Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
ಮಿ ಭುಕ್ಕೊ ವ್ಹತೊ ಮನೆ ತುಮೆ ಅನ್ನ ದಿದ್ಯಾ; ಮಿ ತರಕ್ಹೊ ವ್ಹತೊ, ಮನೆ ಪಿವಾನೆ ಪಾನಿ ದಿದ್ಯಾ, ಮಿ ಪರದೆಶಿ ವ್ಹತೊ ಮನೆ ತುಮೆ ರ್ಹವಾನೆ ಜ಼ಗಾ ದಿದ್ಯಾ. ವಣ್ಣಾ ನೈಸೊವಾಲೊ ವ್ಹತೊ ತುಮೆ ಮನೆ ವಣ್ಣಾ ಘಾಲ್ಲಿವಾನೆ ದಿದ್ಯಾ. ಮಿ ಅರಾಮ ನೈಸೊ ವ್ಹತೊ ಮನೆ ತುಮೆ ಜ಼ತ್ತನ ಕರ್ಯಾ, ಮಿ ಜೆಲ್ಮಾ ವ್ಹತೊ, ತುಮೆ ಮನೆ ದೆಕಾನೆ ಆಯಾ, ಕೈನ ಕವಸ.
ತೆ ವಾತೆ ಕ್ಹರಿಕ್ಹು ರ್ಹಯಲವಾಲಾ, ಕರ್ತಾ, ಕೆಳಾಮಾ ಹಮೆ ತು ಭುಕ್ಕೊ ರ್ಹತಾಮಾ ಅನ್ನ ದಿದ್ಯಾ? ತು ತರಕ್ಹೊ ರ್ಹತಾಮಾ ಹಮೆ ಪಾನಿ ಪಿವಾನೆ ದಿದ್ಯಾ? ಕೆಳಾಮಾ ತು ಪರದೆಶಿ ವ್ಹತೊ ಕೈನ ಹಮೆ ತುನೆ ದೆಕಿನ ಆಸ್ರೊ ದಿದ್ಯಾ? ತಾರಾ ವಣ್ಣಾ ದೆಕಿನ ಹಮೆ ಕೆಳಾಮಾ ತುನೆ ವಣ್ಣಾ ಘಾಲ್ಲಿವಾನೆ ದಿದ್ಯಾ? ಕೆಳಾಮಾ ತು ಅರಾಮನೈಸೊ ದಡ್ಯೊತೊ ವರಿ ಕೆಳಾಮಾ ತು ಜೆಲ್ಮಾ ವ್ಹತೊ ಹಮೆ ಕೆಳಾಮಾ ತುನೆ ದೆಕಾನೆ ಆಯಾತಾ, ಕೈನ ಪುಚ಼್ಚಸ.
ತೆ ವಾತೆ ರಾಜೊ಼ ಆಂ ಮಾರಾ ಭಾಯೊಮಾ ಯಕ್ಲಾನೆಬಿ ಸುಸು ಕರ್ಯಾಸ ತೆ ಕ್ಹಾರು ಮಾರಾ ಕ್ಹಾತೆ ಕರಲನಿಂಗತ ವ್ಹೈ ಕೈನ ಕ್ಹರಿಮಾಜ಼ ಕೌಸ ಕೈನ ಕವಸ.
ಕಯೊಬಿ ತುಮೊಕನ ರ್ಹಯಲ ಸುಬಿ ಪುಚ್ಯೊಮ, ತಿನೆ ದಿವೊ. ತುಮೊಕ್ಹು ಸಾಲಾ ಮಾಂಗಿಲಿವಾನೆ ಆಯಲವಾಲಾನೆ ದಿದ್ಯಾವಾಚಿ ರ್ಹವೊ ನಕೊ.
ತಿನಾ ಲಿಂಗತ ತುಮೆ ಮನಕ್ಹೊನೆ ಉಜಾಲು ಥೈನ ರ್ಹೌ. ಇಮ್ಮ ತ್ಯುನೆ ತುಮಾರಾ ಚೊ಼ಕಾ ಕಾಮೊ ದೆಕಿನ ಸ್ವರ್ಗಮಾ ರ್ಹಯಲ ತುಮಾರಾ ಬಾನೆ ಸ್ತುತಿ ಕರಾದೆ.
ಬಿಜಾ಼ವೊನೆ ದಿವೊ, ಕ್ಹುದಾ ತೆಳಾಮಾ ತುಮೊನೆ ಬಿ ದಿವಸ. ಚೊ಼ಕಿ ಅಳತಿ ಕರಿನ ದಾಬಿನ ಹಲೈನ ಪಡೆನಿಂಗತ ತುಮಾರಾ ಖೊಳಾಮಾ ಘಾಲಸ ತುಮೆ ಅಳತಿ ಕರಾನಿ ಅಳತಿಕ್ಹುಜ಼ ಕ್ಹುದಾ ತುಮೊನೆಬಿ ಅಳತಿ ಕರಿನ ದಿವಸ ಕದ್ಯೊ.
ತಿನಾ ಹುತಿ ಮನಕ್ಹೊ"ಹಮ್ನಾ ಹಮೆ ಸುಕರಿಯೆ? ಕೈನ ಯೊಹಾನೆನೆ ಪುಚ್ಯಾ. ಯೊಹಾನ, ತ್ಯುನೊನೆ "ತುಮೊಕನ ಬೆ ಅಂಗ್ಡಾ ರ್ಹಯಾಮ, ವಣ್ಣಾ ನೈಸೊ ವಾಲಾನೆ ಯಕ್ಕ ಅಂಗ್ಡು ದಿವೊ. ತುಮೊಕನ ಅನ್ನ ರ್ಹಯುಮ, ತೆ ಅನ್ನ ವಾಟಿನ ಖಾವೊ "ಕದ್ಯೊ.
ತುಮೊಕನ ರ್ಹಯಲ ಆಸ್ತಿ ಇಕ್ಕಿನ,ಇಕ್ಕಿನ ಆಯಲ ದೊಕ್ಡಾ ತ್ರಾಸ್ಮಾ ರ್ಹಯಲ ಮನಕ್ಹೊನೆ ದಿವೊ. ಎ ಲೊಕಮಾ ಸೌಕಾರತನಾ ಹಮೆಶಾ ರ್ಹತಿ ನೈ. ತಿನಾಹುತಿ ಹಮೆಶಾ ರ್ಹವಾನುಜ಼ ಗಳ್ಸಿನ ಮ್ಹೆಲೊ. ಹಾಳ ನೈ ಥಾವಾನು ಆಸ್ತಿ ಸ್ವರ್ಗಮಾ ಗಳ್ಸೊ. ತೆ ಆಸ್ತಿನೆ ಚ್ವಟ್ಟಾ ಚೊ಼ರಿ ಕರತಾ ನೈ ವರಿ ತಿನೆ ನುಶಿಯೊ ಲಾಗ್ತಿಯೊ ನೈ. ತಮಾರಿ ಆಸ್ತಿ ಕಿಜಾ಼ ರ್ಹವಸ ತ್ಯಾಜ಼ ತುಮಾರು ಮನಸ ರ್ಹವಸ.
ಮಿ ತುಮೊನೆ ಮಯಾ ಕರಲ ನಿಂಗತ ತುಮೆ ಯಕ್ಕನೆ ಯಕ್ಕ ಮಯಾ ಕರು ಕವಾನು ಮಿ ತುಮೊನೆ ದಿವಾನಿ ಆಗನ್ಯಾ ವ್ಹೈ.
ದೊಸ್ತೊನಾ ಹುತಿ ತಿನು ಸ್ವಂತ ಜ಼ಲಮ ದಿವಾನಾ ಮಯಾತಿಬಿ ಬಿಜಿ ಮಯಾ ಕೈಜ಼ ನತ್ತಿ.
ಕ್ಹಾರಿ ವಿಷಯಮಾ ಮಿ ತುಮೊನೆ ವಾಟ ದೆಕಾಡ್ಯೊಸ. ತುಮೆ ತಿಮ್ಮಜ಼ ರಾಬಿನ ತಾಕತ ನೈಸೊವಾಲಾವೊನೆ ಮದತ ಕರು; ವರಿ; ಪಡ್ದಿಲಿವಾತಿಬಿ ದಿವಾನುಜ಼ ಹೆಚ್ಕಿ಼ ಆಶಿರ್ವಾದ ವ್ಹೈ, ಕರ್ತಾ ಥಯಲ ಯೆಸು ಕ್ರಿಸ್ತ ತೆಜ಼ ಕದಲ ವಾತೊ ಶೆ ಮ್ಹೆಲ್ಯು ಕೈನ ಕದ್ಯೊ.
ಎ ವಾತೊ ತ್ಯುನೆ ಕದಲ್ಪರ ಉಂದಾ ಗುಡ್ಗಾ ಘಾಲ್ಲಿನ ತ್ಯುನಾ ಕ್ಹಾತೆ ಪ್ರಾಥನಾ ಕರ್ಯಾ. ತ್ಯುನೆ ಕ್ಹಾರಾ ರೊಯಾ ತೆ ಥಯಲ್ಪರ ಪೌಲಾ; ತುಮೆ ಮಾರು ಮ್ಹೊಡು ಹಬ್ದಾತಾ ದೆಕ್ತಾ ನೈ ಕತಾಮಾ, ತ್ಯುನೆ ಕ್ಹಾರಾ ದುಖಿ ಥೈನ, ರೊತಾ ತ್ಯುನೊನೊ ಔಳ್ಗಿಲಿನ ತಿನೆ ಮಟ್ಟಿ ಲಿದ್ಯಾ. ತ್ಯುನೆ ಘನ್ನಾ ದುಖ ಕರಲಿನ ತೆ ಥಯಲ್ಪರ ತ್ಯುನೆ ಹಡಗಾ ಲಕ್ಕಾ ತಿನಾ ಕ್ಹಾತೆ ಗೈನ ತಿನೆ ಮೊಕ್ಲಿನ ಆಯಾ.
ಕಮಿಮಾ ರ್ಹಯಲ ಕ್ಹುದಾನಾ ಮನಕ್ಹೊನೆ ಮದತ ಕರೊ. ಅತಿಥಿ ಸತ್ಕಾರ ಕರೈಲಿವಾಲಾವೊನೆ ಹುಡಕೊ, ತುಮಾರಾ ಘರೊನೆ ಬಲಾವೊ.
ತಿನಾಹುತಿ ಬರೊಕ್ಹಾಮಾ ಕಮ್ಮ ರ್ಹಯಲವಾಲಾವೊನೆ ಕಮ್ಜೊ಼ರ ರ್ಹಯಲ ಮನಕ್ಹೊನೆ ಅಪೆ ತಡ್ದಿಲ್ಯು. ಅಪೆ ಕ್ಹಾಲಿ ಅಪ್ನು ಯಕ್ಕಜಚೊ಼ಕು ದೆಕಿಲ್ಯು ನೈ.
ತುಮಾರು ವಜ್ಜು಼ ಉಚಾವೊ. ಇಮ್ಮ ತುಮೆ ಕ್ರಿಸ್ತನಿ ಆಗನ್ಯಾ ಕ್ಹರಿಮಾಜ಼ ಕರೊ.
ಚ್ವಟ್ಟೊ ಚೊ಼ರಿ ಕರಾನು ಛೊಡಿನ ತೆಜ಼ ರಾಬಾದೆ; ತೆ ತಿನಾ ಹತೊ ಚೊ಼ಕು ಕರಾನೆ ಉಪಯೊಗ ಕರಾದೆ. ತೆಳಾಮಾ ಗರಿಬೊನೆ ಮದತ ಕರಾನೆ ತಿನೆ ಸಾಧ್ಯ ಥಾವಸ.
ತುಮಾರಾಮಾ ಹರಯಕ್ಲೊ ಕ್ಹುದಾಹುತಿ ದೆಕಿಲಿದೆ ವಾಚಿ ಬಿಜಾ಼ನಾಹುತಿಬಿ ದೆಕಾದೆ.
ಮಾರಾ ಭಾಯೊ ಭೆನೊ, ಯಕ್ಲೊ ತಿನೆ ಬರೊಕ್ಹೊ ಛೆ ಕೈನ ತಿನಾ ನಿಂಗತ ತಿಮಾ ಕ್ರಿಯೆ ನೈ ರ್ಹಯಾರೆ ಸು ಉಪಯೊಗ ವ್ಹೈ? ತೆ ಬರೊಕ್ಹೊ ತಿನೆ ವಚಾ಼ಡಸ ಸು? ತುಮೊಮಾ ಯಕ್ಲಾ ಭೈನೆ ನೈತೊ ಯಕ್ಲಿ ಭೆನನೆ ಘಾಲ್ಯಾನೆ ವಣ್ಣಾ ವರಿ ತೆ ದಿನ್ನನು ಅನ್ನ ಚಾ಼ಯೆ ಥಯಲ ವಕ್ಹತಮಾ, ತುಮೊಮಾನೊ ಯಕ್ಲೊ ತಿನೆ ತೆ ಕ್ಹಾರು ದಿದ್ಯಾ ಬಗರ ಸಮಾಧಾನಕ್ಹು ಜಾ಼ವೊ, ಆಗ ಶೆಕಿಲಿವೊ, ಪೆಟ ಭರಿನ ಕ್ಹಾವೊ ಕೈನ ಕದ್ಯಾಮ ಸು ಉಪಯೊಗ ವ್ಹೈ? ತಿನಾ ನಿಂಗತ ಕ್ರಿಯೆ ನೈಸೊ ಬರೊಕ್ಹೊ ಮರಲ ನಿಂಗತಜ಼ ವ್ಹೈ.
ಎ ದುನಿಯಾಮಾ ಸೌಕಾರ ರ್ಹಯಲ ಕುನಬಿ ಕೊರೆತೆಮಾ ರ್ಹಯಲ ತಿನಾ ಭೈನೆ ದೆಕಿನಬಿ ಮದತ ನೈ ಕರ್ಯಮ ತಿಮಾ ಕ್ಹುದಾನಿ ಮಯಾ ರ್ಹವಾನೆ ಸಾದ್ಯ ಛೆ ಸು?