2 ታስ ማዶይ ሳሎኔ

ሳኣ ሜዳ

ጎዳፔ ዬስ።

1 ጾሲ ኑኒ ሺቂ ኣቲዛሶኔ

ኑስ ዎልቃ፤

ኑና ሜቶይ ጋኪዛ ዎዴ

ማዳናስ ኢዚ ኡባቶ

ማታን ዴስ።

4 ጊዶ ኣቲን ጾሲ ታስ ማዶ፤

ጎዳይካ ታስ ዜምፖ።

39 ጺሎታስ ኣቶቴ ጎዳፔ ዬስ፤

ሜቶ ዎዴ ኢዚ ኢስታስ ጌሚዛሶ።

40 ጺሎቲ ጎዳ ጉዬ ኣዳ፤

ሄሳ ጊሻስ ኢዚ ኢስታ

ማዴሲኔ ኣሼስ፤

ኢታታ ኩሼፔካ

ዎ ኤኬስ።

22 ኣቤት ታና ኣሺዛ ጎዳዉ!

ታና ማዳናስ ኤሶታ።

9 ኣቤት ኑና ኣሺዛ ጾሳዉ!

ኔ ሱን ቦንቾ ጊሻስ

ኑና ማዳ፤

ኔ ሱን ጊሻስ ኑና ኣሻ፤

ኑ ናጋራካ ኣቶ ጋ።

6 ታ ዎሳ ሲዪዳ ጊሻስ፥

ጎዳይ ጋላቴቶ።

7 ጎዳይ ታስ ዎልቃኔ ጎንዳሌ፤

ታ ዎዚናይ ኢዛን ኣማኔቴስ፤

ሄሳን ታኒ ማዴታዲስ፤

ሄሳ ጊሻስ

ታ ዎዚናይ ኢዛን ኡፋዬቴስ፤

ታኒ ኢዛ ዬን ሳባና።

17 ጎዳይ ታና ማዶንታኮ፥

ታኒ ኤሶን ዱፎን ጌላዳ

ሲርጲ ጋና።

13 ጋሶይካ ታኒ ጎዳ ኔ ጾሳይ፥

ታ ኔና ማዳና፤ ያዮፋ

ታ ኔ ኡሻቻ

ኩሼዛ ኦይካና።

36 ኔ ኣቶቴ ጎንዳሌ

ታስ ኢማዳሳ፤

ኔ ካፎይ ታና ጊታሲዴስ።

28 «ቶሆይ ዴጺዳይቶ፥ ዳቡርዳይቶ፥ ኢንቴ ዉሪካ ታኮ ሃ ዪቴ፤ ታኒካ ኢንቴስ ሼምፖ ኢማና።

16 ታኒ ኣዋ ዎሳና፤ ኢዚካ ኢንቴናራ ሜርናስ ዳና ማላ ሃራ ኢንቴና ሚንናዴ ኢንቴስ ኢማና።

26 ሄሳካ ቃሴ ኑ ዳቡርሺን ኣያናይ ኑና ማዴስ፤ ኑኒ ዎሳ ዎስቲ ዎሳናኮ ኤሮንታ ጊሻስ ኣያናይ ኑኒ ቃላን ቆንጪሳናስ ዳንዳዬቶንታ ቃላራ ኑስ ዎሴስ። 27 ኑ ዎዚና ፓጪ ኤሪዛ ኣያናይ ኢዚ ኣያና ቆፋ ኤሬስ፤ ጋሶይካ ኣያናይ ጾሳ ሼኔ ማላ ኣማኒዛ ኣሳስ ኑስ ዎሴስ።

5 ኔኒ ፖሎ ዎዚናን

ጎዳን ኣማኔታ፤

ኔኒ ኔ ኣኬካን ዜምፖፋ።

6 ኔኒ ቢዛ ኦጌ ኡባን

ኢዛ ሲንሳ፤

ኢዚካ ኔ ቢዛ ኦጌ ሱሪሳና።

7 ኢዚ ኢንቴስ ቆፒዛ ጊሻስ ኢንቴና ሜቲዛ ቆፋ ዉርሲ ኢዛ ቦላ ዬጊቴ።