Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
Xa̱bekha, tsáanꞌ ni̱ni̱ꞌgúúnlaꞌ, ga̱galaꞌ ju̱ñu̱ú gu̱ꞌwia̱ꞌlaꞌ, xómá rí Krísto̱ ndiyoo jaꞌñúú tsí nanimbu̱únꞌ juyáa̱ jamí nixnáxe̱-mine̱e̱ꞌ rí ma̱ja̱ñúu̱ ga̱jma̱á numúu̱,
Ikhaa jngó, mbámbáa tsí ikháanꞌlaꞌ ga̱goo jaꞌyoo a̱ꞌgui̱i mangaa, xómá rí nandoo jaꞌya-mina̱ꞌ mbámbáa tsí ikháanꞌlaꞌ. Xúꞌkhue̱n máꞌ a̱ꞌgo̱ tsí ninújún mangaa, gaya-makuu̱ a̱jmbaa̱.
Xkuaꞌnii máꞌ xa̱bekha tsí ni̱ni̱ꞌgúún mangaa, gíꞌmaa rí ma̱gúu̱n juñúu̱ gu̱ꞌwíi̱n, xómá rí nandúu̱n juya-mijnée̱ ikhii̱n. Tsí nandoo jaꞌyoo a̱ꞌgui̱i, ikhaa̱ máꞌ nandoo̱ jaꞌya-mine̱e̱ꞌ. Numuu rí asndo nimbáa xa̱bo̱ tsíꞌne-mina̱ꞌ mi̱ndaꞌkho rí ikhaa̱. A̱ꞌkhue̱n gakon, naxná-mine̱e̱ꞌ rí ndaꞌyóo̱ jamí na̱ña̱wa̱n-míne̱e̱ꞌ, xómá rí naꞌne Krísto̱ mangaa ga̱jma̱á numúú tsí nanimbu̱únꞌ juyáa̱,
Ikhaa numuu rúꞌkhue̱n, náxúne̱-nduwalaꞌ, rí mbámbáa gáꞌthúun dxájuu i̱ndo̱ó máꞌ rí gakon, numuu rí mbá xúgiáanꞌlóꞌ ñajwanlóꞌ mbáwíi ikhaa máꞌ xa̱bo̱.
Xí najiꞌnáaꞌlaꞌ, ma̱xáꞌne rí asndo mu̱ne̱laꞌ aꞌkhán. Ma̱xájiꞌnáaꞌlaꞌ asndo rí nijngúun máꞌ a̱kha̱ꞌ, kajngó mu̱xúxna̱álaꞌ gixa̱a̱ rí ma̱ꞌngo̱o̱ inalaꞌ.
Nimbá ajngáa xkawe̱ꞌ ma̱xágájnuu ná rawanlaꞌ, rí i̱ndo̱ó máꞌ ajngáa rí máján gútha̱nlaꞌ, rí nambáyúu rí ma̱gaji̱in tsí nu̱dxawanlaꞌ.
Gu̱ni̱ꞌñáálaꞌ mbá xúgíí inii sia̱nꞌ, náxájiꞌnáaꞌlaꞌ, náxámangua̱ꞌlaꞌ, náxúndxa̱ꞌwa̱laꞌ, náxútha̱n-xkawiu̱únlaꞌ xa̱bo̱, jamí náxúne̱laꞌ nimbá rí ra̱máján. A̱ꞌkhue̱n gakon, ga̱nindxa̱ꞌlaꞌ xa̱bo̱ tsí májáan a̱kui̱ín jamí nañáwíin a̱kui̱ín juya-mijná. Gu̱ne̱ mba̱a̱ a̱kia̱nꞌlaꞌ ju̱ya̱-mijnálaꞌ, xómá rí neꞌne mba̱a̱ a̱kui̱in Ana̱ꞌlóꞌ jaꞌyalaꞌ ga̱jma̱á majñu̱u̱ Krísto̱.
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
Xúgíin xa̱bo̱ tsí nida-mijná, guya-makuíi̱ xa̱bo̱ tsí ndiya̱a̱, jamí nimbáa ma̱xábóo ga̱jma̱á xa̱bo̱ tsí táyáa. Xómáꞌ tsí nubúún gajmíí xa̱bo̱ tsí túya̱a̱ rá, Ana̱ꞌlóꞌ maxúꞌdaa awan ga̱jma̱á numúu̱.
Ikháanꞌlaꞌ nána̱ tsáanꞌ ni̱nújúnlaꞌ, gu̱ne̱-mbáníílaꞌ rí nuthanlaꞌ a̱jmbialaꞌ, numuu rí rúꞌkhue̱n jaꞌyoo rí mu̱ne̱laꞌ tsáanꞌ nanimba̱ꞌlaꞌ ju̱ya̱á Táta̱.
Ikháanꞌlaꞌ táta̱ tsáanꞌ ni̱ni̱ꞌgúúnlaꞌ, ga̱galaꞌ ju̱ñu̱ú gu̱ꞌwia̱ꞌlaꞌ, jamí mu̱xúñúu̱laꞌ mi̱ndaꞌkho.
Rí phú i̱tha̱án gíꞌdoo numuu ñajuun rí ma̱galaꞌ ju̱ya̱-mijnálaꞌ, numuu rí ikhaa rúꞌkhue̱n ma̱ꞌne rí mbóó idxa̱ꞌlaꞌ gáꞌne.
Ga̱ri̱gá máꞌ xúꞌkhue̱n tsímáá rí naxná Ana̱ꞌlóꞌ ga̱jma̱á nindxa̱ꞌlaꞌ. Numuu rí ikháanꞌlaꞌ watsaꞌwálaꞌ rí ma̱nindxa̱ꞌlaꞌ asndo xó rí mbáwíi xa̱bo̱. Jamí gu̱rígu̱ulaꞌ gamaku inuu Ana̱ꞌlóꞌ.
Maphú nandoo Ana̱ꞌlóꞌ jaꞌyalaꞌ, rí asndo niraꞌwáa̱nꞌlaꞌ rí ma̱nindxa̱ꞌlaꞌ xa̱bii̱. Ikhaa jngó jámba̱ miꞌtsú ga̱ñáwíin a̱kia̱nꞌlaꞌ, ga̱ꞌne májáan a̱kia̱nꞌlaꞌ, gu̱xrígú-mijnálaꞌ, ga̱ꞌne gamakuáanꞌlaꞌ, jamí ma̱xájiꞌnáaꞌlaꞌ nacha̱ guéño. Xúꞌkhue̱n máꞌ ga̱ꞌngo̱o̱ a̱kia̱nꞌlaꞌ ju̱ya̱-mijnálaꞌ, jamí gu̱ne̱ mba̱a̱ a̱kia̱nꞌlaꞌ ju̱ya̱-mijnálaꞌ xí mbáa gíꞌdoo xkujndu ga̱jma̱á i̱mba̱a̱ꞌ. Gu̱ne̱ mba̱a̱ a̱kia̱nꞌlaꞌ xómá rí Krísto̱ neꞌne mba̱a̱ a̱kui̱in jaꞌyalaꞌ mangáanꞌlaꞌ.
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
Tsí nandoo jaꞌñúú xa̱bo̱ phú mba̱a̱ a̱kuii̱n, jamí phú májáan a̱kuii̱n. Tsí nandoo jaꞌñúú xa̱bo̱, tsíxígu̱u̱ꞌ, tsíꞌne-tsiꞌyée̱ ni máꞌ tsíkúxe̱-mine̱e̱ꞌ. Tsí nandoo jaꞌñúú xa̱bo̱, tsíꞌnii̱ nimbá rí nda̱a̱ gamakuu, tsíndxaꞌwá-mine̱e̱ꞌ i̱ndo̱ó máꞌ ga̱jma̱á numuu̱ ikhaa̱, tsíjiꞌnáa̱, tsíka̱ jayóo̱ sia̱nꞌ. Tsídxu a̱kuii̱n eꞌne rí ra̱máján, rí nadxu a̱kuii̱n eꞌne rí gakon. Tsí nandoo jaꞌñúú xa̱bo̱, mbá xúgíí naꞌne mba̱a̱ a̱kuii̱n jaꞌyoo̱, mbá xúgíí nanimbo̱o̱ꞌ, mbá xúgíí na̱gi̱ꞌthu̱u̱n, mbá xúgíí na̱ꞌngo̱o̱ a̱kuii̱n.
Xómáꞌ tsí nida-mijná máꞌ rá, na̱thúu̱nlo̱ꞌ ríge̱ꞌ, (ra̱ꞌkhá máꞌ ikhúúnꞌ i̱tha̱nlo̱ꞌ, rí jmína̱a̱ꞌ máꞌ Táta̱ niꞌthán): Ma̱xániña̱a a̱jmbe̱e a̱ꞌgo̱. Jamí xí naniñaa̱ a̱jmbaa̱ rá, náxánújwíi̱n, o i̱ndo̱ó máꞌ xí nambáxii̱ mbu̱júꞌ ga̱jmáa̱ a̱jmbaa̱ mbo̱ꞌ. Xúꞌkhue̱n máꞌ xa̱biya̱, ma̱xániñaa̱ a̱ꞌguii̱.
Tsí xa̱biya̱ ga̱ꞌne-mbánuu̱ rí nandoo a̱ꞌguii̱, xúꞌkhue̱n máꞌ a̱ꞌgo̱ mangaa, ga̱ꞌne-mbánuu̱ rí nandoo a̱jmbee̱. Numuu rí a̱ꞌgo̱ tsí ninújún ra̱jáꞌyoo̱ ikhaa̱ xuyuu̱, rí a̱jmbee̱ jaꞌyoo ne̱. Ni máꞌ xa̱biya̱ tsí ninigúún ra̱jáꞌyoo̱ ikhaa̱ xuyuu̱, rí a̱ꞌguii̱ jaꞌyoo ne̱. Ikhaa jngó, ma̱xánga̱jwa̱ꞌlaꞌ rí mu̱ne̱-mbánu-mijnálaꞌ rí nandoo xuyalaꞌ, o i̱ndo̱ó máꞌ xí nu̱tha̱n-mijnálaꞌ rí mu̱xúne̱laꞌ rí nandoo xuyalaꞌ mbá wátha̱ wáa mbiꞌi kajngó mu̱tha̱n-jáñíílaꞌ Ana̱ꞌlóꞌ rá mbo̱ꞌ. Gu̱ru̱wa-mijnáalaꞌ mbu̱júꞌ xí ninújngoo máꞌ mbiꞌi rúꞌkhue̱n, ra̱ꞌkhá ma̱ꞌne-rájáanꞌlaꞌ Satanás rí mu̱ne̱laꞌ aꞌkhán ga̱jma̱á numuu rí tsíꞌnga̱ꞌlaꞌ mu̱waꞌthi̱ínlaꞌ mba̱yo̱ꞌ.
Asndo náá rí nu̱ne̱laꞌ, ma̱xátsa̱ña̱ꞌlaꞌ ni máꞌ mu̱xúxu̱xí-mijnálaꞌ. A̱ꞌkhue̱n gakon gu̱ne̱-waba-mijnálaꞌ, jamí mbámbáa gáju̱mu̱u̱ rí i̱tha̱án gíꞌdoo numuu dxájuu xó rí ikhaa. Mu̱xúꞌyálaꞌ i̱ndo̱ó máꞌ rí ndaꞌyálaꞌ ikháanꞌlaꞌ, rí ga̱xná-gamiéjwanlaꞌ rí ndaꞌñúú i̱ꞌwíin mangaa.
A̱gu̱ya̱álaꞌ rí nimbáa ma̱xárthanga̱a rí xkawe̱ꞌ ná inuu i̱mba̱a̱ꞌ rí xkawe̱ꞌ niꞌñuu̱. A̱ꞌkhue̱n gakon, jámba̱ miꞌtsú gu̱ne̱-mijnálaꞌ rí máján, jamí gajmíí mbá xúgíin xa̱bo̱ mangaa.
Phú i̱tha̱án máꞌ gíꞌdoo numuu rí ma̱galaꞌ ju̱ya̱-mijnálaꞌ. Numuu rí phú mbaꞌa aꞌkhán najúgoo xí nandalóꞌ juꞌya-mijnálóꞌ.