Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
Nau’u balasu ni dadalara ninga were’a ma tero sa’olo Kristus 'o dadalara 'Ai jama’ata, singadolo 'A sidoa’a 'Ai diri di’a ngowa’a 'U sisengene, la 'O sisalamata 'Ai jama’ata
Kalaha so’o gena, bu-bula’a gena-ge di’a ngini ḏi’i: Nau’u balasu 'o dadalara 'ai were’a ma tero sa’olo unanga 'o dadalara 'ai lese re were’a balasu mo silamo’o 'ami nau’u.
So’o gena ḏi’i, nau’u balasu ni dadalara ninga were’a ma tero sa’olo ni dadalara ninga lese masiretene. Unanga ga’a 'a dadalara 'ai were’a, ma duhu gena-ge unanga 'a dadalara 'ai lese masiretene ḏi’i, sababu matengo i’a mai ua 'a emono 'ai diri masiretene! Siḏibo ḏi’i unanga 'a kalesanga re 'a jaga, ma tero sa’olo Kristus 'a palihara re 'A jaga 'Ai jama’ata,
Sababu gena-ge, ioronongoḏu ngo-ngaku rimoi, awa ni sa-sakala. Siḏibo ḏi’i, ngini ni kanau balasu ba-banari matengo re matengo, sababu ngene mo-moini wo dadi bageanga-bageanga ra Kristus 'ai lese.
Awa ngini ni ruta, singadolo 'i dadi ḏosa. Re awa ni ruta singadolo wangere 'i jala, la awa ngini ni pula’a donga rimoi toma 'Iblisi di’a 'i sigasa ngini toma ḏosa.
Awa ni kanau demo ma jira, mada’a balasu ni kanau demo toma ngowa-ngowa’a lelegu mete’e manga paralu: demo-demo ga’a sigasa ri-riono re site’e manga 'akala re sinyingara, la na’o ngowa’a ya 'isene demo-demo gena-ge 'i sigasa ananga toma la-la ma dara.
Singi-ngiranga 'akala re sinyingara ma mamaḏi mo-moini. Ni porata re ni ruta awa, ni tolabe awa, ni do-doana awa, ni ma’u emono awa, bolo 'akala ma sanga 'i daene 'akala ua awa. Siḏibo ḏi’i, ngini balasu ninga 'akala re sinyingara lai rousu, ni ma’u dadalara re ma’u si’apongo matengo re matengo, ma tero sa’olo Ma Jou’ongu Madutu 'o singi-ngiranga ninga ḏosa sababu ni marimoi ra Kristus.
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
Dadi ananga 'aḏi dadi nga muḏiḏi riwara, mada’a raḏi dadi rimoi. Sababu gena-ge, 'oru ga’a Ma Jou’ongu Madutu ra sirimoi, manusia wa sito-tola’a yoḏu’u."
Ngini mo-moini balasu ni silamo’o molo’ara ma 'atoranga: Awa were’a bolo nau’u 'a’a tinikai. Sababu ngowa-ngowa’a ga’a 'aḏi 'a’a su-sudala re tinikai, ḏuanga i’a Ma Jou’ongu Madutu ya’u sihukumu.
'Ahu ma duhu toma ngitu re ngale ma dara
Ngini ngowa’a manga were’a! Ngini balasu ni ta’aloko taninga nau’u, sababu duhu so’o gena-ge 'i patasa di’a were’a ga’a ngowa’a ngaku Yesus.
Ngini ngowa’a manga nau’u! Ngini balasu ni dadalara ninga were’a re ni kasara awa taninga were’a.
Mo-moini gena-ge ma la-lamo’o ma re’u i’a: Ngini balasu ni ma’u dadalara. Sababu dadalara gena-ge 'i si’a’a ngini ni 'ahu marimoi ti-tiai. Ma Jou’ongu Madutu 'o sirimoi ngini ma tero sa’olo lese rimoi ḇato re 'o 'aro’o ngini ni tegoro toma lese gena-ge matengo re matengo reninga dame tau-taunu. Sababu gena-ge, Kristus 'ai dame balasu 'i parenta taninga 'akala re sinyingara ma dara. Re ḏi’i ngini balasu ni sibere ie murasa ma la tau-taunu ra Ma Jou’ongu Madutu.
Ma Jou’ongu Madutu ro cumutu ngini sa’olo 'Ai 'umata ga’a ngowa’a 'ofi-'ofi re Unanga ro dadalara ngini. Sababu gena-ge, ngini ni 'ahu so’o ne: Ni riono matengo re matengo, ni pake 'akala rousu, ni maholo ninga diri, ni pake 'akala re sinyingara mereoso re 'akala ḇanyo. Ngini matengo re matengo balasu ni pake 'akala ḇanyo, awa ni gogono 'akala na’o ngowa’a lelegu 'aḏi 'a’a sala ra ngini, re ma’u si’apongo matengo re matengo na’o ngowa’a 'aḏi 'a’a ḏosa ra ngini. Ma Jou’ongu Madutu rai 'akala re sinyingara sa-sanangi 'O singi-ngiranga ninga ḏosa-ḏosa, dadi ngini ḏi’i reninga 'akala re sinyingara balasu ma’u si’apongo matengo re matengo na’o ngowa’a 'aḏi 'a’a ḏosa ra ngini.
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
Matengo ga’a 'o dadalara ngowa’a lelegu, unanga gena-ge 'ai 'akala ḇanyo, 'ai 'akala lai rousu, ham-ham ua, matoro ua re momole ua. 'Ai de’oso re ḏegoro lai rousu toma ngowa-ngowa’a lelegu, disa pa’i 'ai paralu ḇato ua, capati ruta ua, gogono 'akala re sinyingara ua. Matengo ga’a 'o dadalara ngowa’a lelegu, 'o sanangi ua na’o ngowa’a lelegu 'aḏi 'a’a 'ori i’a ma jira. Mada’a 'o maroanga pa’i na’o ngowa’a lelegu 'aḏi 'a’a 'ori i’a ma la-la. Unanga 'o tahana talaḏi 'oru ḇato toma ngowa’a lelegu ino, 'o ngaku 'oru ḇato ga’a la-la mangale ngowa’a lelegu. Unanga 'o masinganono tau-taunu ngowa’a lelegu manga de’oso re ḏegoro 'i dadi la-la. Re 'o pake 'akala ḇanyo tau-taunu toma ngowa’a lelegu.
Ngini ga’a reni molo’ara, 'isene ngoi 'ari parenta nena-ne (ra ngoi ino ua, mada’a ra Ma Jou tala): We-were’a ga’a remo molo’ara, awa ma sisoi’i tala 'ami nau’u. Mada’a na’o we-were’a matengo remo sisoi’i tala 'ami nau’u, balasu mo dadunu maḏibo tami nau’u bolo molo’ara rawara. So’o gena-ge ḏi’i, ngini nau’u, awa ni ma’u to-tola’a taninga were’a.
Nau’u balasu otu malomu tai were’a, re were’a balasu otu malomu tami nau’u. Ngowa’a ga’a raḏi molo’ara enanga ma duhu balasu so’o gena-ge. Sababu were’a 'ami lese di’a pa’i munanga masiretene ḇato ua, mada’a 'ami lese di’a 'ami nau’u ḏi’i. So’o gena-ge ḏi’i, nau’u 'ai lese di’a pa’i unanga masiretene ḇato ua, mada’a 'ai lese di’a 'ai were’a ḏi’i.
Awa ni ma’u ki-kiḏanga matengo re matengo bae nau’u toma were’a, bae were’a toma nau’u. Nyengara ḇato na’o ngini nga muḏiḏi ni ma’u fakati ni otu malomu ua, dadi ni manyiata ra Ma Jou’ongu Madutu. Mada’a ma 'orasa ti’ara awa! Togumu i’a ngini ni otu malomu ḏi’i. Dadi awa-awa ni sanga bo-baja toma 'Iblisi sababu ngini nga’unu ua ni manahana ninga lese ma nyafusu.
Awa ngini ni 'a’a 'ori i’a, la ngini ni mau dadi ngowa’a la-lamo’o, bolo la ngini nyengara ni matoro. Siḏibo ḏi’i, ngini matengo re matengo balasu ni siholo ninga 'akala re sinyingara re ni fikiri ngowa-ngowa’a lelegu lebe la-lamo’o i’a ra ngini. Awa pa’i singa’unu ninga diri masiretene, mada’a ngini balasu ni oḏi’i ngowa-ngowa’a lelegu manga ngadolo ua ḏi’i.
Ni ma’istiari ino: Na’o ngowa’a 'aḏi 'a’a cira ngini, ngini 'a’a cira ananga awa. Siḏibo ḏi’i, ngini balasu ni ma’u riono re ni ma’u sioḏi’i matengo re matengo ra guna ḇato.
Ma la-lamo’o ma re’u i’a ḏi’i, ngini balasu ni ma’u dadalara mode-mode’e. Sababu na’o ngini ni dadalara so’o gena-ge, matengo re matengo manga ḏosa ngini na gogono ua taninga 'akala re sinyingara.
'A guna ga’a 'o sanga were’a, unanga 'o bara’utungu,
re unanga ro sanga 'utungu ra Ma JOU.