Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Taas maadoy salonne
sa7a medhdhida
GODAAPPE yees.
Xoossi nuni shiiqi attizasonne
nuus wolqqa;
nuna metoy gakkiza wode
maaddanaas izi ubbato
matan dees.
Gido attiin Xoossi taas maado;
Godaykka taas zemppo.
Xillotas atoteththi GODAAPPE yees;
meto wode izi isttas geemmizaso.
Xilloti GODAA guye aadhdhida;
hessa gishshas izi istta
maaddeessinne ashshees;
iitata kusheppeka
woththi ekkees.
Abeet tana ashshiza Godawu!
Tana maaddanaas eesota.
Abeet nuna ashshiza Xoossawu!
Ne sunththa bonchcho gishshas
nuna maadda;
ne sunththa gishshas nuna ashsha;
nu nagarakka atto ga.
Ta woosa siyida gishshas,
GODAY galatetto.
GODAY taas wolqqanne gondalle;
ta wozinay izan ammaneettes;
hessan tani maadettadis;
hessa gishshas
ta wozinay izan ufayettees;
tani iza yeththan sabbana.
GODAY tana maaddonttaakko,
tani eeson duufon gelada
sirphi gaana.
Gaasoykka tani GODAA ne Xoossay,
ta nena maaddana; yayyofa
ta ne ushachcha
kusheza oykkana.
Ne atoteththa gondalle
taas immadasa;
ne kaafoy tana gitasides.
«Toohoy deexxidaytoo, daaburdaytoo, intte wurikka taakko haa yiite; tanikka inttes shempo immana.
Tani Aawa woossana; Izikka inttenara mernaas daana mala hara inttena minththeththanaade inttes immana.
Hessaththoka qasse nu daaburshin Ayanay nuna maaddees; nuni woosa wostti woossanaakko erontta gishshas Ayanay nuni qaalan qonccisanaas dandayettontta qaalara nuus woossees. Nu wozina paacci eriza Ayanay izi Ayana qofaa erees; gaasoykka Ayanay Xoossa shene mala ammaniza asaas nuus woossees.
Neni polo wozinan
GODAAN ammanetta;
neni ne akeekan zemppofa.
Neni biza oge ubbaan
iza sinththasa;
izikka ne biza oge suurisana.
Izi inttes qoppiza gishshas inttena metiza qofaa wursi iza bolla yeggite.