2 Uɓa̱nki u va̱ wi ta̱ a̱ ku uta̱

a̱ ubuta̱ u Vuzavaguɗu,

a̱yi na u yaꞋin gaɗi n iɗika.

1 Ka̱shile kaꞋa ubuta̱ u kusheɗeku u tsu n katsura ka̱ tsu,

a makyan dem ufoɓushi u ɗa wi u ɓa̱nka̱ tsu a ayin atakaci.

4 N yeve ta̱ Ka̱shile kaꞋa ka̱ɓa̱nki ka̱ va̱.

Vuzavaguɗu ɗa wi a̱ kula̱na̱ mu.

39 Vuzavaguɗu u tsu isa ta̱ aza a usuɓi,

a̱yi ɗa ubuta̱ u kusheɗeku u le a ayin atakaci.

40 Vuzavaguɗu u tsu ɓa̱nka̱ le ta̱ ka̱ta̱ kpamu wu isa le,

u tsu isa le ta̱ ekiye aza a gbani-gbani,

adama a na a̱ la̱nsa̱ ta̱ ubuta̱ u ku sheɗeku wa̱ a̱ ni.

22 YaꞋan gogoꞋo vu ɓa̱nka̱ mu,

Vuzavaguɗu kishi ka̱ va̱.

9 Vu ɓa̱nka̱ tsu, Ka̱shile kishi ka̱ tsu,

adama a tsugbayin tsu kula ku nu,

isa tsu ka̱ta̱ vu cinukpaka tsu unushi u tsu,

adama a kula ku nu.

6 Cikpai Vuzavaguɗu,

adama a na u pana ta̱ ma̱shi ma̱ kula̱nsa̱ uɓa̱nki ma̱ va̱.

7 Vuzavaguɗu ɗa utsura u va̱,

n ma̱ra̱ga̱ ma̱ va̱,

n zuwa ta̱ ka̱ɗu ka̱ va̱ wa̱ a̱ ni,

u ɓa̱nka̱ mu ta̱, n yaꞋan ta̱ ma̱za̱nga̱,

n vishipa vu va̱ ɗa n kucikpa yi.

17 Ishi baci Vuzavaguɗu u ɓa̱nka̱ mu ba,

a na gogo na n yawa ta̱ ɗe a̱ ubuta̱ wa̱ a̱kpisa̱.

13 Adama a na mpa ɗa Vuzavaguɗu Ka̱shile ka̱ nu,

vuza na u tsu ɓa̱na̱ kukiye ku usingai ku nu,

ɗa n danai nu, ka̱ta̱ vu pana wovon ba,

mi ta̱ a̱ kuɓa̱nka̱ wu.

36 Vuzavaguɗu vu ere mu ta̱, ɗa vu isai mu,

uɓa̱nki u nu u zuwa mu ta̱ mo okpoi vuzagbayin.

5 Ushuku n Vuzavaguɗu n ka̱ɗu ka̱ nu dem.

Ka̱ta̱ vu piꞋisa a kuyeve ku nu ba.

6 Ciɓa n Vuzavaguɗu a ili i na vi a kuyaꞋan dem,

a̱yi tana wi ta̱ a ku yotsongu wu uye u singai.