कपरा घालयो अना भरपेट खावहो। लेकिन तुमी उनला जरुरत को चीजहुन ला नही देसो ता का नफा ऐना पिरकार लक अदि बिस्वास, काम को संगा नाहती ता उ आपरो आपच मा मरयो हुयो से।
पर जोन कोनी को जवर संसार को धन से अना आपरो भाऊ ला कंगाल दिसके ओको पर दया खावनो नही चाहे, ता ओमा परमेस्वर को माया कसो बनो रव्ह सकासे?