Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Pawccecize ka vuelaw lya looh nae dang oh, ka tuihaw lya tui nae niasah oh, mikhia lang ka tang lya innccong nae ua oh; Ka sasete ka um lya boeining nae pya oh, ka cci lya nae do-oih oh, thonginn ka um lya nae via oh,’ yn cipah cih hae. Miding hae nynh, ‘Bawipaw, hohtuh lya mou na vuelawpaw kae muih zah looh kae dang; na tuihawpaw kae muih zah nia lanpaw kae pya? Hohtuh lya mou mikhia lang na tangpaw kha kae muih zah kae inn kae thuasah; na sasete na um zah boeining kae pya? Hohtuh lya mou na ccipaw te thonginn na umpaw kha kae muih zah kae via?’ cite oun khung cih hae. Siapharan nynh, ‘Byaccaccing kae hopya oh, e ka uno hae kyaze adih huapaw lu kheit tungvaw na cyi oh paw miakaw tuh ka tungvaw na cyi oh paw nynh thua,’ a cipah cih hae.
Lukhakheit nynh nang ae ngiaku ze la pya, te lukhakheit nynh nang ae koii ry ze la kang nan.
Tuhawte nae awnaw kha ccungccaw hae malang khe awsah oh, tuhteze nynh ahoypaw nae ryalaw kha a muih cih hae zah vaawlang umpaw nae Paaw kha a phu-esah cih hae.
Ming hae kha pyabua oh lah, naemaw kha pyaru na thua cih oh; dydepyate, ryhpya biate, paepae leikuh lan nae by phe thua lan ae pyaru cih oh. Pawccecize na tounaw oh paw tounawpaw te naemaw kha toupya ru na thua cih oh," a cipya hae.
Ccungccaw zapi nynh Johan kha, "Tuhteze pawmou kae cyih cih?" cite a khia hae. Aning nynh minmin kha, "Angki zung ning a hoipaw nynh a hoi leipaw kha pyabua sah, looh a hoipaw nynh tuh-e hawte cyih sah," a cipya hae.
Na hoi oh paw kha zua oh lah, ryachi hae kha pyabua oh, apue kho leipaw phuabu kha raekuh oh, miruh nynh a thuanua kho leinaw te laehaw nynh a ro kho leinaw vaawlang khua khe athang kho leipaw sisua kha ccykuh oh. Pawccecize nae sisua umnaw kya nae thinlung mah a umbua cih.
"Ka kawbya tuh e hynh nynh thua: Kae nynh kae sungsah oh hawte nanning mah lu kheit te lu kheit sungsakuh oh.
Ccungccaw lu kheit nynh a ban hae hanlan a hiinnaw pyakupaw sungsakunaw laeze ale huapaw sungsakunaw tuh hum nynh sanmah hoi khyh.
Tuhcite atyn-are kya thawte ryalaw lan zah anyaa hae paw kha bawm lan hae cipaw tuh marya kae muihsah vae oh; Bawi Jesu nynh, ‘Muenaw kya laeze pyanaw kya hythuanaw a umhua,’ a cipaw bya kha la liathui oh," cite a hopya hae.
Paul nynh tuhte a ho koute a ccukharutung zah minmin balyn ryte saw a sang hae. Minmin balyn tuh thawmawte a rah hae; Paul kha pom hae zah a myng hae. Kae hynh nae muih vae lan khyh oh, cite a hopaw bya keiccuze mih ngae houh athah. Te Paul kha sanphalung kyacia a dohaw hae.
Mithyaa hae kha mih hobounaw kya la bawmbua oh; mikhia hae kha kou hoy lan la do-oih oh.
Thawsae hae paw aening nynh thawzya hae paw kya-e thawzyanaw kha ngaesang aho; ahmaw rynaw kha ccungku lanpaw thua khyh.
Lu kheit te lu kheit nae phupaw aripaw kha duekuh oh lah, tuhcite Khri kawbya kha na ccingsah cih oh.
Aruhpaw ccungccaw nynh kharouh ruh nan vae sah, thuasalama ahoboupaw ccungccaw kha pyabua lanpaw a hoi nawlan, amaw a kuih te ahoypaw ryalaw kha zuakute lah sah.
Nanning lu raveih nynh mawmaw thanenaw kyalya kha do leite ming hae thanenaw kha mah dobia oh.
Ka u te ka neitaw hae, ccungccaw lu kheit nynh zynnaw ka hoi a ci zemah cyisahnaw a hoi khyh ze pawmou athane? Tuh-e zynnaw nynh amaw kha a khum kho cih tou? Uno lu kheit tuhkhyhze ccianung lu kheit tuh boeining leite um zah nin takyh ae lanpaw looh hoi leite a um lanze, nanning lukhakheit nynh minmin kha, "Daebabi lan la cceih oh, nae khua la lung sah lah, nae vue la so sah," cite hopah hae zah, pyn hanlan ahopaw uccaw hae kha a pya khyh hae ze, pawmou athane? Tuhawte zynnaw mah cyisahnaw um leite, a makhaete tuh achihpaw nynh thua.
Thuasalama ccungccaw lu kheit nynh e laephi uccaw hae hynh mang a hoi pite a ryachipaw a uno kha muih zah ngaethyaumsahnaw a hoi khyh lanze, pawtemou Pachia sungsahnaw tuh tuh-e paw kya a um kho cih?
A ryachipaw tungvaw
thawccinaw a hoipaw tuh
Bawipaw kha uccaw
a koiisakuhpaw thua zah,
Bawipaw nynh phe ccing lan a sang cih.
Laephi vawlan aryachipaw ccungccaw tuh thang boi lan khyh, tukeiccuze kae nynh nanning kha, "Nae ram kya umpaw a ryachipaw te ahoboupaw nae innpaw hanlan nae kuihphe kha daw oh," cite kaw kae pya oh.