Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Hae God ya we i mekem skae mo graon,
hem nomo i stap givhan long mi.
God, hem i sefples blong yumi,
hem i paoa blong yumi.
Oltaem hem i rere blong givhan long yumi
long taem blong trabol.
Be oltaem God i stap givhan long mi.
Hem i Masta long 35.22. blong mi,
mo i stap blokemgud mi.
Oltaem Hae God i stap sevem ol stret man,
i stap lukaot gud long olgeta
long taem blong trabol.
Hem i stap halpem olgeta,
i stap sevem olgeta.
Hem i stap tekemaot olgeta
long han blong ol man nogud,
from we oli stap luk long hem
blong hem i blokemgud olgeta
oli stap gud.
Yu yu Masta* blong mi,
mo yu yu sevem mi.
Plis yu kam kwik, yu halpem mi.
God,
oltaem yu yu stap sevem mifala.
Plis yu no panisim mifala
from ol sin blong ol bubu blong mifala bifo.
Plis yu sore long mifala.
Naoia, tingting blong mifala i foldaon olgeta.
Plis yu halpem mifala,
yu sevem mifala,
mo yu fogivim mifala,
yu tekemaot ol sin blong mifala,
from we hae nem blong yu
i stap long mifala.
Mi mi mas presem Hae God,
from we hem i harem mi finis
we mi stap krae long hem
blong i givhan long mi.
Hem i paoa blong mi
mo hem i stap lukaot gud long mi.
Mi mi trastem hem.
Hem i stap givhan long mi,
mo i stap mekem mi mi glad.
Mi mi stap presem hem,
long ol singsing blong glad.
Sipos Hae God i no bin givhan long mi,
bambae mi go kwiktaem nomo
long Hom* blong ol Dedman.
!Mi mi Hae God, mi God blong yufala!
Mi nao mi stap mekem yufala i strong,
mo mi stap talem long yufala se,
‘!Yufala i no fraet!
!Mi bambae mi givhan long yufala!’
"Hae God.
Yu yu stap blokemgud mi,
yu stap sevem mi.
Fasin blong yu
we yu stap givhan long mi,
hem i stap leftemap nem blong mi.
Mo Jisas i talem se, "Yufala evriwan we yufala i stap hadwok tumas, mo we yufala i stap karem ol hevi samting, yufala i kam long mi, nao mi bambae mi tekemaot ol hevi samting ya, mi mekem we yufala i spel gud.
Nao bambae mi mi askem long Papa blong mi, mo hem bambae i givim wan narafala Man blong Givhan long yufala, blong hem i save stap oltaem wetem yufala.
Mo long sem fasin, Tabu Spirit tu i stap givhan long yumi, we yumi no gat paoa, from we yumi no save wanem fasin i stret blong yumi folem blong prea. Tabu Spirit ya, hem nomo i stap prea long God oltaem from yumi, hem i stap krae we i no gat ol tok we i naf blong makem ol tok blong hem. God i stap lukluk insaed long tingting blong ol man, mo hem i savegud wanem i stap long tingting blong Tabu Spirit, from we Spirit ya i stap prea long God from ol man blong hem, stret olsem we God i wantem.
I nogud yu ting se save ya blong yu naoia, hem i naf blong givhan long yu. Yu mas trastem Hae God long olgeta tingting blong yu. Long olgeta samting we yu stap mekem, yu mas tingbaot hem oltaem, mo sipos yu stap mekem olsem, hem bambae i soemaot stret rod long yu, blong yu yu folem.
Yufala we i stap wari tumas, yufala i mas putum ol trabol blong yufala long han blong hem, from we oltaem hem i stap tingbaot yufala.