Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
Biyɔ botom, kwyɛlka bɛl bin dáa Klisto di ekwyɛl zɛɛga mendjaala ɛ, nyɛy batagwyɛ kɔ ɛsu ɛ tak.
Tin, mɛ ɛpebaabaal nɛ biyɔ botom, mot nɛ mot goka ɛ́ nɛ ɛkwyɛl myɛl dáa nyɛ di ekwyɛl nyel’ɛ met ɛ. Yɛ ɛ́ tyee wat nɛ boa mɛba, bi goka ɛ́ nɛ ɛduwal botom bin.
Deenek, botom goka ɛ́ nɛ ɛkwyɛl bɛl bɔɔ, dáa bɛ di ekwyɛl mɛnyel mɔɔ met ɛ. Mot di ekwyɛl myɛl ɔ, nyɛ kwyɛl ɛ́ nyel’ɛ met. Etɛɛ náá, mot tok nɛ ghwyil ɛbhina nyel’ɛ met. Tin, nyɛ nɛ be nyel’ɛ ɛnyɔɛpe, dáa Klisto di esa nɛ zɛɛga mendjaala ɛ.
Tin, nàsaka mɛkɔŋ, mot nɛ mot goka ɛ́ nɛ ɛlɛɛ etsɛɛtsɛ nɛ sɔ mot, etɛɛ náá, menabɛlka djas ɛ́ ekyes e nyel wat.
É ghɛŋ bi di nɛ ɛbuk ɛ, sa bi ààsyem. Ye goka ɛ́, ɛbuk ɛ len sila, ɛsok nɛ dwoo nɛ sila. Nàbetka náá, dim mot mɛkɔŋ be di tɔ len.
Deenek, sa mbee ɛkpa ɛ wat ààtuula tɔ nuub’en. Bi goka nɛ ɛlóo ɛ́ embɛɛ mɛkpa di ekwyee nɛ ɛdjɛ ghwyil nɛ bɛsɔ bin ɛ, mɛkpa mɛ di enyɔ nɛ bot ɛ di egwak bin ɔ.
Nàbaalka tɔ elyem bin ɛbuk kɔ ɛsu ɛ embee esonok bɛ nasa bin ɛ, sa bi ààkpaa elyem, sa bi aadi nɛ ɛbuk. Diska tɔ elyem bin, mɛwɔɔbela, mɛlee zɛnɔɔ membi mɛ esesɛɛ e mbee lyem djas. Dika nɛ mbɛɛ lyem nɛ ghwyikwyee pak’en, pelelka pak’en dáa Zɛɛb napel bin é ze ɛ Klisto ɛ.
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
É di’enek, bɛ tokapɛ bot ɛbá, bɛ aakadi ɛ́, bɛ moo mot ngɔt. Sa mot ààbɛk sa di náá, Zɛɛb eesɛɛg ɛ."»
Ye goka ɛ́ náá, bot djas duwal ɛba, tin ye baagoka ɛ́ náá, moma nɛ motom kɛ tɔ esosoob tɔ ɛba. Etɛɛ náá Zɛɛb ɛ waapɛ́ɛ bot ɛ mɛzɔ nɛ bot ɛ membyam.
Dáa ekeletyɛ di egoka nɛ ɛgyee sama ɛ
Biyɔ boa, loobaka nɛ botom bin, dáa di egoka náá, ye sael é mis ɛ Ghɛŋ ɛ. Yɛ kabɛ biyɔ botom ɔɔ, kwyɛlka bɛl bin, sa bi ààlyel elyem nɛ nɔɔ.
Daŋ-daŋ ɛ́ náá, kwyɛlelka pak’en, etɛɛ náá, kwyɛl ɛ di esa náá, bi di tɔ ɛgwakel ɛnyɔɛpe.
Beta náá, egwyem ɛ Klisto djɛɛd ebhum elyem bin. Etɛɛ náá, yɛ ɛ́ kɔ ɛsu ɛ egwyem binek ɛ Zɛɛb nadjóo bin, étɛp bi needi ekyes e nyel wat. Deenek, bulalka nyɛ bhɔɔ é mɛwala djas.
Bi moo ɛ́ bot ɛ edɛɛ ɛ Zɛɛb, nyɛ naazesɛ́ɛ bin nɛ ɛkwyɛl ɛ bin. Yɛ ɛ́ étɛp tak ɛ di náá, bi goka ɛ́ di nɛ mɛsila, nɛ lyem ghoŋ, nɛ enɛm esa, nɛ mɛtela zɛnɔɔ ɛmaad ɛ lyem. Djiselka pak’en, da bi ɛ́ pelel pak’en. Yɛ bɛ náá, mot ngɔt ɛ́ nɛ ndjɛ nɛ mɔɔ sɔ mot ɔɔ, dáa Ghɛŋ napel bin ɛ, nyɛy pe goka ɛ́ nɛ ɛpel mɔɔ sɔ.
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
Kwyɛl ɛ́ ɛmaad, kwyɛl ɛ́ ɛsa enɛm esa, kwyɛl tok nɛ zok, kwyɛl tok nɛ ɛbet, nɛghu ɛghɛa nyel. Kwyɛl ààsa etɛp e sen, kwyɛl ààsa ekaa, kwyɛl ààbiyo, kwyɛl tok nɛ ɛbuk tɔ lyem nɛ mot. Kwyɛl ààmyaala nɛ embee etɛp. Tin, nyɛ myaala ɛ́ nɛ etsɛɛtsɛ. Kwyɛl nɛ pel etɛp djas, kwyɛl nɛ myaal etɛp djas, nyɛ ɛ́ nɛ ɛbwaalel nɛ etɛp djas, nyɛ ɛ́ nɛ mɛghaaz tɔ etɛp djas.
Yɛ kabɛ bot ɛ zebaa ɔ, mɛ ɛpedjɛ ɛtiŋ ɛlak, ɛtiŋ ɛ tak tok yam, yɛ ɛ́ yii Ghɛŋ: yɛ ɛ́ náá, sa moma ààbo ɛba pak bɛ nɛ ngom. Tin, yɛ bɛ náá, moma eebo ɛba pak bɛ nɛ ngom ɔɔ, sa nyɛ ààbaani dhiiti ɛba sis. Yɛ di ààbɛ deenek ɔɔ, nyɛ koobal ɛba pak bɛ nɛ ngom. Tin, sa motom ààbo ɛba pak bɛ nɛ myɛl.
Motom goka ɛ́ nɛ ɛsa mɛsa djas motom di egoka nɛ ɛsa nɛ myɛl tɔ ndjaa ɛba ɛ. Yɛ ɛ́ tyee wat nɛ moma, nyɛy pe baagoka ɛ́ nɛ ɛsa nɛ ngom mɛsa djas moma di egoka nɛ ɛsa nɛ ngom tɔ djaa ɛba ɛ. Tin, moma tok nɛ ghwyil ɛdjɛɛd nyel’ɛ dáa nyɛ di ekwos ɛ, etɛɛ náá, nyel’ɛ ɛ́ yii ngom. Yɛ ɛ́ tyee wat nɛ motom, nyɛ tok nɛ ghwyil ɛdjɛɛd nyel’ɛ dáa nyɛ di ekwos ɛ, etɛɛ náá, nyel’ɛ ɛ́ yii myɛl. Sa mot àànyim sɔ nyel, yɛ di ààbɛ náá, bi gwakel ɛ́ étɛp ba mɔɔ ɛwala batsa kɔ ɛsu ɛ mendjaala ɔɔ. Da bhii tak bi ɛ́ bula ɛnyɔɛpe tɔ ɛba ɛ len. Yɛ di ààsael deenek ɔɔ, bi aanàbaabela ghwyil ɛmaad egwyes epuud. Deenek, Satan ɛ́ nɛ ghwyil ɛkwyesal bin tɔ mɛbhowal.
Sa bi ààsa dhiiti sonok nɛ lyem zok, sa bi ààsaa náá, bot duwal min men. Tin, bi goka ɛ́ nɛ ɛdi tɔ mɛsila, beeka náá, bɔɔ bɛsɔ bin eedhaa bin. Deenek, sa mot ààzokwyɛɛg nyel’ɛ nɛ nyel’ɛ met, ye nyɔ ɛ́ náá, nyɛ kwyɛɛg bɛsɔ bot.
Bi ɛ́ kobaka, sa mot ààbulal ɛbiyo nɛ ɛbiyo. Tin, gheesaaka ɛsa enɛm esa pak’en dɔɔ nɛ bot djas.
É di’enek, sa di ɛnyɔɛpe dhaa tyɛ ɛ, yɛ ɛ́ ɛkwyɛlel pak’en, etɛɛ náá, kwyɛl nɛ diyal mbula mesyem.