Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Ikiavɨra Itir Godɨn overiam ko nguazimɨn ingarizim,
a bar uabɨra nan akurvasi.
God en danganir mogomemɨn mɨn ikia,
e akumakua deragha en gara, gavgavim zurarama e ganɨdi.
Dughiar e osɨmtɨzir ekiabar aven itibar,
a en akurvaghasa gara iti.
Bar guizbangɨra, God uabɨra nan akurvasi.
Ekiam nan akurvazima, kɨ deravɨra ikia, angamɨra ikiavɨra iti.
Ikiavɨra Itir God uabɨ, gumazamizir an damazimɨn derazibar akura.
Me osɨmtɨzibar aven ikiava, a baghavɨra ghua an aven modima,
a me geghuva deragha men gari.
Ikiavɨra Itir God men akuragha ua me ini.
Me an boroghɨn ikia an aven modi.
Ezɨ a gumazamizir kurabar dafaribar uam me inizɨ,
me deraghavɨra iti.
O Ekiam, nɨ nan Akurvazir Gumazim.
Nɨ zuamɨra na bagh izɨ nan akuragh.
O God, nɨ Godɨn En Akurvazim.
Nɨ uan ziar ekiam bagh nɨghnigh en akuragh uam e inigh,
en arazir kuraba gɨn amadagh.
Kɨ Ikiavɨra Itir Godɨn ziam fe.
Guizbangɨra, kɨ uabɨn akurvaghasa a ko mɨkemezɨ a na baraki.
Ikiavɨra Itir God uabɨ gavgavim isa na ganɨga,
nan oramɨn mɨn ikia na modi.
Ezɨ kɨ nɨghnɨzir gavgavim an iti.
A nan akurvagha na gamima,
kɨ uan navir averiamɨn, a bagha bar akuegha
onger akabagh amua a mɨnabi.
God zuamɨra nan akurazir puvatɨzɨ,
kɨ ti fomɨra matmatiam giraghughai.
Kɨ Ikiavɨra Itir God, ian God, kɨ ian boroghɨra ikia,
gavgavim isa ian agharir guvim ganɨga kamaghɨn ia mɨgɨa ghaze,
Ia atiatingan markɨ.
Kɨrara, kɨ ian akurvagham.
O God, nɨ uan oram na ganɨngizɨma, kɨ an gɨrakɨrangɨn modozɨ, nɨ nan apanibar dafaribar ua na ini.
Nɨ uan gavgavimɨn nan akura.
Nɨ nan dɨmdiam baregha nan akurazɨ, kɨ gumazamizibar damazimɨn ziar ekiam iti.
Ia, gumazamizir ingangarir ekiabagh amua osɨmtɨzir avɨriba ateriba, ia bar moghɨra na bagh izɨ. Eghtɨ kɨ aghuvsazim ia danɨngam.
Eghtɨ kɨ Afeziamɨn azangsɨghtɨ, a gavgavim ia danɨngamin Akurvazir mam ia bagh anemangam. Eghtɨ a ia ko ikɨ mamaghɨra ikiam.
Kamaghɨra, e gavgaviba puvatɨzir darasi, Godɨn Duam en akurvasi. E fozir puvatɨ, e manmaghɨn biziba bagh God ko mɨkɨmam? En mɨgɨrɨgɨaba otefe. Kamaghɨn amizɨ, Godɨn Duam uabɨ e bagha God ko mɨgɨa, tuavara, an ararem akar e mɨkɨman asazibagh afira. Ezɨ God gumazamizibar navir averiaba guizbangɨra dar gari. A uan Duamɨn nɨghnɨzim gɨfo. Kamaghɨn, an Duam Godɨn ifongiamɨn gɨn ghua Godɨn gumazamiziba bagha a ko mɨgei.
Nɨ nɨghnɨzir gavgavim Ikiavɨra Itir Godɨn ikɨ.
Egh kamaghɨn nɨghnɨghan markɨ, nan fofozimra nan akurvagham.
Bizir nɨ bar amiba, nɨ Ikiavɨra Itir Godra nɨghnɨgh egh dar amu,
eghtɨ a tuavir aghuir nɨ mangamimra nɨn akagham.
God ia gɨnɨghnɨsi, kamaghɨn amizɨ osɨmtɨzir ia ateriba, ia da isɨ Godɨn agharim darɨgh.