Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Maktena maasiti; iktena ushiti; Irba sinna nittoki yaana irbasiti. Atatu kutina maysiti; mettena mamsiti; taatena yaara mamsiti.› Ookoni meya dey wolgire ekka usone: ‹Daamiiso ne makten biira aage maasiniso? Wedey ikten biira aage ushiniso? Irba sinna yeen aage neen irbasiniso? Wedey atatu kutifeen biira aage neen maysiniso? Metten wedey taaten aage neeki yaara mamsiniso?› Taatoos dey wolgire: ‹Futok nittok makefawungwa; zuuttambesiise asiistan ater sina han aytaasakitonisin isaasik zagiti bar taaktu zagitiwa› una.
Neekin shiiphefe barik imma; neekin liqonak sholefe barik kalataatawa.
Esiisimato asuni meya nitto ma’a wostooson biyere samaki abantiisin ulfinsusonek chaarefnitiis asu zuuttambaase asi sina chaarongwa» yi.
Imtiwa; nittok dey imtona. Safarera imti safareesik wolla nittok safartera imtona. Ma’a safarek tuumma tichera tiir’era woottonanneen safartera nittok imtonawa.»
Daraas dey Yohannisnin: «Eekin awu zagunirinso?» yire mamussesete.
Yohannis wolgire: «Hep maamba feena bar isaason maamba foontoosik imowa. Muuba feena bar muuba foontoosik bagge imowa» yi.
Nittoki fayiison kisira waagera tukamiisik imti. Wiis tai’sonoyna dimta, konymar muunoyna dimta, kur’unoy ha’matosi, ko’unoy otma den sama keer zuututi. Waagnitiis faanaasta nibnitiis dey esta foona.»
Ta ajajiis haniis: ta nittotin keeshtenaasimato nitto dey wal keeshtosotikwa.
Asu kaabaason zomobaasikwa iyaat aatire imaastan denalo keeshtana aafawa.
‹Ephpheteesefe basaastan imfe bar suustowa› yifa Daam Yesusni kaamanon safarok kushuniisik wostet hopini meyanon argasunik sholsu sinnamato showo ugnak nittok besifawungwa» yi. Es baron iyaat kaa’nere baassoneen shiiphe. Zuuttere akamanon waassere Phawulosnin idimme daamesete. Arkiron suumosonek zagiis «Hanneen ekalo taan aafa biyati wuza» yina boor’a. Estan merkebi diistefana dimaasta zoonsire geggesisete.
Amanynyi ayni meyanon rakobesisiisik argasuti. Irba sinne ye baassotin ephpha irbasuti.
Asuni Meyanon Girsu Sholsir
Amantok chim sina inno hopini meeni hopiyaason wor’aniktu sholsifatano inno teetniison girsunik aane sholsifawa.
Nittoossin isaas oomiisa faya ba’anon wor’owa; es barik Kiristoosni tumaason zagir sinati.
Zeemo wiiset fe bar hanneen ekalok wiisonaata. Es baristan tukamni meyak imana waagba foonak bar teetbaasik ma’a wosto sina baron wostowo.
Esiisimato asu isarba isarbaas basa teetak ke’ni wuzason koi’ba sinnoynaron oom asusik ke’ni wuzason safarowo.
Amantonewa Wostone
Aytaasakitono! Isa asu: «Amantona faar» iyaat es amantobaason wostok besu shakaanane basa amantoos awu ke’nirinso? amantobaas barin fatuk chimniroso? Mayone maamnewa muusone muune turukse ay wedey eet faasefaanane; Nittoossin isar: «Maar’on hamoti, nittok gumun; gawuti» iyaat muusone baron wedey atubesiista mayone baron ima shakaanane baassok awu ke’nirinso? Esiisimato wosto foonto amantoos teetbaasik kituwa.
Asu han daasta waagba feen rakkataasin biire kenashtonoy: «Ha’ooson shunfawungwa» uuk aakkak chimnirinso?