2 ታዉ ማዶይ

ሳሎነ ሳኣ መዳ ጎዳፐ ዬስ።

1 ፆሳይ ኑ ቆሰትድ አትያ፥

በሰነ ኑ ዎልቃ።

ኑና መቶይ ጋክያ ዎደ፥

እ ኑና ማዳናዉ ኡባ ዎደ ኑ ማታን ደኤስ።

4 ፆሳይ ታዉ ማደ፤

ጎዳይ ታዉ ዘምፖ።

39 ፅሎታ አቶተይ ጎዳፐ ዬስ፤

እ መቶ ዎደ ኤንቲ ናገትድ አትያ በሰ።

40 ጎዳይ ፅሎታ ማዴስ፤ አሼስ፤

ኤንቲ እያኮ ባቃትዳ ግሾ፥

እ ኤንታ ኢታታፐ አሼስ፤ ናጌስ።

22 ታና አሽያ ታ ጎዳዉ፥

ታና ማዳናዉ ኤለሳ።

9 አቤት ኑና አሽያ ፆሳዉ፥

ነ ቦንቾ ሱን ግሾ ኑና ማዳ።

ነ ሱን ግሾ ኑና አሻ፤

ኑ ናጋራ አቶ ጋ።

6 ታ ዎሳ ስእዳ ግሾ

ጎዳይ ጋላተቶ።

7 ጎዳይ ታዉ ዎልቃነ ጎንዳለ፤

ታ ዎዛናይ እያን አማነቴስ፤

ታ እያን ማደታስ።

ታ ዎዛናይ እያን ኡፋይቴስ፤

ታ እያ ማዝሙረን ሳባና።

17 ጎዳይ ታና ማዶናኮ፥

ታኒ ኤሶን ዱፎ ገላዳ አታናሽን።

13 ታኒ ጎዳይ፥ ነ ፆሳይ፥

ነ ኡሻቻ ኩሽያ ኦይካና፤

ያዮፋ፥ ታኒ ነና ማዳና።

36 ታና አሽያ ነ ጎንዳልያ ታዉ እማዳሳ፤

ነ ካትሶይ ታና ግታዬስ።

28 "ህንተኖ፥ ዳቡራንቾቶ፥ ቶሆይ ዴፅዳ ኡባይ ታኮ ሃ ዪተ፤ ታኒ ህንተና ሸምፕሳና።

16 ታኒ አዋ ዎሳና፤ ህንተራ መርናዉ ዳና መላ ምንይሳ ህንተዉ እማና።

26 ሄሳዳ ጌሻ አያናይ ኑ ዳቡራን ማዴስ። ኑኒ ፆሳ ዋት ዎሳናዉ በሲያኮ ኤሮኮ፥ ሽን ጌሻ አያናይ ባ ሁጰን፥ አስ ኦዳናዉ ዳንዳኤቶና ቃላን ኑስ ጋናቴስ። 27 ቃስ አሳ ዎዛና ኤርያ ፆሳይ ጌሻ አያና ቆፋይ አይበኮ ኤሬስ። ጌሻ አያናይ ፆሳ ሸንያዳ ጌሻታስ ጋናቴስ።

5 ነ ኩመ ዎዛናን ጎዳ አማነታ፤

ነ አኬካን ዘምፖፋ።

6 ነ ኦሶ ኡባን እያ ስንያ፤

እ ነና ሱረ ኦገ ካለና።

7 እ ህንተዉ ቆፕያ ግሾ ህንተና ህርግስያ ኡባ እያ ቦላ የግተ።